الله على المسفار ... مع وقت الأسحار

	المشاركة الأصلية كتبت بواسطة عز الرفيق

	كفو كفو يا ابو حمدان راعي العلوم الجزلة ... بيض الله وجهكـ على ما سقت من جزالة و لله دركـ و نعم بخالكـ و عساه طولة العمر عز الله قصيدة روعة أنتظر منكـ تعطي الضوء الأخضر لأبو مخلد يشيلها بصوته العذب صح لسانكـ مليون طال عمركـ

ماعليك زود يابو هذال
والجزالة نتعلمها من مثلك وشرواك من الشعراء طال عمرك
وشهادة أعتز بها وأعتبرها وسام شرف
أشكر لك مرورك الرائع والجميل لاهنت

وعليكم السلام ورحمة الله وبركاته

والله يجزاك الف خير يا " د .ح . ن "

صح لسانك ياولد الخال وبيض الله وجهك على هالجزلة وأنت راعيها

الطيب كله فيه .... من طيـب راعيـه .....للمرجلـة شاريـه ، بالعـز مذكـور

ونعم بأبو سمير ، وعز الله ماكذبت ياأبو حمدان

تقبل مروري وتقيمي ياأبو حمدان .

	المشاركة الأصلية كتبت بواسطة فـتى هذيل

	وعليكم السلام ورحمة الله وبركاته والله يجزاك الف خير يا " د .ح . ن " صح لسانك ياولد الخال وبيض الله وجهك على هالجزلة وأنت راعيها الطيب كله فيه .... من طيـب راعيـه .....للمرجلـة شاريـه ، بالعـز مذكـور ونعم بأبو سمير ، وعز الله ماكذبت ياأبو حمدان تقبل مروري وتقيمي ياأبو حمدان .

( د . ح . ن ) ؟؟؟؟؟؟؟؟؟؟؟؟؟
هههههههههههههههههههههه
عز الله عرف لي زين ماعاد عندي غير الكومبيوتر أتسلى فيه

صح بدنك يابو شمووووخ وبيض الله وجهك يابن عمتي العزيز
مرورك أثلج صدري لاهنت

وابو سمير راعي العلوم الغانمه والصديق الذي تضعه على يمينك في الطرقه

مشكور يابو شموخ على المرور العذب

تسلم يمناك ولا عدمناك

ياسلام ياسلام يابو حمدان


عزالله وصف جميل ذكرتني برحلة عنبجه،،

صح لسانك شاعر وشهادتي فشرواك مجروحه

ونفس قديم وبحر له ايقاعه الخاص


تحية طيبة

	المشاركة الأصلية كتبت بواسطة أبو حمدان

	تهيضت قريحتي لهذا الموقف وهذه الأجواء الجميلة بهذه المتواضعة التي أضعها بين أيديكم أرجو أن تنال إستحسانكم وذائقتكم : [poem=font=",6,indigo,bold,normal" bkcolor="transparent" bkimage="http://www.hothle.com/vb/mwaextraedit4/backgrounds/20.gif" border="none,4," type=3 line=1 align=center use=ex num="0,black""] الله على المسفار ... مع وقت الأسحار ... واصبح وانا في دار، بالخير ممطور= نعطي لنا مع دو .... يصفى لنا الجو ..... من قبل يبدي الضو ، ويشع بالنور= نمشي مع الأصباح ...والنور ماباح .... نعطي مع الصحصاح ، والدرب مخبور= في موتراً جذاب ... في لوحته ( س ا ب) ...نظيف ماينعاب ، هيكل وماطور= من وارد اليابان ... بالحيل فسقان .... يقفز مع الوديان ، راضي ومجبور= مصيون فيه الزين .... ياقرة العين ..... وإن عشقوه إثنين ، يصير مطيور= صحرا الفلا وإن فز .... يقزها قز ....يطوي الخلا في حز ، ماهو بفرفور= الطيب كله فيه .... من طيب راعيه .....للمرجلة شاريه ، بالعز مذكور = ظفراً عن المقناص ... ماهو بحواص .... سريع في المقحاص ، بالخير مشهور= يرخص له الغالي ....كريم السبالي ....سلمت ياخالي ، من الهم والجور= رح فك كبوته .... وغير زيوته ..... وإليا صفى صوته ، مجمل ومشكور= شدوا عليه الفجر .... مع دنّت النجر .... يوم الردي في الحجر ، ثاوي ومدمور= ونادوا على أهل الكار ...شبابة النار .... من نقوة الأخيار ، والعرف والشور= ربعاً لهم في الطيب .... عزم وتجاريب .... مايقربون العيب ,والغدر والبور= ثم أخرطوا المزيوت ..... واعبوا له القوت ..... اللي لهبها موت , غالي ومحظور= ثم اذكروا الرحمن .... ياطُلْق الإيمان ....وسيروا على برهان ، عجلين وصقور= صوب الحيا اللي طاح .... من بارقاً لاح .... والسيل دوبه ساح ،والنو مزبور= داراً سقاها السيل .... مع طلعة اسهيل .... جاها بنص الليل ، ساري ومامور = أنبت شجرها ....ثم ملاّ خُبرها .... وانبت ثمرها، به نواوير وزهور= ردت بخير وجود .... ثم أخضر العود .... وطابت نسيم النود ، والهم مقبور= ولاح فيها الصيد .... يدرج مع الحيد ..... وليا مشى بالتيد ، والريش منثور= زانت مرابيعه .... بحسن الطبيعه ..... تغني مراميعه , عن أموال وقصور= نبعد عن الأنذال .... عبّادة المال ....أصحاب قيل وقال ، واللف والدور= نقضي لنا ساعات .... ونسج سجات ....نبعد عن الصجات , ومحابس الدُور= هذي طراة الروح .... قدام لاتروح .... فيها دوا المجروح ,وعلاج مكسور= ياوجد حالي ... ياثقات الرجالي ....الحظ بي مالي , تردى ومعثور = من أول في البر ..... نصبر على الحر .... مابين كر وفر , والحال مستور= عن النكد ساهين .... بالعز لاهين .... ياما قضينا سنين , وأيام وشهور= واليوم وضعي غير .....لو إني بخير .... كني سوات الطير ,محبوس مقهور= دايم وأنا مشغول .... بالعرض والطول .... حالي غدا معلول , والقلب مسعور= وإليا طروا المدهال.... جاوبت بالحال .... قلبي على ولوال , للمشي مسرور= نساير الأيام .... ونقول قدام .... مادامت الأقدام , والساق مجبور= نبحث عن الأفراح .... لو العمر راح .... والآدمي وإن طاح , فالقبر محفور= واختامها ياناس .... دره من الماس .... وموثقه بالساس , لاوي بها السور= صلوا على المختار .... شفيع الأبرار .... في يوم مابه غار , محشار ونشور=[/poem] وسلامتكم

الله الله الله

إبداع وتمكن وجزالة غير مستغربة يا ابو حمدان

صح لسانك

صح لسانك
وبيض الله وجهك
تقبل مروري