فكرة برج المليون رد .............!!! - الصفحة 470 - ::{ مجالس قبيلة هذيل }:: موقع يهتم بتراث القبيلة ومفاخرها

07-02-2009, 02:39 AM

السلام عليكم ورحمة الله وبركاته

صباح الخير للجميع

احب ان اهدي هذه الابيات التي تحكي عن نفسها

وراقت لي كثيراً لأعضاء أسرة برج المليون

طاف بي في زورق الأحلام طايف
مرحب الاجا من الأحباب طيف

رغم إعصار الهوى رغم العواصف
وإحتجاب البدر بالليل المخيف

صابروأضمّد جروح نوازف
والأمل حولي لجنحانه رفيف

واذكر أيّام التّصافي والتألف
حين كلّ كان للثّاني وليف

كان تيّار المشاعر فيك جارف
والأماني وقتها كانت لفيف

غيّرتك عليّ في لحظه سوالف
وأقتنعتي ماسألتي ليه كيف

ثمّ جازفتي وأنا طبعي مجازف
أفرح ليالاح لي برّاق صيف

ماخدعتيني أنا اللي كنت عارف
صدقيني كان كيدك لي ضعيف

وأتضح طبعك تحبين التعارف
جاهله ماتفهم الحب العفيف

ياغشيمه لو تفيد اليوم أسف
منّك أقبلها ولو جامنك حيف

لجل قلب مايزال عليك خايف
مايغيّر عادته دايم رهيف

أسكني ظلّ من النّسيان وارف
شجرة ماطالها كفّ الخريف

دامك أخترتي النهايه مايخالف
ماأزيد على قرارك ما أضيف

لو تلوح بناظري كلّ المواقف
موقفك من بينها يبقى طريف

وتقبلوا فائق احترامي

07-02-2009, 03:51 AM

وعليكم السلام ورحمة الله وبركاته

صباح النور والسرور


	المشاركة الأصلية كتبت بواسطة ابوفهد الياسي


	ثمّ جازفتي وأنا طبعي مجازف أفرح ليالاح لي برّاق صيف ماخدعتيني أنا اللي كنت عارف صدقيني كان كيدك لي ضعيف وأتضح طبعك تحبين التعارف جاهله ماتفهم الحب العفيف ياغشيمه لو تفيد اليوم أسف منّك أقبلها ولو جامنك حيف

اللــــــه .. اللــــــــه

ماراق لك راق لي مهندس برجنا و حكيم مجالسنا

إختيار يدل على زوق رفيع

تحياتي وتقديري

07-02-2009, 02:59 PM

مساء الخيرات والمسرات 00

مساء مايليق إلاّ باحبابي 00

تحية طيبة لمهندسنا الرائع والمبدع أبو فهد
ومثلها للغالي سلطان هذيل

وللجميع وبالتوفيق والنجاح للصعود للبرج بخطى ثابته حتى الوصول للمليون

أخوكم \ أميـــــــــر بكلمتي -

07-02-2009, 03:02 PM

هديتي للبرج 0000

وحده تقول لزوجها يا ليتني أخذت إبليس ولا أخذتك
قال: لا ... ما يجوز أخ ياخذ أخته!

ههههههههههههههههههههههه

07-02-2009, 03:22 PM


	المشاركة الأصلية كتبت بواسطة أمير بكلمتي


	مساء الخيرات والمسرات 00 مساء مايليق إلاّ باحبابي 00 تحية طيبة لمهندسنا الرائع والمبدع أبو فهد ومثلها للغالي سلطان هذيل وللجميع وبالتوفيق والنجاح للصعود للبرج بخطى ثابته حتى الوصول للمليون أخوكم \ أميـــــــــر بكلمتي -

مرحباً مليون بعريسنا الغالي وامير القلوب

واسعد الله أوقاتك بكل خير ياثامر

وبحروف قلمك وكلماتك المعطره سنصل للمليون

ياميرالكلمه إن شاء الله

أنتبه : ترى سلطان مدير البرج الله يعطيه العافيه

حضوركم يسعدني ويشرفني

فاعضاء أسرة برج المليون نبراس بدرع الحجاز

07-02-2009, 04:05 PM

السلام عليكم ورحمة الله وبركاته

قصه ونصيحه

قصة عريس نسى زوجته !!

هذا واحد توه معرس وخلصت الزفه والامور اللي في القصر..

اخينا في الله شغل ( يعني اخذ ) حرمته وركبوا في السياره ..

ودعس للقصيم يعني اهل العروسه في الرياض وهو ساكن بالقصيم والبنيه تستحي ومبرطمه طول الطريق ..

والرجال ماغير يسولف ويهذر والبنيه سااااكته .. مااااا حولك احد

الرجال يأس من البنت انها تتكلم .. وقال يا ولد ما وراها هذرره اشغل المسجل وامسك الخط

في الوقت نفسه البنت كانت تبغى تروح دورة المياه ومتوهقه انها بس تتكلم عشان تقوله ابي الحمام الله يكرمكم

عاد هي طمرت على المرتبه الي ورى عشان تنسدح عشان يخف عليها الوجع .. الين يوصلون محطه

المهم الرجال ما وعى الا هذيك محطه ويصفط عندها وينزل عند البقاله وياخذ له كيس فصفص وكم ببسي حق الطريق

هو كان وده يخذ له شريط لمحمد السليم عشان يسليه في الطريق بس خبركم توه معرس وبايخه مشغل محمد السليم الناس تشغل عبد الحليم ولا ام كلثوم خذلك

البنت على نزلت زوجها الا وتقز هذيك الحمامات حقت الحريم الي عند المسجد الي جنب البقاله قالت يابنت بيمديني اطمر واخلص وارجع قبل لا يرجع هو من البقاله

المهم المسكينه راحت واخذت وقتها

اخينا في هالوقت قد رجع للسياره وعلى باله مرته في المرتبه الي ورا وخبركم عبايه سودا واخر الليل ما انتبه انها مهيب في السيارة وهوشغل ودعسسسسسسسس

البنيه المسيكينه طلعت وهي مرتاااااااااااااااحه و نقص من وزنها كم من كيلووووو

وتناظر يا بنت وين السياره يا الهي ... وتتلفت ما تشوف غير الهنود حقون المحطه وابو يمن حق البقاله

عاد تخيلو الصدمه يوم عرفت ان زوجها دق سلف ومشى والبنت المسكينه حتى في نفسها مهيب راضيه تصدق انه مشى ..

جالسه تتأمل انه يمكن راح منا ولا منا وبيرجع

شوي ما وعت الاذاك الجمس اللي مقبل يوم وقفوا عند البقاله الي جنبها
وتقز الحريم اللي في الجمس ...

قالت زين عائله وتروح وترمي روحها على الحرمه الي قدام ..

وهي ام العيله وتقول لها خالتي انا داخله على الله ثم عليك ..

وهذي قصتي والعجوز مسكت راسها وقالت .. يابنيتي انتي تعرفين سيارت زوجك ..

قالت ايه اعرفها قالت لها قومي اطمري نلحق على زوجك

ويعبون بنزين ويدعسون وراه

المهم نعود الآن لصاحب الفصفص

اخينا في الله مريح وماشي .. بعد ما لقوه في الخط على بعد نص ساعة

عاد تخيل حبيب القارئ انك على طريق القصيم و فجأة وراك جمس يكبس بالنور بشكل مخيف يبيك توقف

وش رده فعلك

اكيد الرجال دعسسسسسسسسس قال ياولد هذولا مهابيل بيضروني ومعي عروستي .. ويااافشيلة اذا انطقينا

والجمس وراه داعس يحاول معه انه يوقف .. المهم الذهين اللي يسوق الجمس عرف وش يسوي ..

فقام يولع نورا لجمس اللي في الداخل عشان العريس يشوف ان اللي في الجمس عائله

وأخيراااااااااااااا .. انتبه و يوقف ... قال وش عنده هذا

وأخينا نزل وهو معصب

عاد من اللي متوهق في هالموقف .. اكيد هو راعي الجمس يقول في نفسه وشلون اقوله ان مرته معنا

يبي يجيبها بأسلوب تدريجي عشان العريس ما ينصدم .. خبركم مثل هالموقف وش بيقولون عنك اهل العروسه ...

اخذت بنتنا وضيعتها

ولله ان تلزق فيك السالفه طول عمرك و العالم يتمشووون ولا عندهم سالفة غيرك .. تصير علك دائم الحلى ..

ولا تصف يم علك ابو سهم .. يتشمتون فيك.. المهم راعي الجمس سلم وقال له اخوي ما كأنك مضيع لك شي

قال له العريس ... لا ولله ما ضيعت شي

قال له تأكد ياخي

قال العريس ... وشلون أتاكد

قال راعي الجمس .. روح طل في سيارتك شف في شي ناقص لك

اخونا العريس قام يوسوس حتى المشكله مرته ما جت على باله

المهم راح ودخل خشته داخل السيارة وقال يا مره في شي طاح مننا وحنى في المحطه محد رد عليه

ويوم لون وجهه بدا يميل للكرت الاحمر.. ووووووووين راحت المره

وأخيراً رجع لراعي الجمس وقال هات السالفه 00

قال يا ولد مرتك لقيناها عند المحطه انا واهلي وقالت لنا انها نزلت للحمام وانت مشيت ولا دريت عنها 00

عاد العريس كل انواع النفاضات نزلت عليه تلعثم ولا قدر يتكلم

المهم راعي الجمس راح وقال للعروسه يلااا طسي عند زوجك شوفيه متصوووومع عليك

المهم العروسه ركبت مع زوجها في السياره وانطلق لسانها اللي كان مربوط وقامت تتعذر له .

وتقول لا تزعل مني انا كنت مستحيه اني اقولك اني طول الخط وانا ابغى اروح دورة المياه..

وانت ماشاء الله عليك حار ركبت السيارة وانطلقت

هههههههههههههههههههههه <== يا شين التميلح .. توها تتميلح ..

عاد انقلب الوضع صار العريس هو اللي مبرطم طول الطريق والعروسه الي قاعده تبربر ما بقى الا انها هي

اللي تسوووق .. عشان اخينا في الله مرتاع من اللي صار

ملطوش لعيون أمير القلوب

تقدمها أسرة برج المليون كهديه لعريسها

وكذلك ندعوك للأقامه لقضاء شهر العسل

باعلى دور في البرج يامير الكلمه

نتمنى لك حياة سعيده

07-03-2009, 12:50 AM

السلام عليكم ورحمة الله وبركاته

صباح الخير يا عضاء البرج المبجلين

07-03-2009, 12:52 AM

رررررررررررررروعه يابو فهد يعطيك الله الف عافيه والله يستر على عريسنا الامير الفال مهو زين ,,,,يالله يابو فهد

خلاص والطلبات مجانية طول قترة الاقامة ...وانا خبرت ....شاليه في اعلى البرج ....عساهم يستأنسون بالهوى البحري يابو فهد ...

اعضاء البرج في خدمة الامير ،،، اللي بيقدم قصيده واللي رجز واللي محاورة ....

وانا بقدم خاطره ، جازت لي ،، عسى تعجب ضيوفنا

..متى اشوفك،،،،،،
يامتعب القلب بخفقات
متى اشوفك،،،،،
وتلتفت يمي،،، بنظرات
متى اشوفك....
ياخاطف شفوقي بهمسات
متى اشوفك،،،،،،
ولقاءك من سابع المستحيلات
متى اشوفك،،،،،،
تكفى لاتبعد بينا المسافات
متى اشوفك،،،،،
قولها واشعرني بلهفات
متى اشوفك،،،،،،
والشوق تعدى المحيطات
متى اشوفك،،،،،
يا شوق سنيني الماضيات
،،،،،،،،،،،،،،،،،،،

[[/CENTER]/CENTER]

تحياتي

الهنوف :

07-03-2009, 12:52 AM

الف مبروك للي نجح

واللي سقط انشاء الله ينجح

07-03-2009, 02:39 AM

السلام عليكم ورحمة الله وبركاته

مساء الخير جميعا

كيف الحال عساكم طيبين

هههههههههه

07-03-2009, 03:05 AM

السلام عليكم ورحمة الله وبركاته

صباح الخير وزقزقة الطير على الناس الغير

كيفكن أعضاء البرج المبجلون

بشروووونا عساكم طيبوووون


	قصة عريس نسى زوجته !!

أمخق من عريس

خطيييير أبو فهد قصة رائعة

يالهنوف دام الطلبات بلووووشي بلييييز 1 بايسن ثلج والي يعافيك

تحياتي للجميع

07-03-2009, 03:10 AM

على البال

على البال
كل التفاصيل .. على البال
واحلى التفاصيل .. على البال
والحل والترحال .. والنار والهيل
والقمره اللى نورت ليل ورا ليل
والنظره المكسوره
والبسمه المقهوره
والخطوه المغروره
وأحلى المواويل
دايم على البال

مدري الى اليوم
ولا الزمان أنساك يا قلبها قلبي
مدري الى اليوم
توله على مضناك والا انتهى حبي
ياقايد الريم ذكراك ما غيبت عن خاطري ساعه
الروح لك يا ساكن الروح ... نزاعه
متى الوصل .. قول .. أبجيك وأسابق الساعه
ياللى على البال

كم شمس غابت وأنا أشوفك
شمس الضحى اللى تباريني
وإذا منع جيتك خوفك
نورك فلا غاب عن عيني
الحب تدري .. ما هو بيدي
سيدك تراه الهوى .. وسيدي
أبيك تبدا مواعيدك
ولا أببدا مواعيدي
ياللي على البال

أسير الشوق

07-03-2009, 02:02 PM


	يالهنوف دام الطلبات بلووووشي بلييييز 1 بايسن ثلج والي يعافيك

اخوي سلطان اسمح لي هذي العروض مجانية فقط للامير وحرمه ..... لاتفرح واجد ...الطلبات محدودة ...ومؤقت ...

تحياتي
الهنوف

07-03-2009, 02:25 PM

[poem=font="simplified arabic,5,darkred,bold,normal" bkcolor="" bkimage="" border="none,1," type=1 line=0 align=center use=sp]سر ياقلم وخط بالاحبار =واسري مع القلب اللي شفوقي

وتخطى لحظات الالم والاعبار =وانسج عذوب الشعر العذوقي

تهب فيني ضيقة المحتار =والهواجييس تلعب بدربي وتفوقي [/poem] تحياتي
الهنوف

07-03-2009, 05:12 PM

يا مســـــــــــــــــــــــ ـاء الأنوار

قصة عريس نسى زوجته !!

هههههههههههههههههههههههه

معقولة أنسى هههههههههههههههه مستحيل يا باشا 000

قصة فالصميم يا حكيــــــــــــــــــــــ ـــــــــم 000

وشكراً على الحجز في قمة البرج 00000

** ** ** ** ** ** ** ** ** ** ** **


	كتبت بواسطة : الهنوف الهذيل خلاص والطلبات مجانية طول قترة الاقامة ...وانا خبرت ....شاليه في اعلى البرج ....عساهم يستأنسون بالهوى البحري يابو فهد ... اعضاء البرج في خدمة الامير ،،، اللي بيقدم قصيده واللي رجز واللي محاورة .... وانا بقدم خاطره ، جازت لي ،، عسى تعجب ضيوفنا ..متى اشوفك،،،،،، يامتعب القلب بخفقات متى اشوفك،،،،، وتلتفت يمي،،، بنظرات متى اشوفك.... ياخاطف شفوقي بهمسات متى اشوفك،،،،،، ولقاءك من سابع المستحيلات متى اشوفك،،،،،، تكفى لاتبعد بينا المسافات متى اشوفك،،،،، قولها واشعرني بلهفات متى اشوفك،،،،،، والشوق تعدى المحيطات متى اشوفك،،،،، يا شوق سنيني الماضيات ،،،،،،،،،،،،،،،،،،،

شكراً أيتها الهوف دائماً الروعه تكون مصاحبة لما تقدميه لنا

تحية للجميع 00000000