فكرة برج المليون رد .............!!!

[poem=font=",6,black,normal,normal" bkcolor="transparent" bkimage="http://www.hothle.com/vb/mwaextraedit2/backgrounds/11.gif" border="double,4,black" type=0 line=0 align=center use=ex num="0,black""] ماهو بكيفك تواصلني وتقطعني = اما غلا بينن او فضها سيره
ياشين لا جيت تقطع لا توادعني ! = ليتك تحس الوداع شلون تأثيره
يا ما خذ الحب قل فيني وسمعني = حب(ن)على كبر صعب ابدل بغيره
ابا احتفظ فيك وادري مانت نافعني = يمكن مع الوقت اقول امحبتك خيره!!
والله تدري وش اللي معك دافعني ؟؟ = اني معاك انت امارس آخر الغيره
واحب فيك البرود اللي يقاطعني = لو ما تكلمت صمتك صعب تفسيره
ياللي عليك البشر شفها تقاطعني = امنين ما اوجه الهقوات لك سيره
ياشينها من الخوي قول اتركه طعني = ماغير شره ولاانت بشايفن خيره
ويا شينها منك لا جيتك توزعني = في عذرك اللي على هالظرف تجييره
شف كبر صبر البشر ما عاد ياسعني !!= واكبر هموم العباد اشوفها صغيره
وش جاك مني خطا يومك اتبيعني ؟؟ = في سوق ذقها / عليك اسوقها جيره
انا اذكر انك اليامن قلت دلعني = القلب هانت على شانك مشاويره
يا مشغل القلب بين تحبني ويعني! = شفني عليك احترق ياسيدي حيره
مرات اقول اتركك لا شك يمنعني = شي(ن) يقول اعذره واقبل معاذيره
قلت احتفظ فيك وادري مانت نافعني = يمكن مع الوقت اقول امحبتك خيره ![/poem]

حمد السعيد