سالم

	المشاركة الأصلية كتبت بواسطة خالد الحجي

	للتواصل مع قلوبكم الطيبه وسامحو ان بدا قصور الطير (سالم ) مرسولي بعد ان تعرضت لعارض ومن الله علي بالشفاء,,,,,,, وَد الخبر ياطير يا (سالم ) الريش .. وقلّه تراي بخير لايهمه الشاش. واني على الطاعات لاروّح الجيش .. أول بتوع ٍ في غرامه ونهّاش . ويمكن أطيح بيوم وآقوم وآعيش .. وغيري يطيح وقومته تطلب إنعاش. واني معلم للجروح المخاديش .. وتحت المصايب أطرب ل(صوت رشّاش). واني على خبزة غلاته مع العيش .. اصلب عظامي للمحبين ببلاش . وإني عزيز وعزتي ماهي اب(فيش).. (إ)يجوز نزعه لو تعثرت ب(الكاش) واللي يضم صويحبك ل (الدراويش).. يالله عساي آضمنه بين الأوباش. وَدّ الخبر ياطير وهات المطاريش .. للي غرامه داخل الروح نباش . اني على طرياه ل الموت والعيش .. واني على ذكراه ل اليوم معتاش . ابوعيون ٍ سود هدب ً مراييش.. آصونها والله ولا نيب غشاش . واعلى جبينه غرة ٍ مابها ميش .. والخد ياضي تحتها كنه (افلاش). غرو ٍ صغير ً لاهي ٍ بأول الطيش .. بالسن وإلا با لعقل ما بها اطياش. وين الخبر ياطير ؟ حتاش ؟ وحت ايش ؟ طال انتظاري وانقطع رابط الجاش . خالد الحجي (خالدها)

صح لسانك حتى ترضى
كفو وبيض الله وجهك

شاعر ومتمكن ليس بغريب عليك هذا الابداع

امتعتنا بهذه القصيده لله درك

خالدها اسجل اعجابي

لا تحرمنا من جديدك

تقبل مروري

صح لسانك خالدها

اعجبني هذا البيت

ويمكن أطيح بيوم وآقوم وآعيش ..
وغيري يطيح وقومته تطلب إنعاش.

والنعم بك وبما قلت

تقبل مروري

	المشاركة الأصلية كتبت بواسطة قرناس بني ياس

	صح لسانك حتى ترضى كفو وبيض الله وجهك شاعر ومتمكن ليس بغريب عليك هذا الابداع امتعتنا بهذه القصيده لله درك خالدها اسجل اعجابي لا تحرمنا من جديدك تقبل مروري

اعجز عن شكرك فاضلي
اعتز بك
وكل ماقلته
وسام شرف ومصدر سعاده لي
لاحرمت اياااك