فكرة برج المليون رد .............!!!

.


يـوم كنـت( صغيّّّـر) يقولـون جنّـي
ماخبر واحـد علـى امـي مااشتكانـي

:: كنت موذي والـوذا مخلـوق منـي
كنـت اشقـا طفـل مولـود بزمـانـي

:: اتشخّـص ب(الطقـيّـه) ياعنّـنّـي
صرت اغازل واعرف اسلوب الغوانـي

:: كل بنـات الحـارة كانـن يعشقنـي
ابتسام..وهنـد... واحلام....وتهـانـي

:: من قبل لااقول .. طيري.! يلحقنـي
ويحبسنّـي مـن قبـل لااصـل مكانـي

:: كنت بـ(الحاره) من الطيش احسبني
سندبـاد اللـي عـرف سّـر الموانـي

:: كنت أوسوس بالشعر من صغر سني
والمس جروحي علـى شانـه واعانـي

:: لين في مّره .. وانا ماشـي واغنـي
رايح لدكّان .. (عدنـان اليمانـي ) ..

:: مّّرني خنجر غـلا عشـق وطعنـي
جايني من وين ؟ مدري بس .. جانـي

:: وش تبون بقصتي .. ؟؟ يخرب مطني
مـا ضحـك غيـري علـيّ ولا بكانـي

:: اسمعوا بوح الحنيـن اللـي سكنـي
واعذرونـي لا خـذل حرفـي لسانـي

:: لا تعّـدون السهـام اللـي رمـنـي
وتسئلوني ويش كثـر عـوج المحانـي

::احسبونـي طفـل محـتـاج لتبـنـي
عن حسدهـم حافـظ السبـع المثانـي

:: وازرعونـي بالعيـون اللـي جفنـي
واقطفوني مـن علـى خضـر المعانـي

::اطعنوا صدر اليقيـن بسيـف ضنـي
واشربونـي دمّ لـو جرحـه نسـانـي

:: و اسمحوا لي بين( قوسين ) التجني
آخـذ المجنـي عليـه بذنـب جانـي.

:: أه منه . واه منكـم. واآ آ آ ه منـي
من نبش فيكم ورى الصمت وحكانـي.؟

:: ايه اموت بدونـه .. وأحيـا كأنـي
عايش بدوني . ! غياب انسان ثانـي .

:: والله انّـه بالوهـم يـوم يحضـنـي
طيفه يصّدق . !! وانا اذوووب بحنانـي

:: أكذب الصدفه واصدقهـا !.. واهنـي
واجرح الساعه . لاجل خاطر ثواني ..!!

:: اسألـوا بنهايـة المشـوار فـنـي
من وشم جرحي على صدور الاغاني.؟؟

:: وعلموني ويش يقول الشعـر عنـي
هو أخذ مـن حسرتـي.؟ والا عطانـي

:: بلّغـوه انـي تعبـت مـن التمنـي
ولا لقيت اريح مـن احـلام الا مانـي

:: وصدقوني موغـرور ان قلـت انـي
ماخلـق ربـي قصـيـد الاعشـانـي.

:: وسامحونـي بـس هالمّـره لانــي
طحت من عقلـي علـى قمـة جنانـي


مماراقلي