يجوز قتله

[ماطر السويدي]

سلام من عرف العرب ماتعدوه=ماتجهل العراف نقضه وفتله
ماغر من منهاج خاله ولا ابوه=متسلسل الانساب ماضيع اصله
شاعر ليا اقبل فز ربعه وحيوه=من هيبته اهل النفاق انثنت له
وانكان موالي على الضيق حدوه=ماني معامل كل جاهل بجهله
اللي على دربي من الحقد حطوه=يبغون تأخيري ويبغون قتله
كم حاجز العراف مثلي تخطوه=لوكان يشعل نار ماتلتفت له
اللي هله باسم المواليد سموه=هذاك مثل الطفل والطفل مثله
حطوه في درب المنايا وكبوه=ختال لكن تعرف الناس ختله
ان طاح صبوا له من المهل واسقوه=وان قام بلهان العرب صفقت له
مربوط في شجره عظيمه وفكوه=ان جاء رقد وان راح مادورت له
مشبوه واللي دله الدرب مشبوه=لوهو شريف اهل الشرف وقفت له
خلوه في نوم الجهل لاتصحوه=ولياصحى يلقى السنين اثبتت له
انه خلق معتوه ويموت معتوه=وانه كثير من النعم ناقصة له
سمع(ن) وشوف وعقل واحساس ذلوه=وافكار ترخي هامته وارتخت له
لاشك هذا صنف مبغض ومكروه=يجوز تعفي عنه ويجوز قتله

صح لسانك يا ابو سامي على هذة

وتوقفت كثيراً عند سطر البيت
ان طاح صبواله من المهل واسقوه
لك الشكر وجزيل الاحترام