مزحة من ذات الوزن الثقيل

وعليكم السلام ورحمة الله وبركاته

هذا رخمه .. حوف أن أم شوكه ماهي في جيبه إلا ما يخلي الرياجيل يكفلون الكيس في راسه وبعض الناس لا ينطح ولا يرفس هميطه >>> حلوه هميطه هههههههه

مشكور يابو فهد ..

الله يسترنا دنيا وآخره .. وهذا ماهو مزح خبال

ابذكرلك سالفت الرجال اللي طاح في البئر ومات بسبب السلام

المهم هاذي قصه قديمه وبالأخص روايه لا أعلم عن صحتها وربما تختلف روايتها من شخص لآخر ..
يقال أن فيه واحد كان واقف على حافة البئر في غفلةٍ منه سرحان ، وجاء واحد من خلفه ورد عليه السلام بنبره قويه تعرف اعاد نبرات البدوا من زمان في كل شي .
المهم أن فجع الرجال اللي كان واقف على حافة البئر وطاح جوة البئر ومات .. قاموا ربعه يطالبون بدية رجالهم ، قام الشيخ وأخذ جماعته قال لازم نروح للفلاينه ونعزي وندفع الديه المهم أنه زكن على ربعه اللي معه قال لا حد يقول شي خلوكم ساكتين إذا حيوبنا ولا أحد يرد السلام ولاشي ..
انطلقوا يوم قبلوا على جماعة المتوفي قابلهم الشيخ .. الله يحيكم يامرحبا يالله حيهم ..
ويجي هذا الشيخ وجماعته ساكتين ولا كلمه إلين جلسوا على الفراش (( سكتم بكتم )) >>> على قولة يوسف الجراح !!

استنكروا أهل الميت قام شيخهم قال : للشيخ الضيف .. واشفيكم يالربع ما تردون السلام ؟

جاء دور الشيخ المحنك : قال والله مانقدر نرد السلام .. السلام حملنا رجال منكم ! وخفنا نرد السلام عليكم وتموتون .

في النهايه اشتوروا وسامحوا في دية رجالهم .

وطراه المطاري.. يابو فهد .. بعض الناس قلبه خفيف ينفجع من الصفير