يا أهل الكيف! تفضلو فنجال قهوة

	المشاركة الأصلية كتبت بواسطة الطرف الخجول

	مآشآء آلله مآشآء آلله آثآريكـ في آلمكشآت يآخآلي هع هع لي عودآت تسبيرآت بحول آلله فيض ودي وآعجآبي ~

هههههههههه

حركاتس ماتخلينها

ياحي النشميه الطربه ياحيها

في انتظار اطروحاتس

	المشاركة الأصلية كتبت بواسطة الرحال الهذلي

	وعليكم السلام ورحمة الله وبركاته حياك الله يا نواف الشمري موضوع يستحق التقييم وبيض الله وجهك احترامي لشحصك المبدع

ياحي العالمي بمتصفحي

والله اني استانس بتفاعلكم ياخوك

ووجهك ابيض يالشغموم

بعد حيي والله

في انتظار ابداعك هنا...!

	المشاركة الأصلية كتبت بواسطة بن عادي

	طرح راااااااااااااااااااائع وموضوع قمه فالروعه كل الشكر يانواف لي عوده قريباً

رورك وتواجدك الاروع يابعدي

والمتصفح متصفحك بأي وقت سير علاه

الله يحييك يانواف ويحي ماجبت

شرفت مجالس هذيل

وودنا بزياره لك نتشرف بشرواك من الرجال

ونعم فيك وفي شمر

بعدحيي

	المشاركة الأصلية كتبت بواسطة الهنوف الهذيل

	يا نديبي عمِّر النار لي سو ..... قم سو فنجالٍ ترا الراس خاوي .. السلام عليكــم ورحمـة الله وبركاتــه ،، العلوم الطيبة فالكم حديثنا اليوم عن القهوة العربية ومجالسها التي خرجت لنا رجال سطر التاريخ عظيم صنيعهم.. وقصة .. خمسة عشر فنجال لحنيف صبيت....لو أن بطنـه قربـة قـد ملاهـا واالكثير الكثير حكايات واشعار ستعرفونها هنا .. سم يمناك لاعدمناك كانت العرب تزجي فتيانها وصبيتها في مجالس القهوة العربية ليتعلموا الفصاحة والخطابة والشجاعة والكرم وما كان يجب عليهم تعلمه وما أن تشب ناراً للقهوة في مجلس حتى يتوافد رجال الحي وبرفقتهم أبناءهم وتجد كل رجال ذلك المجلس حريص على أن يكتسب الصغار مكارم الأخلاق وعلوم الرجال أصبحت القهوة اليوم تؤخذ في ستار بوكس وكافيه ويتجمع المتجمعون فيها على غير ما كانت العرب فغابت كثير من القيم وضاع الصبية إذ يستقون مراجلهم من القنوات وصحبة السوء سنتحدث عن سلفنا ومجالسهم ولكم الحكم مسميات القهوة للقهوة أسماء تشتهر بها بعضها نسبه إلى نوع البن وببعضها نسبه إلى طعمها ومن اشهر أسمائها ما يلي:- 1- الكيف : وهو من أشهر أسماء القهوة على الإطلاق ومعنى الكيف ارتياح البال وانشراح الصدر والتلذذ بشرب القهوة، ويقول الشاعر فيصل الشمري: زيّن لنا كيفٍ يونس هل الكار ،، كيفٍ ينومس للسهر والتعاليل 2- البـن : نسبه إلى المادة الرئيسية لصنع القهوة، يقول الشاعر فهد بن خربوش الشمري: بدوٍ تنفّد غالي البن تنفيد ،، بدلال وارفافٍ طويل ظلاله 3- المـر : نسبة إلى طعم القهوة المائل إلى المرارة، يقول الشيخ تركي بن حميد: قم يا محمد سـو حلـوٍ ومـرا ،، رسمٍ ليا جوك النشامى هل الكيف 4- البرية: نسبه إلى نوع من أنواع البن اليمني الجيد، يقول الشاعر إبراهيم بن جعيثن: أدني على بالي دلالٍ نظايف ،، وبريةٍ يطرب لها كل حمّاس 5- الشاذلية : اختلفوا في سبب التسمية فمنهم من يقول إنها نسبه إلى توع من أنواع البن اليمني الجيد ومنهم من يقول إنها نسبه إلى عمر الشاذلي وهو أول من شرب القهوة، يقول الشاعر شاهر الأصقة: شبيّت نارٍ ما هبوبه بالأكواس ،، وقرّبت محماسٍ به الشاذليـة 6- الطبخة : نسبه إلى طبخ القهوة على النار، تقول الشاعرة هيا بنت عيادة الحربي: عليك ياللي طبخته نصفها هيل ،، اللي سعى بالطيب من غير قوه : أدوات صنع القهوة : تتكون أدوات صنع القهوة لدي أبناء البادية من عدة أشياء يطلق عليها أسم المعاميل وهي مهمة لصنع القهوة، ولقد أنفردت الدلال دون غيرها من الأدوات بلقب المعاميل، يقول الشاعر عبد الله بن برعاش: القلب مع زين المعاميل مشقور،،ولو تصبر ساعةٍ ما صبرهـا ومن أدوات الأخرى لصنع القهوة ما يلي : 1- المحماس : وهو قرص اسطواني مجوف من الداخل لها يد طويلة لمسكها بها ومعها قضيب طويل نسبياً يسمى يد المحماس في رأسه نصف دائرة، ويستخدم المحماس لحمس وتحميص البن، ويصنع المحماس من الحديد السميك حتى لا يحترق البن أثناء الحمس، ويعتبر المحماس المصنوع من الحديد الرهيف عيباً من عيوب المحاميس، يقول الشاعر عبدالرحمن الرديعان: شفي ثلاث دلال هن والأواني ،، ومحماسةٍ للبن ما هي رهيفه ويفتخر أبناء البادية بأن يكون المحماس أسود اللون من النار ويعتبرونه من الكرم لأنه يدل على كثرة حمس البن فوق النار، يقول الشاعر شامان بن عمر الرشيدي: هذي فعول محرقين المحاميس،،كرام السبال محرقة كل محماس وقد أثر المحماس كثيراً في حياة أبناء البادية حتى أطلقوا على أبنائهم اسم ( محماس ) وذلك لفخرهم به ولم يكن الشعراء أقل حظاً منهم فقد أثر المحماس في أشعارهم حيث نجدهم يصفون همومهم وضيقة خاطرهم وانشغال بالهم بالبن الذي يقلب على المحماس، يقول الشاعر محمد أبو دباس: يا حمس قلبي حمس بنٍ بمحماس،،ويا هشم حالي هشمها بالنقيـره ويعتبر حمس البن تفريجا للهموم وضيقة الصدر لدى أبناء البادية، يقول الشاعر سليمان بن شريم: لا دك في قلبي من الهم هوجاس،،حطيت فوق النار زين المحاميس 2- النجر ( الهاون ) : وهو على شكل اسطواني مجوف من الداخل له يد عبارة عن قضيب في رآسة الأسفل كالكورة المدببة، ويستخدم النجر ( الهاون ) لدق البن والبهارات، ويصنع النجر ( الهاون ) من النحاس، ويعتبر دق النجر فناً قائم بحد ذاته وله صوت رنان بإيقاعات مختلفة يجذب السامعين ويدعوهم لشرب القهوة وتختلف دقات النجر من شخص إلى آخر لانه فن قليلاٍ من يتقنه، يقول الشاعر سعد بن قطنان السبيعي: نجرٍ ليا حـرّك تزايـد عبـاره،،يا زين حسّه بين عوج الدواوير وهناك أنواع من النجر ( الهاون ) مصنوعة من الحجر أو الخشب يسمي ( النقيرة ) ليس له صوت، يقول الشاعر سعد بن مناور الدهمشي : هذي يلقّمها والأخرى على النار،،والثالثة كبّـه بعيـن النقيـرة ويقسم أبناء البادية دق النجر إلى : أ-التثليثة : وهو ثلاث دقات في كل مرة مرتين ثقيلة في وسط النجر ومرة خفيفة في طرف النجر ب- التربيعة : وهو أربع دقات في كل مرة ثلاث ثقيلة وسط النجر ومرة خفيفة في طرف النجر ج- التخميسة : وهو خمس دقات في كل مرة أربع ثقيلة وسط النجر ومرة خفيفة في طرف النجر يقول الشاعر أحمد الحماد: أثر دق النجر الأول للبعيد،،دقتيـن دقتيـن بالعـدال وقد أثر النجر ( الهاون ) كثيراً في حياة أبناء البادية حتى أطلقوا على أبنائهم أسم ( نجر ) وذلك لفخرهم به ولم يكن الشعراء أقل حظاً منهم فقد أثر النجر ( الهاون ) في أشعارهم حيث نجدهم يصفون همومهم وضيقة خاطرهم وانشغال بالهم بالبن الذي يقلب على المحماس. 3- المبرد : وهو أداه محفور من الداخل بشكل انسيابي واسع، مكشوف ومفتوح من الخلف ومغلق من أعلاه من الأمام وضيق، ويستخدم لتبريد البن بعد حمسه وقبل دقه في النجر ( الهاون ) ويصنع المبرد من الخشب، يقول الشاعر حويدي العاصمي القحطاني: ليا قلّط المبراد يأتيك بمـلاه،،ما قال ريّض يلحقه كل تالي 4- الدلال : تصنع من النحاس الأحمر والأصفر وتوضع أمام الضيوف بالقرب من الوجار وهي رمز للكرم والجود لدى أبناء البادية، وهي عدة أنواع حسب مكان صنعها ومنها: أ- الرسلان : تعتبر من أجود الدلال وهي صناعة سورية، يقول الشاعر محمد البازعي: يا فهيد قرّب معاميل رسلان للنار،،إحمـس بهـن وكثّـر بـهـاره ب- البغدادية : جيدة الصنع وهي صناعة بغدادية لونها فضي ولها أربعة أحجام وشكل يختلف عن الرسلان، يقول الشاعر سالم بن عيد: يا مقلّـط الـدلال البغاديـد،،وبهارهن هنديٍ خالطٍ له زباد ج- القرشية : وهي تصنع بمكة المكرمة نسبة إلى قبيلة قريش، يقول الشاعر سليم عبد الحي: في دلةٍ مثعوبها كنه الفاسق،،رشيةٍ ما قابلوها الدلاليس د- الحساوية : وهي مصنوعة بمنطقة الاحساء. [ أوقات شبة النار لتصليح القهوة ] كانوا يشعلون النار لعمل القهوة بحسب أحوالهم ومشاغلهم فمنهم من يشعلها في الصباح الباكر حيث يقول أحدهم في ذلك : يا زين شبتها على شقة النور .... يوضي على وجيه النشامى سفرها ومنهم من يحب شبة النار بالليل : كما قال شاعرهم : الله على الفنجال مع هجعة الناس ..... بدلال نار ما يبطل سناها وقال آخر : لا جا العشا شبيت نار المناره .... وادنيت ما حسه يجذب المسايير ومنهم من يحب شبة النار للقهوة وقت الضحى حيث قال أحدهم : فنجال خطو الغشمري يشرح البال ...... وقت الضحى لا قربت حومة الطير ومنهم من يحبها قبل الفجر تالي الليل كما قال أحدهم : يا ما حلا فنجال بيض بغاديد ..... قبل صلاة الصبح والوقت ما فات ومنهم من يحبها مع طلعة الشمس كما قال شاعرهم : نار لها مع طلعة الشمس نيره .... ليا شافها العمسان عقب العمى فز ومنهم من يحبها بعد الظهر كما قال أحدهم : فنجال عقب الظهر ما له مثيلي .... يغدي عن المهموم كثر النوابير والعرب يشبون النار لعمل القهوة من أجل السوالف والأشعار وتناقل الأخبار كما قال أحدهم : عندي لكم فنجال وقناده الهيل .... وسوالف تطرب فؤاد الحزينِ يا زين هرجتهم ليا خوَّع الليل ..... شيطانهم غايب وهم حاضرينِ وطبعاً ماأنســـى هـــذه الاضـــافه: وهــي لتــركــي بن حميد. ياما حلا يا عيد في وقت الأسحار ،، جر الفراش وشب ضو المنـاره مع دلة تجذا على صالـي النـار ،، ونجر ليا حـرك تزايـد عبـاره النجر دق وجـاذب كـل مـرار ،، ما لفه الملفوف من دون جـاره في ربعة ما هي تحجب عن الجار ،، لامن ولد اللاش ما شـب نـاره وأخير منها ركعتيـن بالأسحـار ،، لا طاب نوم اللي حياته خسـاره

أختي الهنوف

اضافه قويه واثراء للموضوع

اشكرك ع هكذا حضور راهي وارف الجمال

لاسيما ان هناك بعض المعلومات اللتي اوردتيها قد تكون جديده ع البعض

شكرا لك من اعماق قلبي ع هذه الاضافه الجميله

	المشاركة الأصلية كتبت بواسطة الحـــميا

	الله يحييك يانواف ويحي ماجبت شرفت مجالس هذيل وودنا بزياره لك نتشرف بشرواك من الرجال ونعم فيك وفي شمر بعدحيي

الك البقا يالشغموم

وانا بعد تشرفت بحضوري عندكم

ولي الشرف بزيارتكم لي وحياكم بأي وقت حايل كلها لكم شبر شبر يابعدي

يا هلا مليون و اكثر من نسيم اصبح هواه
يعانق الاطايف مشرق و ممطر ن فيه الغمام

يا هلا بمنهم لفونا و كل حاضر له غلاه
زاد نبض الحب فينا و للصدور اكبر وسام

يا هلا ..يا ..مسهلا كل ترحيب احتواه
و الله.. اكبر من كذا ترحيبنا برد و سلام

لكم قدر ن بالمشاعر بالبشر محدن علاه
و انتو اهل ن للمحبة و القدر و الاحترام

احضوركم غالي علينا و اغلى من عاش الحياة
مشرق ن فينا غلاكم و فيكم احنا ما نلام

أشكرك ياولد شمر على هذا الموضوع المتمييز ..



هذه قصيد للشاعر الكبير
مرير بن عبد المحسن الحبيل العتيبي

وهي جزء وصف الكيف من قصيده أطول من هذه.





مـن نـشد عن كيف رأسي ويـش طـبه = قـلـت بـن كنــه علاج أسـتشاري


أزهم اللي ينتبه للعـــلم لبه = للعـشاء ينـشاف في عينـه مواري


قم وحــط من الحطب فـ النار شبه = كوم سمر مشتــريه مـن اللواري


هات كومن وأحذفه داخـل مشـبه = من خـليع جمعــوه من الصـحاري


لارمـيت الكوم بالكبريت شبه = شبته تـبري عن الكبد الحـساري


جـهز دلالك وماك الحلو عــبه = وحط من بن اليمن كب الهــراري


وأحمس اللي خـل بالـك يـم حـبه = والحذاري تحرق البــن الحذاري


لـستوا في وصـفه اللي ينـظربه = دق نجر الكيف جــذاب الســواري


لاسحنته لـقـمه داخل مـصـبه = وجح جــمرا للدلال وللغواري


وأحكر اللي مانلحـقها مسـبه = وفـج بابك مـثل ماقال المطاري


وعـد فنجـال علي وألـدك صـبه = عـد رأسي عقب ذا الفنجـال باري


وأن حكرته هاتلي خشــمك أحبه = تسـتحق اللي يحزمك السـواري




هذا ولكم فائق احترامي وتقديري

وهذي القصيده الكامله لي البيتين اللي في توقيعي وهى تصف الطير ..


للشاعر //عبدالله بن نايف بن عون

ياطيـر ماحـدك نصيبـك علـى خـيـر=وراك مسجـونـاً بـوسـط الـغـمـااره
حسبي على اللـي عـزّرو فيـك تعزيـر=تكفـخ ويـصـلاك الحـديـد بـحـراره
فـي موتـرن مـال الولـع فيـه تأثيـر=تكسـي اجـارن مايـعـرف الا اجــاره
حشّـرة وحـوش البـر حتـى العصافيـر=مـن يـوم دوّر مـن وراهــا تـجـاره
مال الغشيـم مـن الولـع غيـر تدميـر=دايـم عمـاره صـايـراً فــي دمــاره
ياناقليـن الطيـر مـن غـيـر تبصـيـر=حصيلكـم مـنـه التـعـب والخـسـاره
اوفوا حقـوق الطيـر ولا اتـرك الطيـر=لا تظلمـونـه يـاجــداد الـصـقـاره
خـلـوه لمحـمـد عشـيـر المناعـيـر=اللـي اليـا شالـه يـعـرف اعتـبـاره
مقـدم هـواة الصيـد مـن تـوه صغيـر=مـن خلقتـه يعطـي علـيـه البـشـاره
يعطيـه حقـه فـي لـيـال المخاظـيـر=اليـا بكـر الوسمـي ولجلـج خـضـاره
قـدام يظهـر فــي نبـاتـه نـواويـر=ينصـاه لــو انــه بعـيـداً مــزاره
مايمنـعـه دونـــه ردي الاشـاويــر=فـي نـجـد ولا نـازحـات(ن) ديــاره
الطيـر يبغـي لــه عنـايـه وتدبـيـر=رجـل(ن) يعـرف اهانتـه مـن وقــاره
هـذاك ابوتركـي زبــون المخاسـيـر=سمـح الحجـاج اللـي يـذري جــداره
يـفـزع لمحـتـاج ويـكـرم مسايـيـر=وغيثـاً علـى مـن يستجيـر بـجـواره
من جـاه يشكـي مـن الوقـت تقصيـر=مظـهـود ولا مستـجـيـراً اجـــاره
ويطرب لنقـل مصخـر الخـرب تصخيـر=واطلاقـة المسـبـاق شـفـه وكــاره
وينومسـه فعـل الـفـروخ المغاتـيـر=ومـن كـل قرنـاسـاً تخـيّـر خـيـاره
هـذا يخـل الريـش مثـل المعاصـيـر=وهـذا يشوقـه لاحجـل فــي طـيـاره
كـم ماقـع(ن) قفـر(ن) جهملـه بتبكيـر=واثعـى بصيـده حيـن يشـرق نـهـاره
وان جا الضحى الضاحي وجت حومة الطير=حـوّل بـروض(ن) فـي مفيضـه قـراره
وصكوا عليـه اهـل الوجيـه المسافيـر=والقهـوجـي قدامـهـم شــب نــاره
واستانسـوا فـي جـو مافيـه تكـديـر=ودارت سوالفـهـم عـنـاد وعـيــاره
واخـذوا لهـم مقـدار ساعـات لاغـيـر=ليـن الهـوا يسكـن ويـركـد غـبـاره
ثـم روحـوا بيـن الصلاتيـن وعصيـر=الشيـخ فــك سـبـوق طـيـره واداره
مستبشـراً بالخيـر والصـيـد مـاذيـر=والطـيـر صـقـاره يـحـب اختـبـاره
واشـرف عـل جـواً خضـاره دواويـر=فيـه الخـزامـى والنـفـل والشـقـاره
واخـذ عـن اللـي عادتـه تلـة السيـر=مـا يلتفـت راعيـه يسـبـر شـنـاره
غلاص طلعاً لـه علـى الصـدق تبريـر=ياخـذ علـى الجـو البعـيـد انـحـداره
حـول علـى جولـن تقـافـى مدابـيـر=زرق النحـور اللـي عليـهـا الــدواره
الطايـره يـرسـل عليـهـا مشاهـيـر=مثـل الجـهـاز الـلـي بتوجـيـه اداره
والدارجـه يـرسـل عليـهـا جـزازيـر=كـل افدعـاً مـع قـو ظربـه شـطـاره
يفـرا نحرهـا فريـة الدلـو فـي البيـر=تلقـى الفـؤاد مظهـره مــن سـتـاره
فـي وقتـهـا ينـسـى وداد الغنـاديـر=وينسـى جميـع معـامـلات الــوزاره
هـذي حقـوق الطيـر ياظالـم الطـيـر=ماهـو ب حقـه سجنتـه فـي الغمـاره

الله الله يالمطرفي

مرير العتيبي وبن عون هامات شعريه ومدارس مستقله

قمة العذوبه يالمطرفي

والا بنشدك تعرف الشاعر/ سعود المطرفي؟

.ياما حلا المكشات في مربع سال
.بأرض دماث والعشوب انبتت به.
.سقاه نوا بأول الوسم شعال
.تقدح ابروقة والرعود أرعدت به
..نصبة تفدق كن مقدامة اجبال
.يسحب اقنوفة وألطها حوطتبه
..يشبة كما ذود على جال منهال
.حس المدوه بان يوم أوردت به
..ينقاد بمر الرب علام الأحوال.
سقى مناطق نجد واستبشرت به
..لكن هملوله الى صب شلال
.وديانها واشعابها حولت به.
.وعلة من العارض الى الحد هطال
.يسقي لنا دار الدهور أجدبت به..
قفر خلا ماتاصله بعض الازوال
.واهل الثمامة ما بعد دوجت به
..ولازاحمك فيها تكاسي وعمال
.واهل التجمهر مابعد فحطتبة
..والعرق سالم ماختلف فية مرمال
.والي على الترهيم ماطعستبة.
.نركب على الي لامشى بشهب الال
.كم واحداً صعب الدروب اقطعتبه
..جيب شراه القرم من غالي المال.
تفداه من في دورها شخصتبه.
.ويفداه مال اهل المفاخر والأنذال
.الي لجل جمع الذهب ساهمتبه
..تنقل سوالفنا جهازات الارسال
.واناتل ياربعنا ركبتبه
..ياسعد ابن رشد جلا ضيقت البال
.ويزيل عن قلب العنا مالجت به
..ياما حلا والطير بالروض يختال
.صوت ام سالم زان يوم العبتبه
..فية الزهر متفتح الوان واشكال.
سبحان رب بالخفى سبحت به
..روض ورى شوية من الشرق واشمال
.يازين جو ياسعد عطبتبه.
.ريضانها لاشافها الرجل يهتال.
ريانتن ماكن قوم وطتبه.
.لأهب نسناس الهوى عشبها مال
.يازين جو صافيً عطرتبة
..خدة لربعي يابيض الوجه مدهال
.وياما حلا وضحى لربعي رعتبه
..ونشب نار شافها كل هشال
.يازينها فالليل لاسرجت به.
.في جنبها صفت معاميل وادلال
.ويديرها قرم افعوله ظرتبه
..ويكمل المسفار خوت هل الطال
.الكل نفسة لرفيعة رقتبه.
.لطيب سباق ولصعب حلال.
قرم مداغيش النشاما حكتبه
..منسل رجال الطيب ماضين الافعال
.الي هل النمات ماعذربتبه.
.الكل منهم ساعة الضيق رجال
.والحاجة الي ماش ماطوحتبة..
لاهوب نقاد ولاهوب زعال.
زلت رفيقة لاغلط ماسرتبة.
.على النقا ومعرب العم والخال
.هاز المراجل والشيم هذبتبه
..هذا الرفيق الي مسافيرة اطوال.
يبعد مارميعة ولا قربتبة.
.ماقال وشلي ياولد بالخلال الخال
.لابعد وصل لنساح مابعدتبة
..هذا منات النفس كان العمر طال.
وهذاهوى بالي وما هوجست به.
.ولاهمني لايم ولاخفت عذال
.وانفس هرج الاش مافكرت به
..واختامها صلوا عد رمل الاسهال.
على محمد خير ماختمة به.

	المشاركة الأصلية كتبت بواسطة نواف الشمري

	.ياما حلا المكشات في مربع سال .بأرض دماث والعشوب انبتت به. .سقاه نوا بأول الوسم شعال .تقدح ابروقة والرعود أرعدت به ..نصبة تفدق كن مقدامة اجبال .يسحب اقنوفة وألطها حوطتبه ..يشبة كما ذود على جال منهال .حس المدوه بان يوم أوردت به ..ينقاد بمر الرب علام الأحوال. سقى مناطق نجد واستبشرت به ..لكن هملوله الى صب شلال .وديانها واشعابها حولت به. .وعلة من العارض الى الحد هطال .يسقي لنا دار الدهور أجدبت به.. قفر خلا ماتاصله بعض الازوال .واهل الثمامة ما بعد دوجت به ..ولازاحمك فيها تكاسي وعمال .واهل التجمهر مابعد فحطتبة ..والعرق سالم ماختلف فية مرمال .والي على الترهيم ماطعستبة. .نركب على الي لامشى بشهب الال .كم واحداً صعب الدروب اقطعتبه ..جيب شراه القرم من غالي المال. تفداه من في دورها شخصتبه. .ويفداه مال اهل المفاخر والأنذال .الي لجل جمع الذهب ساهمتبه ..تنقل سوالفنا جهازات الارسال .واناتل ياربعنا ركبتبه ..ياسعد ابن رشد جلا ضيقت البال .ويزيل عن قلب العنا مالجت به ..ياما حلا والطير بالروض يختال .صوت ام سالم زان يوم العبتبه ..فية الزهر متفتح الوان واشكال. سبحان رب بالخفى سبحت به ..روض ورى شوية من الشرق واشمال .يازين جو ياسعد عطبتبه. .ريضانها لاشافها الرجل يهتال. ريانتن ماكن قوم وطتبه. .لأهب نسناس الهوى عشبها مال .يازين جو صافيً عطرتبة ..خدة لربعي يابيض الوجه مدهال .وياما حلا وضحى لربعي رعتبه ..ونشب نار شافها كل هشال .يازينها فالليل لاسرجت به. .في جنبها صفت معاميل وادلال .ويديرها قرم افعوله ظرتبه ..ويكمل المسفار خوت هل الطال .الكل نفسة لرفيعة رقتبه. .لطيب سباق ولصعب حلال. قرم مداغيش النشاما حكتبه ..منسل رجال الطيب ماضين الافعال .الي هل النمات ماعذربتبه. .الكل منهم ساعة الضيق رجال .والحاجة الي ماش ماطوحتبة.. لاهوب نقاد ولاهوب زعال. زلت رفيقة لاغلط ماسرتبة. .على النقا ومعرب العم والخال .هاز المراجل والشيم هذبتبه ..هذا الرفيق الي مسافيرة اطوال. يبعد مارميعة ولا قربتبة. .ماقال وشلي ياولد بالخلال الخال .لابعد وصل لنساح مابعدتبة ..هذا منات النفس كان العمر طال. وهذاهوى بالي وما هوجست به. .ولاهمني لايم ولاخفت عذال .وانفس هرج الاش مافكرت به ..واختامها صلوا عد رمل الاسهال. على محمد خير ماختمة به.

بعدي يانواف الشمري وين هاذي الديار 0 روووووووووعه والتياع تجلي من الخاطر هموم واوجاع 0 احب هد الطير والطرش منداع 0 والياء حصل طرد الحباري مع القاع 0 والله مالوم اللي يصوع الذهب صوع 0 الأبيات لشاعر مطيري 0 سلمت يانواف وعشت تحياتي 0

الله يطول عمرك . وموضوع رائع ويستحق المرور والأشاده

الله يبيض وجيهكم يا أهل الشاذلية






احترامي للجميع

	المشاركة الأصلية كتبت بواسطة نواف الشمري

	الله الله يالمطرفي مرير العتيبي وبن عون هامات شعريه ومدارس مستقله قمة العذوبه يالمطرفي والا بنشدك تعرف الشاعر/ سعود المطرفي؟

ونعم فيك وفيه بس ماأعرفه ...

مابغيت أرد بدون ماأنقلكم رائعة أخرى من روائع ابن عون

--------------------------------------------------------------------------------

ياطير عقبي كـن خاطـرك شايـن
خاطرك شين وغيبتي عنك يوميـن

النقـص فيـك مبيّـن لـه بوايـن
في لمعة الريشه وفي ناظر العيـن

ياطيـر انـا ويّـاك كنـا خـدايـن
وبيني وبينك ولف ومعامـل ٍ زيـن

يوم انتخاوى مع وجيـه الضعايـن
ونهمل سبوقك في مناكب خسيريـن

وألا شمـال الهضبتيـن القـرايـن
شرقي طلال ومن سواحيق ويميـن

وألا عطيـنـا سـكـة التابـلايـن
ولا قد عطيناهـا عليهـا حراذيـن

نصبح على طارات شهب المكايـن
بـيـن العراقيـيـن والاردنيـيـن

في خايعن بـه كـن عينـي تعايـن
ربد الحباري به على اربع وثنتيـن

ونأخـذ لنـا ايـام بذيـك الدفايـن
مابين برقـع والغـدف والبسيتيـن

ونكسر على ماينحدر مـن ضوايـن
ونأخذ هناك اسبـوع والا سبوعيـن

وننكف نشاط وسالميـن الصخايـن
ولو كان نتعب عندنـا مستريحيـن

قـدّام يطلـع للصـقـاره زبـايـن
ناس تحوش القوبعه بـام روحيـن

ليـا روحـو بمشحنـات الخزايـن
مافـي نحاهـم ذوقـوه الامـريـن

واليـوم مابينـي وبينـك مـدايـن
انا سعودي وانت جاين من الصيـن

وان مالقينـا للحـبـاري عـوايـن
ولا توادعـنـا وداع المحـبـيـن

الوقـت ماتاليـه معـنـا بـزايـن
والبر في حادور من حيـن لاحيـن

ادنـاه ملـيـان كراتـيـن فـايـن
واقصاه ضاق وضيقوا به هل الضين

وضاقت مناهـج طيبيـن الضغايـن
اللي على المقناص بالطير ضاريـن

واليوم كان اللـي يحاكيـك مايـن
هذي سبوقك وانتهـض بالجناحيـن

وهاجر مهاجر مبحـرات السفايـن
للصين والا اهبط على ضلع قزوين

لو كـان عنـدي مافراقـك بهايـن
حنا عـزاز ولا نهيـن العزيزيـن

خلك تـروح ولا تشـوف الغبايـن
شاملك عفوِِ مثل عفـو المساجيـن