][البــاز والصيـف ][

	المشاركة الأصلية كتبت بواسطة الـــبـــاز

	الجزء القادم بيكون عن احداث الرحله من الإقلاع للهبوط تقبلووووني

طبعا صارت حوسه وقت دخول المسافرين للطياره

كل واحد يدور مكانه حسب كعب الكرت اللي في يده

وبعضهم مسوي فاهم ولايسأل >> اخوكم الباز

ومثل ماتوقع اخونا رايد العجوز المتصابيه سوت سالفه في كبينة الطياره

طبعا اسمعكم تقولون لاحول من هالعجيز اللي مابنخلص منها . هههههه

اللي حصل أخواني وأخواتي ...

انه كالمعتاد عند قص البوردينغ << كرت صعود الطائرة ,يفرقون شمل الأحباب

حتى الرجال وزوجته غالبا يحطون كل واحد منهم في ديره

وذلك ماحصل مع عجوزنا التحفه ..

فرقوها عن بناتها الثلاث ولم يعجبها الوضع فغضبت وارعدت وأزبدت

وكالت لهم من الشتائم ما سهُل نطقه وقبُح معناه ..

والسبب ان حظها خلى واحده من بناتها تجلس جنب شاب وسيم

تبدو عليه آثار النعمة . فقالت لمضيف الكبينه ( وااا فضحي )

انت ماعندك خوات يوم تخلي بنتي تجلس جنب رجال أجنبي !!

فابتسم المضيف قائلا : ياخاله الرحله مزحومه ومافيه تبديل أماكن

فأطرقت برأسها قليلا فكأنني أرى فوق رأسها ابليس اقشر>>

وقالت في خجل احسب أن وجنتيها إحمرت من شدته

روحي يابنت اقعدي جنب خواتك وانا بقعد في ذا << جنب بهي الطلعه

المووهيم ...

أخذ أغلب الركاب مقاعدهم وتهيئ الجميع لربط الأحزمة استعدادا للإقلاع

وشأت الأقدار أن يكون مقعدي على الممر وهو ما أكرهه جدا واتحاشاه دائما

ولكن رب ضارة نافعه , فمكاني هذا أتاح لي فرصة التلصص والتبصبص

وفي أثناء ذلك أخذت أجول بنظري في أرجاء الكبينة بحثا عن شخص

افتقدته >> الهامور اللي في الجزء الأول !!

ولكنني تذكرت أنه يستحيل وجوده بيننا نحن العامة فلاشك أن مكانه في

الفيرست كلاس >> الدرجه الأولى .

في الجزء القادم سأتابع لكم بالشرح والتحليل ماذا حصل من شخصياتنا اللي تعرفونها

وسيكون هناك شخصيات جديده ستلتحق بنا في الطائره

لاتذهبوا بعيدا >> مش اوي

سلملم

اووووس

بنااام