اخوكم ابن شعيل يستسمحكم

[poem=font="arial,5,#000000,bold,normal" bkcolor="#ffffff" bkimage="" border="solid,5,#ff0000" type=1 line=0 align=center use=ex num="0,"]
ياجاهل بالناس أنا عارفهم =بالتجربة والميز والتفكير
تعال لجل أعطيك عنهم موجز =مافيه وقت نفصل التقرير
فيهم موحد مجتهد في دينه =مشغول بالتهليل والتكبير
في زينة الدنيا الدنيه زاهد =يرجي من الله جنة المصير
من عمله لمنزله للمسجد =على الصراط مواصل المسير
حسب حسابه وإستراح بقبره =مايطلبه منكر ولا نكير
هذا هو الأول وإليك الثاني=عطيك رووس أقلام يا بصير
صاحب سنافي حزة الميقافي=رجل ليا جات اللزوم أمير
ليا نخيته قال يا فرحيك=من ساعته يرسلك البشير
متورث المعروف من شيابه=ما ورثوه البخل والتقصير
وليا عطيته سر ما علم به =سرك على ماقال العرب في بير
يبادلك نفس الشعور الطيب=إنسان في حسن الثناء جدير
إما إترك الأصحاب ولا دور=صاحب على جور الزمن صبير
لو ما يسوي خير تسلم شره=وليا تكلم يحسن التعبير
عني أنا ماقول قاله ليه=واحد من أهل العزف والتصفير
التجربة برهان أسأل مجرب =أهو الطبيب الماهر الخبير
أنصحك عن تجارب ملموسه=إن كان تسمع كلمة الشوير
والثالثه لا تمزح مع العيه =يمزح ويزعل والمدى قصير
قريب الهقوه بعيد الهفوه=طير يفر ولا يعرف يطير
يجرح شعورك بالكلام الفاضي=متخلف عقليته بالخير
علاه من مولاه قل الصحة=نمو عقله صايبه تأخير
إما صبرت وقال خايف مني=ولا توصخ يدك فالخنزير
والرابعه لا تستشير الأحمق=أحذرك وأكرر التحذير
ترى المضره والمسره عنده=متساويه ولي يصير يصير
ممكن يرد لك حسنتك بسية=سيء التصرف أجوف التفكير
أكيد تعرف قصة الأعرابي=وحكايته مع دبه الشهير
يبا يطير ذلك الذبانه=وخلى دماغ الأدمي نثير
قصده يرد له الجميل بمثله=دب حبيب وصاحي الضمير
وأمر وأدهى منه راع النمه=منافق فالمجتمع حقير
هماز لماز ضري بالغيبة=والقدح فالعالم بلا تبرير
دود الحسد والبغض ناخر صدره=والكذب دامر سيرته تدمير
من يوم يسمع هرجة بطاله=إما أتصل ولا يجيك مغير
قدام يجلس قال أنا جايب لك=هرجه كبيرة كبر هضبة عير
لوما نشدته قال سلمك الله=وأجتر له سبحة سواة السير
ثم إستعد لكذبة جايبها=وأضفى عليها الملح والتبهير
وإما أقنعتك يزود التبهيره=تسمع لحيه كناه الجنزير
وليا بغيت تعرف وش صحتها=زيد أنشده وتلاحظ التغيير
من يوم يبدا لخبط التقسيمه=كثر الغلط واللغط والتكسير
والكحكحه والنحنحه من بدري=حرق الفلاش وخرب التصوير
هذا قليل من كثير باقي=أكبر من التصوير والتعبير
نريد نذكر ما تيسر ذكره=للموعظة والنصح والتذكير
واخوكم إبن شعيل يستسمحكم=يا سامعين القول فالتقصير
وختامها صلوا على سيدنا=نور الهدى وسراجه المنير [/poem]رحم الله الشاعر مسلم بن شعيل المطرفي الهذلي الذي فقدناه وفقده
الشعر والساحه هذه احد روايعه وانرجو كل من يحفظ له اي قصيده ان ينشرها في المنتدى حيث ان اخوانه يقومون بجمع قصايده لعمل ديوان با اسمه بعد ان اخذه هادم الاذات وهو في شبابه ادخل الله فسيح جناته ان للاه وانا اليه راجعون