ابو حمدان يارجال شفتوه

للشاعر الحجاج بن يوسف
ياسلام الله سلام (ن ) واثني بالسلام
........ والثنـا والشـكـر والحـمـد لله الحمـيـد
اسرج اللي من خيولك اصيله يالهمام
........ ودنا نخذ ونعطي على القيف السيعـد

للشاعر ابوحمدان
مرحبا ترحيبة (ن) عاليـة فـوق الغمـام
............. ساعة اللي يوم أشوفك تراها يوم عيـد
الخـيـول مسـرّجـة وارتبطـنـا بالـحـزام
.......... مير شد الحيل واثبت في علمك يارشيد
للشاعر الحجاج بن يوسف
البقـا يالـي ترحـب ولــك عــزه ومـقـام
.......... ما نبا غيـر النقـا مـن قريـب ومـن بعيـد
طاح نون(ن) ياعميلي ولا خضر البشام
......... واحسوفي بالحسوف بعد مايبس الجريد
للشاعر ابوحمدان
أنت رجال(ن) زعيم من رياجيل(ن) كرام
........... جــاك علـمـي يـافـتـى لاتـعـيـد ولاتـزيــد
ياثقيـف أهــل القـنـا والمعـانـد والـزعـام
.......... جاك علم الصدق والله على قولـي شهيـد
للشاعر الحجاج بن يوسف
يامدير الدايره كيف تجهل في النظام
.......... سقتها يم السهل وانت لقيد السنيد
اركزوا نيشانها لا تحسب للعسـام
......... باينه مثل العلم لا تسوي انك بليـد
للشاعر ابوحمدان
سقتهـا يـم السهـل ثـم نشبـت فــي الـزحـام
.................. رميـتـك ياصاحـبـي عــن هـدفـهـا لاتـحـيـد
هات علمك ياأجودي واختصر لي في الكلام
.................. لاتـلـف ولاتحـايـل عـسـى عـمــرك مـديــد