(مجرورتين لشاعر هذيل)

قـال عــبدالله تِمَـيّزت الـــــرِجـال***أحَد مِنهم مثل راسِـــية الجـــــــبال
يَدرُق الخِلاّت عن قــيل ٍ وقـــــال***اسمُعُوا يَهل المفاكر والعـــــــقول
وإن بدا في علم يبدي له حصيـــل***والمشاكل عنده إلهِـنّه حُـلـــــــول
وإن نِـصَيـتِه عند ضَدّات الزمــان***ينثني في واجبه مثــل الحصــــان
لو قــــليل المـــال مَـدّك باللســان***يفهم الواجب ويمـــــشي بالاصول
وأحد منهم لاش ماينــــــراح بـــه***فيده النّمّه وغــــــرّة صاحـــــــــبه
وإن قــدرت لــيا عرفــته جانـــبه***صُحبة النـمّام ماش إلــها قــبـــول
عن دروب أهل الكرم قاصر جِداه***للمَعَزّه ماتِدَرّج به خُطــــــــــــــــاه
يِــحسِـبنّ الكذب يرفع مســـــتواه***يِـبتِـنِــي به بيت في ريــــع الحُجُول
وأحد ماله حظّ في درب الـــثواب***يعشق الباطل ومقطوع الصـــــواب
ماجِــداه ألاّ النميـمه فالغـيــــــاب***من هبوب العصر يَصلِب لـه حُمول
وأحد يطمع والطمع فيه اختــلاف***في علـــــوم ٍ ما يِـلَحّفهَــا اللّــحاف
واعذابه من دروب الانحـــــراف***راح عمره في هوى روحه ذُلـــــول
ياهبوب الصيف روحي وانصحيه***وانصحي عن مجلسه من هو يجيه
بَـلّـــغيه بـــما يـــــــقوله بَـلّـــغيه***وانصحي مــن كان في أمره جُهـول
أنصـــــح اللي عن دروبه مادَرَى***مايشــــــــــوف الدرب لوّ إنّه قــرا
كلّ ماطال الــــــدهر يرجع وَرَى***مثل مابعـــــد الطـــــــلوع ألاّالنزول
قـــاله اللي عاش فالــــدنيا وداس***جَرّب الـــــدنيا وأخذ منها قـــياس
واخسـارة مَن بنى مِن غير ساس***لو تعب فالبَنِـي بَنيه مايـــــــــطول
وأذكـــــــر الله وأختم الابيات به***وأشكره والحمد والتـــــــــــكبير له
عَدّ من زار الحــــــرم وطاف به***وعدّ من صلّى على دين الرســـول