عهد وفا ... وطنيه

	المشاركة الأصلية كتبت بواسطة عز الرفيق

	السلام عليكم و رحمة الله و بركاته من قديمي أتشرف بإطلاعكم عليه . . . عهد وفا [poem=font="tahoma,5,black,bold,normal" bkcolor="transparent" bkimage="" border="double,4,gray" type=1 line=0 align=center use=ex num="0,black""] يا بلادي ما يهز أمنك حسود = و لا يشتت شمل وحدتنا سفيه انعمي في ظل رايات السعود = و ابشري برجال مذهبهم نزيه ابشري برجال ما منهم جـحود = حافظين العهد و القول انـحميه حافظينك لين ندخل باللحود = بالوفا عهد الوفا منا خذيه و الله إنا كلنا دونك جنود = ندحر المجرم بجرمه و انحديه المحبه لك وصاه من الجدود = كل رجال ٍ يحملها بنيه و الله إنك بالوجود أعظم وجود = عزك الرحمن ...لا مالك شبيه يا بلادي ما يسود إلا الأسود = و الضعيف إليا بغى العليا يتيه المعالي دربها عسر و سنود = نايف ٍ ... ما كل رجال ٍ يجيه ما يصلها غير من عزمه يكود = كايد الايام و الله يهديه مثل أبو متعب و ماله من وجود = فوق عرش المجد مجد ٍ معتليه دين حق و حكم عدل و كف جود = و السياسة و الرياسة في يديه الإمام اللي عن الأمة يذود = ناصر الإسلام ... و الهقوات فيه الحكيم اللي له الحكمة تعود = الزعيم و لا زعيم إلا يليه الولا له و الرجا فيه امعقود = كل ما ضاقت توجهنا اليه يا بلادي من صعود إلى صعود = كل يوم يسوق بشرى ما يليه في ذرى من قام لك عزم و صمود = بشرك بالعز و أنتي بشريه بشريه بشعب ما منهم جـحود = حافظين العهد و القول انحميه[/poem]

الله الله صح لسانك مدد بلاعدد قصيده جزله من شاعر جزل تعودنا منه القوه والجزاله

في جميع اغراض الشعر .

قصيده تستحق ان تحمل اسم عهد ووفاء لما فيها من مشاعر الوطنيه الصادقه

كل بيت يعتبر عهد وتجديد للولاء وحق لشاعرنا ان يأتي بمثل هذه القصيده في هذا الوطن المعطاء

وحق لنا ان تفتخر بوجود شاعر متميز ومتالق مثل المبدع عز الرفيق

سجل اعجابي الغير جديد عليك ولكنه يتجدد مع كل اطلاله لك وتقبل مروري وشكري وتقديري,,,