أسمعوا ياعيالي ..... اللي ماله أول ماله تالي

	المشاركة الأصلية كتبت بواسطة هذلي والفخر لي

	اجل اسمعوا معاني الكلمات ودلالاتها واتركو عنكم بن عادي [align=right]المجموعه الأولى :[/align] [align=right]السدو .. يستخدم من شعر الغنم لصناعته حيث يتم برم الشعر على اخشاب عددها اربعه ويتم صناعة بيت الشعر منه . الطريده .. ربما تقصد الطريقه : وهي زخرفة ونقشه في بيت الشعر من اللون الابيض والاسود من شعر الاغنام الطريده ..اللي اعرفها بهذا الاسم هي جزء من الركيب ( الودن ) من العقم الى العقم وكانوا قديما يتحدون عليها اللي يحشون الحشيش فيمن ينهيها قبل الثاني الشاعه ..اغصان اشجار يجدرون عليها بالحصى وتربط به حبال بيوت الشعر يعني تعمل نفس عمل المناسيب الصنفه ..مصنوعه من شعر الغنم ايضا وتستخدم لحفظ معاميل القهوه بكافة انواعها من بن وهيل ودلال المشفى ..آله تستخدم لخرز القرب والصملان ضاري وهي مثل صفرة ام خمس يوضع لها مسمار في راسها[/align] [align=right]المجموعه الثانيه : المضمده ..اخشاب توضع على البقر مثل عدة البعير حيث تستخدم البقر في حراثة الارض واصلاحها السبط ..اخشاب ايضا تربط في المضمده بسلاسل وايضا مكمله للعمل ككل في حراثة الارض اللومه ..حديده مثل المسحاه توضع في راس السبط تستخدم لشق الارض وحراثتها وزراعتها اللاح ..ايضا حديده كبيره تربط براس السبط بديلا عن اللومه في حالة بناء العقمان في المزرعه الخنق ..حبل او سلسله توضع في رقبة الثور اللي يحرث الارض وتربط بالمضمده ويسحب به المصدع ..هذا سلمك الله من مواعين الحشيش والضرمه يعبونه ويربطونه ويشيلونه وهو لنقل العلف بشكل عام الصماده .. اسم آخر من مسميات العمائم قديما يعني عمامه بالعربي وبلاش فلسفه ههههههه المغراب .. تمت الاشارة اليه سابقا في احدى الحلقات [/align] وعلمي وسلامتكم

نفس الكلام اللي كنت أبغى أقوله >>>> المرة هذي نصاب أزهلها بس

والله يابو بسام أنت أرشيف تراثي ماشاء الله عليك
الله يخلي لك العود ويطول بعمره
هههههههههههه

	المشاركة الأصلية كتبت بواسطة أبو حمدان

	الله يخلي لك العود ويطول بعمره

آآمين يارب

والله لا يحرمني منك انت بعد