ديوانية الشيخ أبو حمدان الشعبية

	المشاركة الأصلية كتبت بواسطة الفارس حزين الطلعة

	حيا الله ضيوف ديوانية أبو حمدان التراثية ، وفي انتظار الضيوف الكرام الذين سيحضرون حفل تكريم شاعر المنتدى عماد العبيدي ، يسرنا أن نجري هذا اللقاء مع "محماس" المسئول الأول عن شئون القهوة ومعاميلها ، مساك الله بالخير يا الأخو محماس : مساء النور حياكم الله أقلطوا القهوة والقدوع والعلوم الغانمة (طبعا هذي دروس أبو حمدان له ما راحت بلاش ؛ علمه الصقارة) حدثنا عن طبيعة عملك في الديوانية ؟ محماس : أنا أسوي القهوة وأزينها وأجيب التمر وأطبخ وأذبح وأسلخ الله يعين بس والله إن الشغل مع أبو حمدان تعب ، يارجال الضيوف من الفجر إلى تالي الليل. (الله من الهلس يا محماس ذحين أبو بسام ما حصلك الصباح !!!!!!) من وين يجيب عمك البن ؟ محماس : عمي أسمعه يقول من اليمن والحبشة والبرازيل ... طيب ويش هاذي المعاميل والأدوات ؟ محماس : هذي سلمك الله أواني صنع القهوة أولها المحماس ، لحمس البن ، وهذا النجر أو المهباش أو الجرن أسحق وأدق فيه البن، وهذاك الملقاط أو الماشة أحرك بها النار ، وهذي الدلال على الرماد هناك ، والجراب المعلق من جلد الماعز أحط بيه البن . وعلى الطرف ذيك "القفة" أو القروة أجمع بها جميع أواني القهوة. و"العمرة" ذاك الإناء الخشبي عانه على الرف للفناجين فقط. وهذي إلي تشوفها كل أبوها نسميها "المعاميل" يعني نطلقها عليها جميعا أواني القهوة. يا محماس ويش يوصيك "أبو حمدان" عندما تصب القهوة للضيوف. محماس : أول حاجة يقول لا تقدم فنجان القهوة مليان، النص زين، ويقول من اليمين لو أبو زيد جالس ، إلا إن كان هناك شايب فله تقديره وكرامته الخاصة. تقول الشعر يا محماس ؟ محماس : أسمع لن ضاق صدري قمت أحوف المعاميل أحوفهن من قبل يبدي بهن عار اِنحط بالمحماس هيل بلا كيل ونحمس الطبخة على حاجر النار === الله من قلب ملم بالأشفاق من عام الأول به دواكيك وخفوق إحمس ثلاثة يا نديبي على ساق ولا تسير بحمسك البن مطفوق === طيب يا محماس ويش ها الشعر الرائع عيني عليك باردة يابختك يا "ابو حمدان" محماس هااا عندك شيء ودك تقوله مع نهاية اللقاء؟ محماس أتمنى إن أبو حمدان يزود الراتب شويه ، والله يا فيه كرف وتعب هناااا. وفي نهاية اللقاء نشكر محماس على هذه المعلومات القيمة وعلى إتاحة الفرصة للتعرف على هذا الركن الحيوي في الديوانية. مراسلكم من داخل ديوانية ابو حمدان / الفارس حزين الطلعة طبعا حا أقعد للعشاء والملعوب والرجز والحدا ههههههههه

هلاوالله بالغالي أبو خالد فارسنا الهمام
وطيب إنك سويت اللقاء هذا مع محماس لأنه خجول ومايقول لي اللي في باله
إلا أنا ماأقصر معه أبد
ودوبي عرفت إنه شاعر ماشاء الله عليه
ومن الآن يامحماس ترى راتبك ( خمس آلاف ريال ) غير الإكراميات
اللي في الأعياد وفي مثل مناسبة الليلة اللي تتعب فيها ولايكون خاطرك إلا طيب يامحماس وروح سلم على راس عمك أبو خالد
اللي نقل لي معاناتك الله يجزاه كل خير