( عشق الممالك ) موجهه للشاعر الكبير / عبد الله بن علي الطلحي

السلام عليكم ورحمة الله وبركاته
هذه المتواضعه موجهه للشاعر الكبير / عبد الله الطلحي
عبر هذا الموقع العزيز على نفسي و اتمنى ان يكون ابو ناصر في اتم الصحة والعافيه .
تحمل هذه القصيدة موضوع يهم الكثيرين و احببت ان يشاركني الراي فيه مع تقديري للجميع .
**
**

[poem=font="traditional arabic,6,#000000,bold,normal" bkcolor="#ffc0cb" bkimage="" border="groove,4,#000000" type=1 line=0 align=center use=ex num="0,"]
بالخير يا حضرة مشاريف السوامي والصخور=اللي تعانق غرّة ألغيمه ولضياها سنا
يا سلوة الخاطر ليا ضاقت وسيعات الصدور=يا متعة الناظر ليا خيّم على الجفن العنا
من عادتك لا خرّج الوسمي من أحداق البحور =تفرش بساط الجو والمتعه على صدر الهنا
مرّت عليك عصور تلو عصور وأيامك سرور=مرفوع هامه , وافر القامه , وظهرك ما انحنا
جوّك يفوق الوصف و انسامك تعطرها الزهور=كم ليلةً غنّت على ألحانك من الوجد اسجنا
و اسمك من الأسرار يا عشق الممالك والقصور=يحتار فيك الفكر يا ملهم شغاف أعقولنا
يا اللي حصاك أغلى من الألماس و أشجارك بخور=و أرضك من الياقوت و أملاكك مفاتيح الغنا
هذا هو الطائف , وللطائف من الذكرى حضور =خلتني أكتب فيه , و الموصوف فايق وصفنا
أعشق محاسن باهي المظهر ولا أحب الظهور=و أثني على سكانه اللي يستحقون الثنا
أثني على ربعي هل العادات وافين الشبور =اللي منازلهم من الطايف ليا محدودنا
أهل الديار البكر حماية مخاطير الثغور=اللي عليها ينصب المدفاع مندوب الفنا
هم كاسبين المدح و الطالات في كل العصور=هم عسكر البارود , هم خيرة مخضبة القنا
أرجال أهل وزعه , و أهل فزعه , و أهل ملحٍ يثور=ذبّاحة الأتراك يوم الوقت طاول و أنثنا
واليوم يجمعنا كتاب الله ومذهب ما يبور =هو شرعنا المعمور , و إخلافه فلا هو شرعنا
يا ربعنا " الطلحات و الخـلّد " كلام الصدق نور=ما عاد ينفعنا تباعدنا , وهذا وضعنا
رحنا ثلاث أثلاث و العاقل على ربعه غيور =والصلح لأهله خير , و التشتيت ما هو طبعنا
و إن كان قدمنا مصالحنا على بعض الأمور=ما هي غريبه عند كل الناس و انتم ربعنا
اللي غريبه وقفة الأقدام عن خط العبور=خطً بذلنا له من الأسباب مافي وسعنا
ما عاد يبقى إلا اتفاقيات ما بين السطور =ونقفل الموضوع ونحققك يا حلم المنا
يا سامعين الصوت ما واحد من الجهد معذور=و اسالكم با الله من يقدر يحقق حلمنا
اليا متى و احنا نعيش أحلام سكان القبور =و الناس تبني مجد حاضرها بهمه و اعتنا
و اليا متى و احنا تنافسنا على بعض الدثور =على بسيطة من بسطها الله لأبونا و أمنا
و الأرض ما ضاقت بمن فيها على مر الدهور=الأرض للي قبلنا ولنا وللي بعدنا
و الأرض ما تعطي لساكنها الأمان من الشرور =نفنا وتفنا بعدنا الأجيال سيرة من فنا
يا ليتنا نرضى بقسمتنا مُهدّم ومعمور =قدام لا نعرف حدود الهدم من حد البنا
أليا تجاوزنا خلافات التنافر والدبور=و اليا تحررنا من النعرات و اسباب الخنا
يمكن نحقق ما تمنينا ونوفي بالنذور=اللي علينا من سنة تسعين و اللي قبلنا
تروا التسامح شيمة أهل الفضل منهاج الصبور = و الطيب يبقى , والردا راعيه سمّوه أرعنا
بعض الفرص مره ولا بعد القبَال إلا النفور=و الحمد لـ . الله كل ما في الأمر وادي و أخشنا
شجره تظللنا , نعيش بها ولو فيها ضمور=أخير من فله نعيش بها بضيقه و أشحنا
ما شفتم النخله وهي نخله رطبها ما يبور =في كل عام اليا عطاها الله تمايل بالقِنا
وش يخسر العطار من كثرة قوارير العطور=و إلا وش اللي يخسر الطرار لا قيل اعطنا
يمكن يوفقنا كريم الوجه في كل الأمور=بالذات لا صرنا على المعروف فزعه و أعونا
و اللي يجيكم يشعب الفتنه على قرنين ثور=خلوه لين يضيق من ثوبه ويأخذ ما جنا
و العام مرتنا صقور أحرار يا قوم الصقور=كني بها محسود , بعد العام ما عادت لنا
من ماكر الأحرار ملفاها ما هي هجرة طيور=يا طيبها طيباه لو ترجع وتختار أرضنا
و أسباب غيبتها حديث النفس من عدة شهور =أزريت لا استوعب تحولها بأمانة ربنا
و اليوم أخاطبها برمز الشعر مأمون الشعور =حلال ما يصعب من القالات هو ماموننا
و أنخاك يا " عبد الله الطلحي " تحرّك هات شور =خلك من المقناص , جاوبنا على مكتوبنا

*
*
** عطا الله القارحي **[/poem]

[قــمــيدان]

الأرض ما ضاقت بمن فيها على مـر الدهـور
الأرض للـي قبلنـا ولنـا ولـلـي بعـدنـا
و الأرض ما تعطي لساكنها الأمان مـن الشـرور
نفنا وتفنـا بعدنـا الأجيـال سيـرة مـن فنـا


الشاعر عطالله القارحي


والله انك مبدع مبدع


ولقصائدك حلاوة في الاستماع والاطلاع


اطال الله عمرك


وصح لسانك


فعلا : الشعر رسالة وما اعظم هذه الرسالة


لله درك


تحياتي

شاعرنا الكبير :عطالله القارحي

شعرك اكبر من التعليق وان حاولنا جاهدين ان نصف لك اعجابنا بما

تسطره لنا فلن ننجح

ولكن ماقول الا ادامك الله ذخرا لربعك هذيل


[poem=font="arial,4,,normal,normal" bkcolor="" bkimage="" border="solid,3," type=0 line=0 align=center use=ex num="0,"]
و اليوم أخاطبها برمز الشعـر مأمـون الشعـور=حلال ما يصعب مـن القـالات هـو ماموننـا[/poem]

اسأل الله العلي العظيم ان يكلل مسعاك بالنجاح

شاعر جزل
وعاقل حكيم
ومن مقر عرف وشعر

وقصيدة شامخه بشموخ شاعرها ومكانته
والرد عليها يجب أن يحاكيها شموخاً ورفعه




.

	المشاركة الأصلية كتبت بواسطة عبدالله الطلحي

	شاعر جزل وعاقل حكيم ومن مقر عرف وشعر وقصيدة شامخه بشموخ شاعرها ومكانته والرد عليها يجب أن يحاكيها شموخاً ورفعه .

ما عليك زود يا ابو ناصر لا بالشعر ولا بالعرف

و مما زاد القصيدة تألق انها مسندة لشاعر بحجمك و انت اهل للمدح والثناء . وردك سيكون وسام فخر واعتزاز وثروة قد تكون اغلى ما املك

شكرا على اعطائي من وقتك الثمين

اخوك ومحبك

لله درك ياعطاالله القارحي
نقف إحتراماً لهذه الجزلة
صح لسانك وعلا شانك
والله يحقق لك مساعيك الخيرة

الله الله ياعطاالله
غاية في الروعة
كما قال ابن قاسي لست من يمدحها
فهي أكبر من أن أمدحها
ما أقول إلا صح لسانك
والله يصلح الأمور
ودمت ذخراً لهذيل

الله عليك يا عطاالله عز الله قصيده جزله استمتعت بقرائتها


صح لسانك
انت والشاعر عبدالله غنيين عن التعريف ادامكم الله لنا

صح لسانك
والله يحقق لك مساعيك الخيرة

وعليكم السلام ورحمة الله وبركاته

بيض الله وجهك
بيض الله وجهك
بيض الله وجهك ..


الشاعر الكبير عطا الله القارحي ....قصيدة كل بيت فيها حكمة ...وهدفها واضح وهو الأجمل ..

شاعر وشيخ ...ومافيها كلام .

الله يحفظك ويعز شانك ..

و الأرض ما ضاقت بمن فيها على مـر الدهـور
الأرض للـي قبلنـا ولنـا ولـلـي بعـدنـا

يقول أحد شعراء الفصحى :

لعمرك ماضاقت بلاد بأهلها
ولكن أحلام الرجال تضيق .
...

و إن كان قدمنا مصالحنا علـى بعـض الأمـور
ما هي غريبه عند كـل النـاس و انتـم ربعنـا..
ياسلام ..

ولي عودة ..
القصيدة أراها من عيون الشعر النبطي ..

حفظكم الله .

[frame="1 50"]صح لسانك

والله يحقق لك مسعيك الخيره

عى قول ابو المثلم [/frame]

ياسلااااااااااااااااااااا ااااام ايها العلم الشااامخ


صاحب القلب الكبير


شاعرنا شاعر الملااااحم ابو عبد الله المبدع


صح لسانك ملايين يا مبدع


الله لايهينك يالغالي


تحياتي


اخوك /فواز

أخي قمــيدان

سعيد بهذا العبق وهذا الإطراء الذي اجده وسام على صدري

صح بدنك ولا هنت


اخوك

بن قاسي

تحيا وتدوم يالقرم

ومرورك له طابع خاص

الله يديمك ذخر


اخوك

صح لسانك ياعطالله أعجابي بشعرك السامي العذب يزداد بجديد قصائدك التي توافينا بها .
دمت لهذيل

تحياتي لك وارجوا من الله لك التوفيق
اخوك \ مشهور