يضفي على حلة هذيل اللي تشع انوارها

فارس الحرف
سلام والتسليم سنه يالرجال الغانمين
............................يضفي على حلة هذيل اللي تشع انوارها
اليا لقينا صاحب الميقاف فالدعوى تزين
.................مافيه شك وكل لحية عارفن مقدارها

أبو حمدان
يامرحبا والـــــرد واجب والخـــــلايق شاهـــــدين= وهذيـــــــل تفرح بالضيوف اليا لفت في دارها
اطرف شنب من عزوتي الهذلان يقضي كل دين = يافــارس العجــــمان وين الدار هات أخبــارها

فارس الحرف
الك البقا وهذيل نعرفها على مر السنين
........................تمرح وتصبح يالهذيلي علمها فديارها


ماسد فالواحد محسبة الثلاثه والثنين
......................................... والطايره فمحلها واللي فقد طيارها

أبو حمدان
هذيل يالعجمي لها تاريخ وأنتم خابرين = قـــــوم السيادة والريادة يوم شبــت نارها
دقق مراميك الخفيه والعن إبليس اللعين = لاتعتقــد في الرميه اللي ماحكمت عيارها

فارس الحرف
اصحى معي ياشاعر الهذلان ابو قلبٍ ذهين
.......................... فكر وعبر والرجال اللي تعد اخبارها

اخر مواقيف العرب في بدر مدري في حنين
......................................... اشفق على مجد العرب بكبارها وصغارها

أبو حمدان
هذي حقيقة واضحة عندي لها علماً يقين = ماننتقص حق الرجال اللي طوال اشبارها
لكن راجع صفحة التاريخ يالرجل الفطين = واخذ العلوم من الرجال اللي تعد اشوارها

فارس الحرف
اعرف وقول انك يابو حمدان سيد العارفين
........................................... واللي بناها مابقول انه يهد اسوارها
العود لو انه كشف لعياله السر الدفين
........................................... ماكشفت سود الليالي سدها وسرارها

أبو حمدان

اللي بناها جود البنيـــــــان والســـــاس المتين = وارسى قواعدها وجــــود ساسـها وأحجـارها
العود ورّث له ذهب صافي وله حس ورنين = يبقى على طول الزمن رمز العرب وشعارها

فارس الحرف أبو حمدان صحت الالسن محاورة جميلة بما تحمله من معاني شاعران لكما ثقلكما ووزنكما وتصبحون على خير