.:: ثـُـــلــة هموم ::.

[poem=font=",6,seagreen,normal,normal" bkcolor="transparent" bkimage="http://www.hothle.com/vb/mwaextraedit4/backgrounds/26.gif" border="inset,1,teal" type=1 line=1 align=center use=ex num="0,black""]
يا حمام الورق جر النوح جره=فوق غصن الراك واطرب كل سالي
يا حليلك ماتعرف الهم مره=والفضا ماضاق بك لو كنت عالي
آه من ثلة همومٍ مستقره=فالحشا وتقول كن يصلاه صالي
اتضاهر بالسعاده والمسره=واتجرع مر في ماعون حالي
والطريق إليا تقفّل ما امره=واللتماس العذر صاير راس مالي
العفو ثوبٍ ويلبس ثم ازره=فوق من يخطي عليّه بعد جالي
ومن تجاهلنا. تجاهلنا مقره=ندحمه بالجنب للجرف الهيالي
النجم عالي ويتبع للمجره=نورها واحد وهويتها تتالي
الصبر عيا يفيد وزاد مُره=والفرج بيدين ربي ذي الجلالي
للورى لو الزمن نقدر نفره=كان شرهتنا على خشم الريالي
ماتجد للهم وسط القلب جره=ولا تجد جسمٍ نحيل وعظم بالي
المقدر ماعنه خيره وشره=راضيٍ به لا اعتراض ولا جدالي
ياحمام الورق داري لا تمره=للطرب فالقلب ماشيٍ صفالي[/poem]

صح الله لسانك قصيدة جميلة جداً ..
وعنوانها جذاب