فكرة برج المليون رد .............!!!

لَا تَدْعُوا عَلَى أَنْفُسِكُمْ
عَنْ جَابِرِ بْنِ عَبْدِ اللَّهِ رَضِيَ الله عَنْهُ قَالَ
: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:

"لَا تَدْعُوا عَلَى أَنْفُسِكُمْ وَلَا تَدْعُوا عَلَى أَوْلَادِكُمْ وَلَا تَدْعُوا عَلَى خَدَمِكُمْ وَلَا تَدْعُوا عَلَى أَمْوَالِكُمْ لَا تُوَافِقُوا مِنْ اللَّهِ تَبَارَكَ وَتَعَالَى سَاعَةَ نَيْلٍ فِيهَا عَطَاءٌ فَيَسْتَجِيبَ لَكُمْ". أخرجه أبو داود (2/88 ، رقم 1532) ، وصححه الألباني (صحيح أبي داود ، رقم 1532).



هذه قصة واقعية كما تسردها صاحبتها ,,,



اقتباس:
السلام عليكم ورحمة الله وبركاته
حكايتي تعرفونها من قبل واللي ما يعرفها يشوف مواضيعي السابقة عشان يقدر يعطيني رأيه.
للأسف في مرة من المرات أكتشفت مع زوجي شريحة وتناقشنا وعصبت لمن أكتشفت خيانته حتى بالمكالمات. وساعتها دعيت من كل قلبي عليه وقلت "اللي بلاني بهذا الهم والغم وحرمني النوم الله يجعله بعله مالها دواء , والله يشغله بنفسه "
تخيلو أقسم بالله واللي يفقدني عافيتي من بعدها صدع لمدة 3 أيام وصارت تجيه دوخه وتعب وقلق في النوم وبعض الاحيان يتعب فجأة واتصل على أخواني أو أخوانه عشان يودوه المستشفى
ترك أصحابه ماعاد يقدر يسهر زي أول. وغيابه عن العمل صار كثير لدرجة خفنا يفقد الوظيفة. كان مدرب في النادي وترك نشاطة بسبة التعب اللي يجيه فجأه راح سوا تحاليل قالوا عندك خلل هرمني علاجه مدى الحياه تلخبطت حياتنا .فقد المتعه في كل شي وقبل أسبوعين قالي انه صار يدعي على نفسه بالموت يقول طفشت من الوضع أصحى وأنام وأنا بس أفكر اش فيني! ليه اتعب كذا! ما أحل مشكلة صحيه إلا وتجي غيرها! وقالها بصريح العبارة (كلها منك من بعد ما دعيتي عليه ما شفت خير..وحتى دعوتك "الله يشغله بنفسه" أول مرة اسمعها في حياتي ..والله كل ما يزيد عليه التعب اتذكرها )
أنا حسيت بالذنب وكل مرة احس انه محتاج لنشاطة وصحته عشان عيالنا الصغار انقهر اكثر واكثر انحرمنا تقريبا من كل التماشي والخرجات والمطاعم وحتى السوق بالقوة عشان مرضة
احزن بالمرة على ولدي له 6 شهور يبغى الملاهي ولا قدرنا الحمد لله على كل حال اللهم اجعلنا من الشاكرين والصابرين. تندمت وقلت لو اعلم ان الدعوة كانت مستجابه كان دعيت له بالهداية وان الله يسخره لطاعته مو أحسن . والله ياما بكيت لما اشوف حاله كذا. صار يقول أحس أجلي قرب أخاف يكبرون عيالي ولا يمديني أفرح فيهم.
لدرجة اني اتخيل بعض الاحيان انه يموت او يصير فيه شي واقعد ابكي على اولادي من شدة ما هو محسسنا بهذ الشي .
(يارب بحولك وقوتك اشف زوجي واطل في عمره واكتب له الهداية من كل ذنب ومعصية وسخره لطاعتك ثم لأولادي ولي يارب يارب ) اكتبها وانا ابكي لا تبخلون علي بالدعاء له ولي .
وأرجو من اللي يقرأ يأمن ولا يبخل بالرد عشان الرفع.