غيبي غيابك ساحة إعدام الأرواح

[poem=font=",6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
وسط الضجيج اغيابك أنثر بي سكات =بستجمعه واسطره لك قصيدة
واسرح معك انتي لحالك وبالذات =سرحات من يبكي لفرقى الفقيدة
من زود همي صار له فيني آيات=دمع(ن) هدب عيني يمثل بريده
عطر الحنين اللي مع غيبتك فاح=وصمت الظلام اللي غشى هالمدينة
وصر الهبوب اللي تحداه ملاح=والشوق موج(ن) والملاقى سفينة
وكف القدر ما لان وإن لان ما طاح=راضي بقسواته وحالم بلينه
أبسألك بالله وشفيني ما صاح =وشفيني ما نادى ولا تسمعينه
أبسألك بالله وش باقي ما راح =خلفك وخلا بي بقايا ونينه
غيبي ... غيابك ساحة إعدام الأرواح =وأنا مدان وبالوله معدمينه
في داخلي جثة فرح من زمن مات =بُعدك قتلها والجنازة بإيده
يا عظم الله أجرها تلك الأوقات=تلك التي قالوا لي عنها سعيدة
وليجبر الله خاطر(ن) عاش بشتات=ويلهمه عودة من تلم وتعيده[/poem]