يالله ياللي كل عقده تحلها====

[poem=font=",5,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يالله ياللي كل عقده تحلها=ياللي تيسر معسرات دروب

ياخالق النمله وياخالق الجمل=يالواحد المعبود والمطلوب

ياخالق الانسان كامل مخلق=مافيه لاعيب ولاعذروب

تحمل به امه تسعة اشهر فبطنها=وهنن على وهنن وكثر كروب

ولاغلق التسعه نزل واستراحت=ومدة رضاعه وقتها محسوب

احد مقدر له حياة سعيده=ويعيش عمره بالسعد مصحوب

واحد مقدر له يعيش بشقاوه=لين العرب يطرونه المنكوب

واحد مقدر له يموت اليا نولد=شافع ويشبه صافي المشروب

واحد مقدر له بزهرة حياته=فاحلى العمر يرسله المندوب

دنيا دنيه ماتساوي زعلنا=وابليس يفرح لالقي متعوب

يقعد يوس وسله ويخلف مساره=ويقوله بس انته المكروب

من شاف كرب الناس ينسى كروبه=ومن بات غالب يصبح المغلوب

دنيا تقلب والخلايق تقلب=واشوف حتى وقتنا مقلوب

مير اطلب المعبود رب الخلايق=اللي مراقب عبده المرقوب

العبد خايف لاتجي منه زله=وياصل جهنم والحطب مشبوب

يالله تكفينا جهنم وحرها=وفي جنتك نلبس جديد الثوب

واختامها مني صلاة على النبي=محمد اللي فالملا محبوب [/poem]

صح السانك وعلا شانك ولا هنت

قصيدة شاعر كبير وحكيم

وتقبل احترامي وتقديري