فكرة برج المليون رد .............!!!

[poem=font=",6,black,normal,normal" bkcolor="transparent" bkimage="" border="double,4,black" type=1 line=0 align=center use=ex num="0,black""]
تخيلو لو يفزع الجار للجار =في مجتمع حاقد و غاضب و مشحون
و تخيلو لو تلتفت كل الأنظار =للمشهد اللي وقفت دونه عيون
و تخيلو لما رح الحرب تندار =ما بين حكام العرب و صهيون
إلى متى نستقبل ذنوب بأعذار =و إلى متى نستنزف جروح بطعون
نتبع خطى تيار و نصد تيار =نبعد وعدوان المسلمين يدنون
لو كان بقلوب العرب صبر و إصرار =ماكان سو فيكم اللي يسون
بإهمالكم بدلتم الثار بالعار =بعتم تراب القدس و أنتم تشوفون
حنا كذا بمعارض الراي شطار =لين استوى بالمجد عالي و مطمون
من كثر ما كنا نجامل و نحتار =صرنا نحاف نعارض اللي يقولون
القدس تصرخ و السما تحصد أعمار =و الدم ينزف و الأرامل يموتون
و أرواح تسلب سلب و أعصاب تنهار =و أطفال تعدم و البشر ما يحسون
خمسين عام نحارب الشرك بحجار =و بسكوتنا نبني عمارات و حصون
ننسى و كأنه اللي حصل شي ما صار =نسكت و كم ما بيننا شخص مغبون
لين شربو من دم الإسلام كفار =و بعروقنا صارو يروحون و ييجون
إستظعفو لين أظعفو كل الأقطار =ساقو غضبهم و الأوادم يصلون
يستدرجون العزة للسمح الأبرار =يستمتعون بقتل الأطفال بالهون
ما كنا إلا شعب مخلوق غدار =في قلب لا ساكن ولا هو بمسكون
بالذل ما تلقى على سيطه غبار =كبارهم واطين وصغارهم دون
لا بارك الله فيهم صغار و كبار =ولا جمع الله شملهم وين يسعون
وما تنطفي شمس الحقيقة ولوجار =فينا زمان الذل و الضعف و الهون
و دام الفشل و الضعف ثلثين الأضرار =لابد نضحك ولابد يبكون
و إن كانت قلوب العرب تنذر إنذارليش =ليش إنتجاهلهم وهم يستبدون
الناس قالت حار النار بالنار =و ما الله خلق للآدمي عمر مضمون
و إن كانت الفزعة من أحرار لأحرار =حنا البروق اللي غدت سحب و مزون
و حنا السكوت اللي سبق عصف و إعصار =و حنا سباع الكون يا لعنة الكون
و حنا عر و العرب ما تترك الثار =بأفعالنا ما هي بقولة يقولون
نزعل لكن بالزعل دمنا حار =نفزع إليا شفنا العذارى يصيحون
عقالنا معهم من العلم مقدار =و مجنونا ينطح ثمانين مجنون
يا شعب يا ثاير و يا شعب مغوار =هون من أسباب المعاناة و تهون
إصرخ على كل البشر و إجهر جهار =و خلي اليهود إن ما درو عنك يدرون
و إجمع شتات الوقت تذكار تذكار =و إذكر مواقف كل طاعن و مطعون
حار بدين الخالق النافع الضار =و إستذكر الرحمن و إبليس ملعون
إطرد من أرض الله عدوين الأذكار =و إن جوك و إلا جعلهم ما يردون
و رح قلهم حنا على كل مشوار =و ذوقو مرارة نصف ما تستحقون
و إذا رضيتو قولو الوقت دوار =و إذا زعلتو سو اللي تسون
[/poem]
[align=center]
حامد زيد
[/align]