ديوانية الشيخ أبو حمدان الشعبية

السلام عليكم ورحمة الله وبركاته،
مساء الخير للكل والجميع ،
وبالنسبة للمحاورة بين رايد هذيل وأبو حمدان فهي من العيار الثقيل
الله يعطيكم العافية،
ومساك الله بالخير يا أبو حمدان أنت وضيوف هذه الديوانية النبلاء

ومساك الله بالخير يارايد هذيل ، وتصدق اليوم مريت من قدام
عملك وقعدت أتسنح لك ما لك أثر وأوايق في الهمر وأوايق
في أكياس الرز ههههههههه قصدي الرمل ما شفت اصطبك
يا إنك دعرت للسوق اللي جمبك يا إنك مفرك
يا إنك مجاز هههههه > عشان تعرف إنك على البال هههههههه
====
محماس هات القهوة والقدوع ونبغى نقلبها الليلة حدايا ...

أول حداية لأحد الشيبان الهذليين متعنا الله بعمره ، ما له لا وأولاد
ولا بنات ونزل مكة وسكن فيها ، وفي مرة طلع لديرته اللي
قضى فيها زهرة شبابه وحفظها ريع ريع ، وجبل جبل ، إلا وذا
الديرة ما فيها أحد وما فيها أهلها منهم من مات والبقية نزلوا
للمدن وقعدت الديار خلا خالية قافرة موحشة من سكانها
فارتكى على صخرة وطالع فيها وحزن عليها وحزن على
إنه ما عقب ذرية تقعد بعده فقال هذه الحداية التي
خرجت من أقصى فؤاده :


حزّني ياديار السعد
راحت الرجال اللي تحميك
معضد وزيد الفهد
==
رحتُ قاعد ولا أشوف أحد
وأنتي يارُوُحِيّه ويش مُعِنْيك
لا بنت ولا ولد

=====================

وهذا سلمكم الله رجال قاعد في الديرة وأتوه جماعته
من مكة يبغون يتغدون ويرمون .. فقال ممازحا لهم :


يا جبال العَسْر جاكِ شُباح
عبيلهم بالكراسي وروضة لها مستراح
==
نحمد الرب دام أنا مرتاح
ما زاعني بندق الحضر قبلي الرجال الفلاح

===

يا جبل ياللي مالت أفياك
واليوم بادي فراعك
جوينا بدينا رُباك
==
علّك الغيث من نو وأسقاك
منك مبادي عُزايه
الذي كان تسكن خَلاك
===========

عزوتي للطوارف غدت
وأنشدوا عن مكامينها
يوم في رأس "عامر" بدت
==
ثُم في الليل إذا قلطت
تأخذ إلاّ سمان الغنم
شرط للهامزة ما غدت
===========

والله يمسيكم بالخير ،،،
بكره طالع شفا السوالمة أحد يبغاله غراز هههههههههههه