@@@مقهى الأمير الهـــذلي الثقافي@@@

أنا إنسان مع نفسي قبل لأكـون معـاك إنسـان
لـي مبـدأ ولـي نظـره وتحكمنـي قناعـاتـي


أنادي والنداء نابـع مـن الوجـدان للوجـدان
إذا ما ينطق إحساسي حديثـي يشبـه سكاتـي


غموضي في الهوى تصريح وسره يفضح الكتمـان
ونبضات الوله والوجـد هـي أجمـل عباراتـي


ولا أجامل بإحساسي ولا أقبل في الهوى إحسـان
ولا للمصلـحـة ياسـيـدي دور بعلاقـاتـي


ولو ألغي شعوري ما بقالـي صاحـب وخـلان
يرافقني علـى مـر الزمـن جرحـي ودمعاتـي


أحب الصدق وأعمل به كسبته وكنت أنا الخسران
ولـو صدقـي يخسرنـي تشرفنـي خسـاراتـي


رفيق العمر لو تجفا ونبـض الحـرف والشريـان
إذا ما غصـت بأعماقـي متـى تفهـم معاناتـي


متى ما أبعدتني ببعـد مصيـر الجـرح للنسيـان
ترى لو الخطأ دربك مشيـت بعكـس خطواتـي


على كثر الخطأ غافر ولا أغفـر غلطـه الخـوان
جزاه الصـد والفرقـا ولـو عانـدت رغباتـي


ولولا العفو ما خطينـا ولا نحيـا بـلا غفـران
خطايانـا دليـل إن بشـر وإن الخطـأ ذاتــي


على صدر الزمن بكتب شعوري موعد وعنـوان
تعرف الشوق لو فتشت عـن سـر ابتساماتـي


هلا بك يا أصدق شعورن دخل قلبي بلا استئذان
هلا بك يا النصيب اللي نثر وجهه علـى أوقاتـي


إذا كان الهوى نعمـه فحبـك نعمـة الرحمـان
وإذا كان الهوى غلطـه فحبـك كـل غلطاتـي

راقتـ اليـ حيلـ