أنا...جيـــت

همى الوجد وصدور المحبين مبتله=ودن الأسى وبروق الأحزان لواحـه
نبت ضيم وغصون الأسى منه معتله=ثمرها السهر وعبوس الأيام وجراحـه
ياصمت المواجع مابقى دمع ونهله=دخيل الفرح لايهجر الليل مصبـاحه
هنا وحشة إللي بعد محبوبته منلـه=ضناه أحتياجه في غدوه ومرواحـه
وأنا ماتعشمت الفرح غير من قله=نساني بعد ماصك بابه بمفتـاحه
يجوز الخطا ما توصفه كلمة الزله=وتبقى مفاهيمي لعذريتي ساحـه
غبطني الحزن وأدرقني الصمت في ظله=وأنا مهجتي بالشوق والجمر فواحـه
هل الحيّ حيّ إليا سكب دمعته ذله؟=أم الموت خير بدومة الليـل وإفصاحـه
ثلاث أنقضت والدرب تعرفه وتدله=نسيت الوعـد وأرداني البعد وأرمـاحه
غفى الليل بجفوني وحسراتي تمله=وضاق الفضـا من نوح كفي لمسبـاحه
سبقني عليك الشوق يوم أنكر الحله=بعد ماربى لجلك سكاكين ذباحـه
وجيت أتّقـد وأستنهض البعد وأزله=واقدم رجا..وكفوفي البيض لواحـه
أنا جيت مابنشد عن العهـد من حله= أنا جيت أدور من جوى ليلي الراحـه




اخوي عماد اردت اقتباس سطر من روعتك ..الشعريه ووجدت نفسي سجينة اسطرها ..وسجينة روعتها ...فصح لسانك ...عدد بلا مدد ......


تحياتي
الهنوف

صح لسانك ياأبو معتوووق ..

صح لسانكـ ولا هنـت

ابدآع يالغلا

بنتظار جديدكـ المميز

تقديري لكـ

عماد الشعر ومستقبله
صح السانك مدد بلا عدد
قصيده رايعه من شاعر مبدع ولايجيب الى الجزله
تقبل مروري وتحياتي

ليس لي الا ان اقرأ لاني مهما بلغ مدى تعبيري فانه لايوصف اعجابي بما تقول ....شكرا من القلب يابو معتوق ...


تقبل تحيات احد المعجبين ودمت بودــــــــــــــــــــــ ــــــــ....

ما شاء الله تبارك الله

صح الله لسانك عمادويه

بورك فيك و في فكرك

غفى الليل بجفوني وحسراتـي تملـه

وضاق الفضا من نوح كفي لمسباحه

صح لسانك وعلا شانك ياعماد الهذلي

قصيدة مميزه ورائعة

ماننحرم منك ولا من جديدك



تحياتي و تقديري

مبدع يا عماد


الله لا يحرمنا منك ولا من قصايدك

عماد العبييدي مشروع شاعر كبير قادم للوسط الشعري بكل تمكن

قرأت لك الكثير ورايت الكثير من الشعر والإبداع

ماشاء الله

برغم الحزن و الغربه

و الليل


و الموت على حبل الرجا


الا أنها تستبيح القلوب ,, و تستثير الفكر


.
.

رائع يا عماد كل ما تقدمه


دائما شكرا لك

ماشاء الله يابو معتوق عيني عليك بارده

صح لسانك وعلا شانك وامدك الله بالعمر الطويل لاكمال هذه المسيره المشرفه

شاعر يابو معتوق وتشرف والله في جميع الاقطاب

وتعود بالسلامه ان شاء الله

الوجد ما أدراك ما الوجد



بين أسلوب المتوجدين القدامى



وتوجدك يبقى الإبداع الصادق رابطاً



لازلت تعزف على وترك الخاص


صح لسانك يا أبو معتوق



دمت لنا ودام إبداعك

	المشاركة الأصلية كتبت بواسطة بن عادي

	ياصمت المواجع مابقى دمع ونهلـه دخيل الفرح لايهجر الليل مصباحـه هنا وحشة إللي بعد محبوبتـه منلـه ضناه أحتياجه في غدوه ومرواحـه وأنا ماتعشمت الفرح غير من قلـه نساني بعد ماصك بابـه بمفتاحـه يجوز الخطا ما توصفه كلمـة الزلـه وتبقى مفاهيمي لعذريتـي ساحـه راح الكثير وبقي القليل أنا جيت مابنشد عن العهد من حله أنا جيت أدور من جوى ليلي الراحه قصيده رائعه جدا وصح لسانك يابو معتوق مدد بلا عدد وانشاء الله ترجع لنا من مصر بالسلامه وبالتوفيق يابو معتوق فالأختبار القادم يوم 6 رمضان

ياهلا وياغلا يابن عادي

الرائع دئما والله حضورك وتفاعلك الأنيق، ومثلك يعطي القصيدة أكثر من بعد.

صح بدنك ،، والله يسلم قلبك

الله يوفق الجميع لكل خير

تحية طيبة

	المشاركة الأصلية كتبت بواسطة غريب الغربيه

	ياخي والله فخامه صح لسانك ياعمدة الشعر يعجبني هذا الاسلوب في الشعر لدرجة اعيش جو القصيده صور رائعه ومتتاليه تحتاج لقراءتها اكثر من مره لتصل لكنهها وهذا الشطر بالذات جا على الجرح هنا وحشة إللي بعد محبوبتـه منلـه تسلم

ياهلا وغلا بغريب الغربية

صح بدنك يابن العم، يشرفني أعجابك يعلم الله ومحل فخر

أعتز بكلامك على راسي

تحية طيبة

	المشاركة الأصلية كتبت بواسطة الفند الضبيبي

	كالعاده كالعاده ايها العماد ابداع منقطع النضير

ياهلا وغلا يابو مخلد

تسلم يالغالي تسلم

شرفني حضورك

تحية طيبة