ياجماعه من يعرف السر فالدّار السنيّه ..... ابو حمدان لاهنت

فواز

ياسلام الله بعد ماجيت من طرقه مديّه
جابني صوت الرّفيق اللي على الفزعه ينادي

ياجماعة من يعرف السرّ فالدّار السنيّه
المطر له وقت ما حوّل وحرّ الجوّ زادي

ابو حمدان

مرحبا يالصاحب اللي لك زمن غايب عليه
كل مانسأل عنه قالوا قريب في البلادي
نرقب البارق ورعاد المطر نسمع دويه
مير همال المطر ياصاحبي يحداه حادي

فواز

لو درست السرّ الاكبر تصغر ارموز القضيّه
مانغيب الاّ لياجانا طلب ماهو بعادي

انت تدري بان حاض العدّ ميراد الضميّه
يوم راح الشّيخ ابن بنباز عان الفقر سادي


ابو حمدان


القوية مالها ياصاحبي غير القوية
لو تغيب الدهر كله عندنا عزم وجهادي
والله إنا ماشكينا بعد راح الشيخ سيّه
مير بعض الناس في راسه سواليفً جدادي


فواز

كل واحد له على طول الزمن روحه وجيّه
والغشيم اليا غدى محدن يقلّه وين غادي

كيف ماتشكي وهو يفتيك في هاذي وذيّه
ماركلمتك الاخيره سمّها كبوة جوادي