اهل الرياض

اهل الرياض

عسى جاكم مطر ياهل الرياض من السحاب اعصير
انا شـــايف عليكم جاهز(ن) مــابات بــراقـــــــــه

بغيت اسري ولا اصبح غير في درب المطر والخير
انا عيني علــــى شـــوف المـــطر بالحيل مشتاقه

ركز مزنه وحدر واقتــــفاه مــن الـــهوى معصير
من الغربي تسوقه حــــــــــايت(ن) للخير سباقه

تقفاه الهوى وامطر بدبرة والي الــــتدبــــــــــــير
بحكم الوالي الي لاثقه من غير ميــــــــــــثاقـــه

سقى الدار السنيه وارجع المسني وشرب الطـير
شرب من سيل عبله له سنين اطوال مــــــاذاقه

وانا لو جيت اعبر عن شعوري يعجز التعبـــــير
ولو اكتب عجز عنه القلم باالــحبر واوراقـــــه

الي نضره بعيده صادره من مــــركز التصــدير
ويدفعها دوافع من عروق القلب واعــــــــماقه

افكر قبل مااقع في الخطا من يوم كنت اصغير
واسيرها بحكمت فكر ماقع واعقب الــــساقــه

هذا مااقول والدنيا ماهي شحمة ســــنام ابعـير
لها معبر فلك واذا زرق ياسرع مزرافــــــــه

تنحرها الغشيم وقال جعل الي يسير يسير
وطاح ولاعرف مقدارها الى من كسر ساقه

هذا مابان للعاقل من الغاوي وغـــير وغــير
وعلم(ن) مندرق ماني بناشد وين مـــــدراقه

اباقرر موازين الشعر في صفحته تـــــــقرير
وبرفع له علم مابين نقاده وعشاقــــــــــــه

دخل فوقه مداخيل(ن)يبا في علمها تفكير
هبق هبقة غشيم(ن)طاح له في ناس هباقه

نبا نرفع مقامه عن مدمر حالته تدمير
وترجع صحته ونعيدها ونعوق من عاقه