مـاهو نـــــــــــوع قـلـبـــك ؟؟؟

هذا هو قلبي
ياقلبي اللي توصل العشق حده
من لا يودك وش تبابه توده
ماعاد لك يم المقفين لده
واللي نسيك انسه ولا تلتفت فيه

احفظ سنينك لا تضيع عددها
لابد باقي لك سنين بعدها
قال المثل من عز روحه وجدها
هذا الكلام اللي مع الناس نوحيه

نوحيه من يوم العصور القديمه
واللي يبيعك بيع باخس قيمه
من لا يشوفك خير ماهو غنيمه
جرب وكل إناء ينضح بما فيه

ولا عاد تأمن من ضحك لك بسنه
البيض غدارات من يوم هنه
والعشق كله نار مافيه جنه
يانار واللي يقرب النار تكويه

وقال قلبي لا تعذل عليه
انت السبب وانته زمام الخطيه
واليوم انا مشبوك شبكه قويه
اشكي على الطير المسافر واوصيه

اقول اخذ علمي لخلي وهاته
خله يعلمنا بقصة حياته
ياليتنا نقدر نسوي سواته
مادامت انه ناوي الهجر ناويه

قلت انت ياقلبي عروقك جريحه
وإمصنجه ماتستمع فالنصيحه
وانته سببك من العيون المليحه
اللي تبا ترسل له الطير ترميه

ياقلب وطيور الهوى في سماها
ياليتها تقدر تكافح هواها
وانت ابن آدم كيف تفهم لغاها
والطير من يفهم جوابه يلاغيه