طلب قصائد المجرور

السلام عليكم:

يقول القايد المريوش وايق ثم غنا\\غشيم الهرج بعض الناس ما يعرف غنايا
ولا يالقلب مشغلني مع الطيب معنا\\ولا يالله يالمعبود تعطيني منايا
منايا كملة الخطار من حب(ن) وبنَا\\وشاتاً زايدة بالشحم من زين الرعايا
منايا جارنا اللي ضعنهم يبرا ضعنا\\ معزز حيث رب الجار وصا له وصايا
منايا كل قالة معرشة تنصد عنا \\ ولي جات الدعاوي قام مولايا معايا
منايا بكرة(ن) عفرة ويا حي المدنَأ\\ لها عشرة جدود وغلقت حادي معايا
هذا المجرور مو كامل


يا ذيب ياللي تلج إعواك في عمقان\\شيبتني بالعوا وآنا طرف لية
شيبتني بالعوا يا ذيب يا سرحان\\مدري بك الجوع ولا بان لك نية
ياليت يوم امتني واليا معي جنحان\\واعطي الفجوج الخلا يأقدام رجلية
واعطي الفجوج الخلا با خوط يا ريحان\\عن ديرة الشيب حتى لا يجي فيا
يا شيب واشبك على بعض العرب عجلان\\مالك علينا ديونن ولا محقية
بعتك شبابي وانا في بيعتي ندمان\\واثرك ما تعطي الندمان قالية
فأيام شبابي انا كنت اضحك على الشيبان\\واثره شبابي عليَا ثوب عاريَة
وا وجد روحي على عودي وهو ريان\\اغصان فيها ثمر واغصان ورقية


وهذا اللي لقيته الآن لكن ان شاء الله اجيب لك مجارير ثانية