من يعرف محاورات لطلق السويهري

الشاعر طلقف السويهري كان فترة خوي مع أحد الأمراء ومعه أحمد الناصر


وكانوا دائما ما يلتقون بحظور الامير فهذه إحدى المحاورات سجلتها من عند والدي طلبا لك :





أحمد الناصر الشائع :
سلامي على الشعار من خاطر(ن) صافي=تحية وفا من فسر شاعر مسويها
أبا شاعر(ن) بالصدق يوفي ويستافي=عوايد مع العراف ناخذ ونعطيها

طلق بن صويلح السويهري الهذلي ( رحمه الله )
هلا مرحبا تسعين يابادع القافي=عدد ما تهل الناشيه من مناشيها
ليا زان محرافك فأنا زان محرافي=ولا خاب بايعها ولا خاب شاريها

قال أحمد الناصر :
جمالي غدت وأمسيت خايف ومختافي= وربعك كنتها وأنت جاحد وكانيها
وذلحين أنا شاكي وأبا منك الانصافي= وأقول(ن) جمالي يا طلق عبرو فيها


قال طلق السويهري الهذلي ( رحمه الله )
ألا يا أحمد الناصر ترى الكذب ينعافي= تعطوى على الاكذاب وتحب طاريها
ترى ما غدالك شي بين ولا خافي = وليا جاتنا جابه نرد البدل فيها




وفي قاف ثاني مع أحمد الناصر لطلق السويهري :

يقول أحمد الناصر
عز الله إني ياطلق بالحيل محتار=لو كان ماحد له معي مثقال ذره
الناس تطرش ياطلق وتجيب الاخبار= واللي يجيب اعلوم علمه يسره

قال طلق السويهري الهذلي ( رحمه الله )

يابو محمد وش حصل وش صار وش صار = وش جاك من علم الخطا حتى تشره
اثبت ريالك عندنا واعطيك دينار= حتى يعّود كل علم لمقره

قال أحمد الناصر :
ترى المعاني للرجال كبار وصغار= وأنا لراعي المخطيه قصاص جره
عندي علاك شهود مقبل منك معذار = كثر التفكك ما تفك من المغرة

قال طلق السويهري الهذلي ( رحمه الله )
كل(ن) يبى يقنع بفكره بين الافكار=والناس كل(ن) حافظ(ن) خيره وشره
اصحى تجيب شهود من باير ومكار= وان شفت ابو وجهين جنب لاتمره




ولو أردت الزيادة من قصائده فولده فهد موجود في ( الملاوي ) عنده كم هائل من قصائده ومحاوراته