قصيدة نادره للشاعر عبد الله المسعودي

[align=center]بعد أذنك اخوي معيض[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا الليله على شط البحر هضـت بـي الافكـار=وقمت اشرح ظروفي فوق موج البحر واشكي له
ألا ياليت صدري مثل وسع البحـر مـا يحتـار=تضيع به الهمـوم وكـل شعـبٍ ينحـدر سيلـه
وقال البحـر لـك ربٍ كريـم ومنـي المعـذار=ليا حسيت ضيقت صدر قـوم أذن وصلـي لـه
وانا مؤمن بحكـم الله واعـرف ان لفلـك دوّار=ولا مالله عدلها مـن هـو اللـي يعـدل الميلـه
بغيت أكتم صوابي مير ضقت وباحت الاسـرار=وضاق الدرب فوقي ما على المضيـاق تحويلـه
وانا عارف قسى الدنيـا علـى لوعاتهـا صبـار=شربت الصبـر والعلقـم شربتـه مـن فناجيلـه
ولا ياكثر هرج الناس فـي المسنـاد والمحـدار=كلامٍ في السعة وليا انحصر ضاعـت محاصيلـه
أشوف سنونها تضحك وانا اعرف ضحكت الغدار=اعرف الها هدف في ضحكها للضحـك تحليلـه
كثير من السلع عنـد العـوارف مالهـا مسعـار=وانـا داري بهـذا العلـم سيتـه وصاحـي لـه
طوتنا أيامنـا طـي الكتـب وتقافـت الاعمـار=ولو انا بقينا فـي الجبـل وش عـاد نبـدي لـه
وأنا اعطيت اللي عندي للرجال اللي ثقه واحرار=وليـن باقـي عليـه شـيء عنـد الله تكميـلـه
وختمناها بذكر الله وصلاة على النبـي المختـار=عـدد ماحجـو الحجـاج بيـت الله تلبـي لـه [/poem]

[align=center]الله يعطيك العافيه نقل موفق[/align]