( سيوف العز ) رد على ( عشق الممالك )

بكل فخر وإعتزاز
أتشرف بالرد على قصيدة الشاعر الكبير
عطالله القارحي
بهذه القصيده

( سيوف العز )

[poem=font="simplified arabic,6,#00008b,normal,normal" bkcolor="" bkimage="" border="none,1," type=2 line=0 align=center use=ex num="0,"]
بالخير ياسيفٍ نهار الباس شلاع النحور=سيفٍ شباته للخصوم وقبضته من يمنا
نحمي به الحد اليماني دامت الدنيا تدور=أول سيوف العز واغلاها وورثة جدنا
من عهد قارح ماتغير في ورود ولاصدور=وليا إحتزمنا به نهار الحرب ماحد قدنا
ياكم غزينا به وجبنا النصر والفعل مخَبور=من هيبته ماحد طمع فينا ولافي حدنا
يالاد قارح يامعشين الحدادي والنسور=يوم القليب اللي لحاله لو نعده سدنا
انتم هل الطالات والوقفات مافيكم قصور=وانتم ذرانا لاتبيّن مزحنا من جدنا
ولاهنت ياللي لك مع اهل المعرفه والشعر دور=من عادتك دايم تجيب من العلوم الأسمنا
شاعر وعديت البحور السبع والسبع البرور=حتى شهد لك من وصل لأطرافها وشهدت انا
ماهي غريبه وانت ذخر الشيخ هذاك الوقور=اللي تعلى قمة الأمجاد وارسى وإبتنا
حي القصيد اللي سليم من الخلل ومن الكسور=وحي الضمير اللي ينادينا وهمه همنا
الكل منا لاتذكر حالنا دمه يفور=وإن فار دمك مانلومك وانت دمك دمنا
إليامتا وصدورنا تغلي كما غلي القدور=تمضي بنا الأيام ويزيد التباعد والشنا
من دون داعي وإنشغلنا بالتوافه والقشور=اللي تقلل من مكانتنا وتضعف صفنا
مرت سنين وكلما تنهض مطايانا تخور=تعبت وطاولها مرضها والفنا منها دنا
وليا بغينا نفتح البيبان ونعمر جسور=نلقى الدروب مقفلات ولاعرفنا عمنا
والجهل هو مستنقع الفتنه وهو بيت الغرور=وإلا ويش اللي قدم العالم ووقفنا هنا
والحل مايصعب على اللي له من الحكمة جذور=العاقل اللي عندكم مثله ومثله عندنا
ياطيبها لاجت بياضة وجه يجلاها السفور=وليا رضوا عنها مشايخنا رضينا كلنا
ياربعنا ماحد محصل در من ديس العجور=الناقه اللي لو تركناها عليها وسمنا
ياليتنا نفزع وننحرها كما نحر الجزور=كلٍ يروح بمقسمه منها ونرجع لأهلنا
والحر الأشقر ياعطالله حر مايرضيه سور=وانتم وحنا نعرف إن السور ماهو مدنا
العام لاحت له على كفك عشا وإلا فطور=لكن ربك ماكتبها والمقدر ردنا
واليوم مثل العام باقي في العنيف من الوكور=وليا بغيت الصدق لاهو صد عنك ولاإغتنا
الوقفه اللي تجعل الرجال في الماقف فخور=ودك بها ياراعي الجزله وحنا ودنا
ياصادق الميقاف ياللي لاتميل ولاتجور=حنا معك ضد الصعاب اللي توقّف ضدنا
مايغلب الإنسان غير الموت والسيل الحدور=مافيه شيٍ مستحيل إليا بذلنا جهدنا
والعبد ماتغنيه عن مولاه دور ولاجدور=الرابح اللي راقب الله في حياته واحسنا
لاواهني اللي يبيّض صفحته يوم النشور =يارب ساعدنا على فعل الجمايل وإهدنا
وياللي طلبت الشور علمك نور مايغشاه زور=باقي عليك تحدد الموعد وتفرش دربنا
واصل طريقك ياعطالله لايعرقلك المرور=حنا تشرفنا بمكتوبك وهذا ردنا[/poem]

الشاعر الكبير عبدالله الطلحي

سلمت على الجزله الرائعه صح منطوقك مدد بلا عدد

عشتم ياعيال العم لحاف الجنب

عبدالله دمت بعز ودامو ربعي عزا وشموخاً



اختكم


عذوب القصيده

السلام عليكم ورحمة الله وبركاته


بيض الله وجهك يابو ناصر .
كفو والله ..

ولا هنت ..

قصيدة ورد جزل ماهي بغريبة عليك .

الوقفه اللي تجعل الرجال في الماقـف فخـور
ودك بهـا ياراعـي الجزلـه وحنـا ودنــا

ونعم فيكم .

بيض الله وجهك
ياشاعرنا العلم
الله يكلل المساعي بينكم بالخير

الله الله عليك يا ابو ناصر

مبدع كما عهدك الشعر وعهدناك

صح لسانك

وسجل إعجابي الدائم

أخوك : عادل بن تركي الهذلي

كلمات راقية وجميلة

شكرا على إتحافنا

دمت بخير

حي القصيد اللي سليم من الخلل ومن الكسـور
وحي الضميـر اللـي ينادينـا وهمـه همنـا
الكـل منـا لاتذكـر حالنـا دمــه يـفـور
وإن فار دمك مانلومـك وانـت دمـك دمنـا


صح السانك يا بو ناصر


مبدع مبدع ولا تكفي في حقك ,, انت اكبر بكبير


دمت ذخراً لهذيل



اخوك: رايد بن سليم الهذلي

السلآم عليكم ورحمه الله وبركاته ...

الوقفه اللي تجعل الرجال في الماقـف فخـور
ودك بهـا ياراعـي الجزلـه وحنـا ودنــا

صح لســآنكـ يا بو نـآصـر ...

قصيـده وافيـه من شاعر وافي ..

لآ عدمنـآكـ .

والحل مايصعب على اللي له من الحكمة جذور
العاقـل اللـي عندكـم مثلـه ومثلـه عندنـا
ياطيبها لاجت بياضة وجه يجلاهـا السفـور
وليا رضـوا عنهـا مشايخنـا رضينـا كلنـا
ياربعنا ماحد محصل در من ديـس العجـور
الناقـه اللـي لـو تركناهـا عليهـا وسمنـا
ياليتنا نفزع وننحرهـا كمـا نحـر الجـزور
كلٍ يـروح بمقسمـه منهـا ونرجـع لأهلنـا


عبدالله الطلحي حكمه وجزاله

ابدعت وعساك على القوه

ومهما قلت لن اوفيك حقك

الشاعر الكبير عبدالله الطلحي

عندما قرأت قصيدة زميلك الشاعر الكبير عطا الله القارحي قلت في نفسي كيف سيخرج عبد الله الطلحي من هذه المعلقه وعندما قرأت ردك الكريم عرفت ان الشعر موهبة لا يملكها الى موهوب و أنت يا عبد الله استخرجت تؤم لقصيدة الشاعر عطا الله القارحي من حيث المعنى والصياغة والقارئ لهاتين القصيدتين يحتار ايهما يختار لذلك اخترتكما شاعرين من اقوى شعراء النظم بالجزيرة العربية
بحق انتما فخر لهذيل ولكل محب لهذا الشعر الاصيل .

دمت بخير يا عبد الله ودام هذا التألق الغير مستغرب

ابنك ومحبك

خلف القارحي

لي عودة

بإذن الله

الشاعر العلم عبد الله الطلحي

لا يسعني إلا أن احيي هذا الفكر النيّر وهذا الشعر الأصيل بأصالة كاتبه
وكم نحتاج الى هذا التواصل والذي من شأنه نشر ثقافة التسامح بدلاً من تأجيج الخلافات .

الرد اعلاه ثمن كافي من راس وافي شعر متدفق كالبحر وحكمة متجلية في كل بيت .
اشيد بمطلع القصيدة والذي يعتبر بألف بيت وهو من أقوى ما قرأت وما سمعت حتى وقتنا الحالي وكما هو حال القصيدة بكاملها .

أسأل الله سبحانه وتعالى ان يديمك لنا عز وفخر و أن يسدد على دروب الخير خطاك .

سوف يكون لنا لقاء قريب جداً إن شاء الله تعالى و اتمنى التوفيق للجميع .

تقبل فائق احترامي وتقديري لشخصك الكريم

اخوك وتلميذك

عطا الله القارحي

حين قرأة القصيدتين تذكرت ما دار بين الشاعرين عمر الخالدي وعبيد الله القارحي في المعنى نفسه .


وانا لي راي اخر .............!



رعد المصيف

ان الشعر يقف امام هذا العملاق ويحييه ونحنو نقف ونحييه ان الشاعر الكبير عبدالله الطلحي يعتبر هو معلم الشعر الاول في المملكه في الوقت الحاضر بل في الجزيره العربيه قاطبه والوكانت شهادتي فيه مجروحه والاكن هذه هي الحقيقه رضي من رضي وزعل من يزعل وكلا الشاعرين يعتبران رمز من رموز
هذا الموروث وفخر له والقبيلة هذيل تقبلو تحياتي وتقديري

	المشاركة الأصلية كتبت بواسطة عذوب القصيده

	الشاعر الكبير عبدالله الطلحي سلمت على الجزله الرائعه صح منطوقك مدد بلا عدد عشتم ياعيال العم لحاف الجنب عبدالله دمت بعز ودامو ربعي عزا وشموخاً اختكم عذوب القصيده

عذوب القصيد

عشتي وعاشت روحك الأبيه
وشكراً على حضورك المميز

دام عزك

.