يا عتابه الفخر.. هذا زمنا

ماتهاب

صح بدنك وماعلك زود

وشاكر لك

والنعم فيك يالغالي قصيده روووووعه وجمال وتستاهل قبيلة عتيبه ربع وفا وطيب

ومن رايي بالقصيده مابها كسر وافيه من وافي والبيت اللي تحدثو عنه الاخوان انا غنيته ولابه كسر ووزنه متفق مع باقي الابيات

تسلم والله يحيك في مجالس هذيل ,,,,,,,تقبل مرووووووري

صح لسانك
قصيده وافيه من شاعر جزل
واعتقد ان البيت الذي اختلفوا فيه الاخوان سليم من الكسر
ربما لو قال الشاعر( ياعتابه عزوتي هذا زمنا)
لكانت الصوره اوضح
ولكن رغم ذلك فالبيت سليم من ناحية الوزن ميه بالميه
وانا اختلف مع الاخوان
والله يعطيكم العافيه جميع

والست أنعام بك وبربعك الهيلا

سعد القثامي شاعر جزل لا يشق له غبار

وتتمتع بخلق راقي وحس جميل

وشهادتي فيك مجروحه لكونك أحد أعضاء مجلسنا الموقر

أستاذي الفاضل أرى أن ملاحظة الأخوان في محلها كون أن هناك
كسر في البيت رغم أني لست شاعر لاكني

من محبيه ومتذوقيه

تقبلي مروري بصدر رحب

دمت مبدع

صح لسانك اخوي سعد

نعم فيك وفي قبيلتك كلها

مايلحقكم شك


وبالنسبه للاختلاف الحاصل على اذا ما كان البيت مكسور ام لا

فيختلف الحكم باختلاف التشكيل على البيت

فعندما تضع فتحه على حرف الهاء ( في كلمة عتابه ) وايضا فتح الفاء والخاء وتسكين الراء ( في كلمة الفخر )

ستجد البيت سليم من الكسر تماما


هذا اللي عندي بهذا الخصوص

وموفق اخوي سعد

والنعم بك يا سعد وبربعك


وأنا أضم صوتي لصوت الغالي بث تجريبي :

	أستاذي الفاضل أرى أن ملاحظة الأخوان في محلها كون أن هناك كسر في البيت رغم أني لست شاعر لاكني من محبيه ومتذوقيه

وما دام النقد من عماد وهشام فحسبك 0

دمت بود أخي العزيز 0

قصيده رائعه وتسلم اخوي سعد وتستاهل قبيلة الهيلا ... والنعم والله ماعليك زود ...



تقبل مرورري
الهنوف

صح السانك وعلا شانك يا صبي عتابه والنعم فيك وفي ربعك

ياعتابه الفخر هاذا زمنا

وهذي اللهجه الدارجه:: الهاء للتنبيه ::والذاء للاشارة:: وانتم اخبر فديتكم

صح لسانك ياسعد

ونعم في عتيبه بدون اقصور في باقي القبايل

قصيده جميله

وبالنسبه للبيت الذي اختلفوا عليه الأخوان صحيح ولايشتكي من عله

ممكن أن الأحوان لم يقراءوه القراءه الصحيحه

صح لسانك مره أخرى

السلام عليكم ورحمة الله وبركاته .....


اخي سعد صح السانك .. ونعم فيك وفي ربعك عتابه ...


ولكن ما ذهبو اليه الاخوان لا اجد فيه اي شي .. ولكن اجد الخلل هنا...في الشطر الملون...

وصلهم كنك زرعت الأرض حنا
وصدهـم تنكـيـس أعــلام وكـآبـه

وانا ارى ومن وجهة نظري اتمنى ان تقبلها ...وصدهم تنكسية أعلام وكآبه..

لان الاعلام مؤنثه وهذا واضح من الجانب اللغوي .. ويكون الشطر سليم ميه بالميه اما على ماهو عليه ارى فيه الكسر



دمت بوووود,,,,,

[عذوبة جرح]

صح لسانك مليون بليون تريليون

لو القصيده من أول بيت لآخر بيت مكسره كلمة عتيبه تجبر كل الكسور
(( اش السالفه ===== ضربتها الحميه ))

يعني لا احد يجي مطفي النور كنت امزح

طبعاً لا استطيع ان ابدي رأيي في موضوع الثقل في البيت اللي ذكرتوه واجعل الرأي لذوي الخبره والتخصص

مايرمى بالحجارة الا الشجار المثمرة (( وين اختي انتي فاهمه الموضوع غلط))
ماشي ماشي عدوها هالمره جمله اعتراضيه

خلينا في المهم

قصيده في مجملها رائعه وموضوعها كان غالب عليها قصيدة فخر في قبيلة تستاهل ومايوفيها القصيد

وان جينا للقصيده فهي قصيدة استوفت الاساسيات
صحيحة الوزن والقافية

بالنسبه للقافيه الشاعر التزم بالنون وحرف المد الالف كقافية للصدر
والحروف (ابه ) للعجز
قافيه جميله اعطت موسيقى للنص لاتخفى ع القاريء
هذا لأن مخرج حرف النون من طرف اللسان مع ما يجاذيه من لثة الاسنان العليا

ومخرج حرف البا من الشفتين واتى جمال هذه القافيه من بعد مخرجي الحرفين النون والبا

جميعنا يعرف ان قافية العجز ليست الها انما الها مسبوقه بالباء كشررط لصحة القافيه

هذا فيما يخص القافيه

وبالنسبه لموضوع القصيده وفكرته فهو موضوع في غاية الجمال وهذا لايختلف عليه اثنين

وتسلسل افكار الشاعر بدا جليا ً وواضحاً مما اعطى القصيدة الكثير من الترابط لبنائها

بالنسبه لجماليات القصيده كثيره
اكتفي بذكر بعض منها

لعلي أبدأ بمطلع القصيده

((دربنا العز))
مدخل جميل جداً وكأنه يختصر كل المسافات وكل المعاني في هذه الكلمه ويمهد لموضوع القصيده في كلمه تدور عليها جميع معاني الابيات التي تليها
وكأن بالشاعر يمارس علينا دور المحاضر الذي يسترسل في الابيات اللتي تلي البيت الأول شرح منقطع النظير لمعنى هذه الكلمه


((والفعل مجد ترزم ثم تبنا))
صوره شعريه اعجبتني كثيراً
((والفعل)) يعني الرجال ينشهد لها بافعالها ماهو بأقوالها
قد يكون ارتكاز على المقوله السائدة والصائبة (( الرجال مخابر ماهم مناظر))
المجد ترزم ثم تبنا ومع مرور السنين يزداد هذا المجد

وصلهم كانك زرعت الارض حنا

اما بالنسبه لهذا البيت بيت في غاية الشاعريه وبه من المحسنات البديعيه مايكفي لانشاء قصيده كامله
((وصلهم كانك)) في البدايه هناك مشبه ومشبه به المشبه قبيلة عتيبه والمشبه به الارض

ودائم الارض هي رمز للاصاله والعراقه والانتماء ولم تقف على ذلك بل الارض المزروعه يعني الارض اللي كلها عطاء وخير وبركه

وهذا البيت يحمل معنيين يرتكزان في كلمة (حنا)

قد تأخذ معنى أول وهو نبات الحنا وهو نبات معروف برائحته الطيبه وفوائده العظيمه ويكفي انه من نباتات الجنه

والمعنى الاخر حنا باللهجه العاميه هو ضمير للجماعه( نحن ) وكأن من يصل هذه القبيله ويستفزع بها سيجد العالم كله عتيبي


وهذا يدل على ذكاء الشاعر وتمكنه

ايه حنا فارس الفريس منا
نجد هنا جناس في الكلمتين فارس وفريس

والجناس ايضا بين الكلمتين جزعنا وفزعنا

قصيدة في غاية الروعه
تحمل من الجمال الكثير
ولكن لم أشأ الإطالة عليكم بل اردت تسليط الضوء على جماليات هالقصيده الشامخه من شاعر شامخ

صح لسانك شاعرنا

دمت كما عهدناكـ بكل الشاعريه بكل التوهج

لك مني اطيب التحيات واعذبها

اخواني لتصحيح انا اقول (ياعتابه ياالفخر هذا زمنا)ولاكن حصل عندي خطاء مطبعي حيث لم اكتب حرف الهاء والبيت قلت ليس مكسور بل فيه ثقل والايخل بوزن القصيده اما تعديل بن مغبش لم يوفق فيه ابداً حيث طال اشطر واختلف كلياً عن باقي القصيده جرا اتنويه والكم تحاتي

الربع جميعا

ماعلك زود

وصحت ابدانكم

وشاكرين لكم انتقاداتكم

وانا مغني القصيده اكثر من مره

مافيها كسره

وشااكر لكم

السلام عليكم ورحمة الله وبركاته

أخي سعد

مرة أخرى ،، وعودتي أتمنى تقديرها من الجميع ،،،

أنا أعتذر عن كلام الأخ هواوي ،،،

ثانيا ،، ربما خانك التعبير ،،، ماهكذا ،، يكون النقاش ،،

عموما،، قضية البيت الشائكــه ،، أنا من قلت أنه مكسور أولا،، وهي وجهة نظر خالفني الكثير ،، وكان معي في وجهة نظري الكثير...

البيت مكــسور ،، وأعلم تماما ،، أنه حسب ماتقرأه أنت ليس مكسورا،، فالقضية في كلمة الفخر...

لكني لازلت مصرا ،، بوجود الكسر ،، لاأن قراءتك له بدون كسر تـخل المعنى تماما،،

ياعتابه الفخر...هذا زمنا........هل الفخر زمن؟؟؟

ول قراءته مثل ما قرأناه،، بمعنى سليم..وربطت الفخر بعتابه،،ياعتابه الفخر،،،كجملة..لاأصبح مكسور،،،،،،

ملاحظتي،،،أن قلت بكسر البيت ،، سلم معناك،،،وإن قلت بعدم كسره،، ربطت الكلام ،، بشكل لايفهمه عربي....

وأنا كشاعر افهم الشعر ، حسب معناه،،،فلا أوول الكسر ،على حساب المعنى..


فالقضية ليست الا وجهة نظر،، لاتفسد للود قضية أبدا....أنت وكل من يشاركنا من جميع القبائل محل تقديرنا واهتمامنا....


أتمنى ينتهي الكلام في هذا الموضوع،،،نهائيا...


وأنتمى من الجميع ،، الإحترام الكامل ،، فلن تبقى أي مشاركة ، فيها أي نوع من الإساءة.....
تحية طيبة

هلا عماد وحياك الله مره ثانيه

اولا شفت رد هواوي ورفعت نفسي عنه احسب في احد يبي يجي ويحذف الرد

لاكن للاسف مافي احد حذفه وحبيت ارد عليه وابين له

وعذرك مقبول

وثانيا

بعض الاعضاء قالوان البيت سليم وبعضهم قالو انه البيت ناقص وبعضهم قالو انه مكسور

هذه شي راجع لهم انا من ناحيتي ما اشوف في البيت اي خلاف

وانا قلت يا عتابه الفخر واقصد في كلمة الفخر اني امدح

وبعدها قلت هذا زمنا

وفي البيت هذه توسع خيالي شوي :)


على العموم اعذرنا ان جات زله

وشاكرين لكم