عناوين في الصحف السعودية بعد السماح للمرأة بالقيادة

[frame="12 50"][align=right][align=right]
اخوي المطرفي مع احترامي الشديد لشخصك الا اني ضد الكلام اللي كتبته وضد قيادة المرأة للسيارة بس ودي اقول سؤال وهو يطرح نفسه لماذا الهجوم على المرأة وعدم الثقة فيها بانها سوف تساير الوضع في المستقبل ؟لماذا النظر للمرأة السعوديه من هذه الزوايا السخيفه ؟ ها هم في الكويت سيدات يقدن مركبات والكثير متحفظ بالحجاب والعباءة وهاهم اخواتنا في البحرين مثلهم ولكن ودي اقلك كثبر من النساء مايريدون قيادة السيارات ومهو بالشرط يوم يسمحون بسواقة المركبات بتشوف الوالده ولا الجده انها بتسوق سيارة .
وبعدين هناك قوانيين سوف تطرح لقيادة المرأة للسيارة وسن معين .
والله اني تقريبا اعرف ان سوف مايطرح في وطنا ياخذ بالعكس ..
ولو مشي النظام في كل شئ لكان هناك قلة في الحوادث هانحن نروح مع سواقين اجانب ما يعرفون يسوقون واقول في قرارة نفسي ليته يجنب وانا ما اعرف بس من كثر ما سلمنا انفسنا للي ما يعرفون السواقه وفنونها والله اشوف ان المرأة تطلع رخصه وتتعلم افضل من ما تروح مع واحد غشيم يدخلها تحت ترله ..
والله يابعضهم انه يوقف في منتصف الطريق ..لايتقدم ولا يتاخر الله يخارجنا .
اللحين الرجال في وظائفهم والنساء في وظائفهم وساعات الزوج ما يدري عن زوجته او اخته مع مين تروح والله يستر .
والله اني كل يوم اروح مع سايق اني احمد الله يوم اصول للعمل معه . سواقته تعيانه والفرمل شبه خربانه والسرعه والله انه فاصل العدد ياكثر ما قلنا لاتسرع ما في فائده بل اروح مع هذا اللي مستهتر بحياته وحياتنا عشان المشوار ولا تكون عندي سيارة وامشي بنظام انا اوعدك ما تعدى في السرعه العشرين باخذ يومين وانا ما وصلت بس بوصل وانا بخير ..
هذه مجرد وجهة نظر فارجو من اي ظاهرة تتطرا علينا لاننظر لها من جهة الاستهزاء فالنساء شقائق الرجال كما قال عليه السلام ويكفي ان بعض من الصحابيات ركبن الخيول وقاتلن مع الرسول وهن نساء فلا تصقرون النساء فهن الاساس .
والله خارج المملكة اعرف كثير سعوديات عندهم سيارت ويسوقون ما بهم شئ ونظاميات .وايضاً في البر ما يسوق سكس الماء والدنه اللي بها علف الاالبنات البدويات وروح جهة الرياض والقرى وانت تشوف معهن في الباديه الا انهن نظاميات ماشاء الله ..
واقلك شئ آخر اعلم باني اثقلت عليك قبل سبع سنوات كنت اعمل على طريق الر ياض منطقة اسمها الغريف بين تربة والخرمة والله شفت برحة امام المدرسه كلها هيلكسات حتى اني قلت اشلون بمر من كثر الرياجيل وعندما وصلت مدخل المدرسه لم اجد احد وعند دخولي وجدت النساء في قمة انا قتهن وهن يقودن السيارات واخذوا بناتهم وانصرفوا فالرجال في الباديه لن يعارضون قيادة المرأة لانهم متعوديين لا اشكال . بعدين سمعت بتجي مركبات فضائية اشلون واحنا ضد قيادة المراة للسيارة التي في اعتقادنا بتكثر الحوادث والفتن والمشاكل المروررية والى أخره ...............
تقبل مرورري
الهنوف .[/align][/align][/frame]