فكرة برج المليون رد .............!!!

[poem=font="simplified arabic,5,#000000,bold,normal" bkcolor="" bkimage="" border="none,1," type=0 line=1 align=center use=ex num="0,"]
من يقول الزين مـايكــمل حــلاه=كل شـئ ٍ فـي حبـيـبـي اكـتـمـل
الله اللـي كـملـه والله عـــطــاه=مابقى للـزيـن فـي خـلـي مـحـل
العيون أحلى مـن عـيون المـهـاه=شافها قلبـي و صـفـق واحـتفـل
نظرته مـن فـتنـته شعـلـة حيـاه=والجفون من الحيا فيـهـا كـسـل
ساهـم ٍ رمشـه علـى الخد وسناه=كِن لـمعـة وجنـتـه ورد ٍ وطـل
والشـفـايـا كنـها جمـر الغضـاه=تحرس الريق المحلى بالعـسـل
والشعر ليـل ٍ نقل حمـرة مســاه=أجعد ٍ حول على صـدره هـمـل
مايج ٍ مـــن فوق متنـه ماطـــواه=لون شلال ٍ مـع المـغـرب نـزل
انطلق جيده يمــاري فــي بهــاه=فــوق ميـاس ٍ تـعـزل واعـتـدل
بالرشاقه فيــه من ظبــي الفلاه=لي مشى كنه على الريح انــتقل
ريحته من كـــل زهـــر ٍ منتقاه=و الزياده للخــزامــى و الــنفل
صافي ٍ مثل المطر فوق الصفاه=باسم ٍ مثل الــبشــايــر بالأمــل
جامع ٍ من كـــل زيـــــن ٍ منهاه=مستحيل الوصف في خلي سهل
كايد ٍ ماهو يلين لمن بغـــــــــاه=يرتفع عن كل سقطـات الــزلل[/poem]