فكرة برج المليون رد .............!!!

الا يالله لا تقطـع رجـا داعيـك يـا رحـمـن
يا علاّم الامـور الخافيـة والضيـق.. والشـده

على بابك واناشـدك العفـو يـارب والغفـران
وفيضٍ مـن عطـاك ورحمـةٍ ماهيـب منـرده

خذتني لوعة الوقت الصعيـب مفـرق الخـلان
وقلبـي ضامتـه سـود الليـال وبيحـت سـده

انادي بالوصال احيان وادعـي بالفراق(احيـان)
واخفي غايـةٍ فـي داخـل الوجـدان منضـده

احسب ان الخطا مردود والاحسان ( بالاحسان )
واحسب الجرح يبرى والسنيـن تقصـر المـده

واحسب ان "العهد" بيتٍ قـوى شامـخ البنيـان
عسير الوقت لـو هـد الجبـال الصـم ماهـده

واحسب البعد تجفاه القلوب ويسكـن الاوطـان
واحسب ان المفارق يتعب المشتـاق ( ويـرده)

واليا مريت "يالصوت البعيـد" وجابـك التحنـان
معك قلبٍ يتـوق ومعـك قلـبٍ ( مخلـفٍ وده )

تواعدني مواعيـد السـراب لخافـق الضميـان
و تتـل الـروح منـي والنظـر فدروبـك لـده

واجيك بخاطرٍ يشري رضـاك بغالـي الاثمـان
وعنك والله اني.. ماعرف الهجـران والصـده

ابد ماكن به غيرك على وجـه البـلاد "انسـان"
عليـك الـروح تولـه والنوايـا معـك منشـده

الين ارخصتنى ياصاحبي فالموقف( الخسـران )
وذقـت الغـدر منـك بطعنـة فالصـدر ممتـده

عسى ربي حسيبك كيف قلبي في يدينك (هان ).؟
وانا مثل اليتيم " اللي نثر دمعـه علـى خـده "

خذاك الزود واعماك الغرور وجابك " النقصان "
تقول الحق .؟ ولا تنكره .؟ ولاّ تجـي ضـده .؟

على ماتشتهي روّح ركابك والعـذر لـه شـان
مثل ماقيـل " كـل يلبـس ثيابـه علـى قـده "

عسى لى منك مسرا يقتفيه البعد و ( النسيان )
وهجرٍ ماتجي لـه فالضلـوع النايحـة ( رده )

وعسى قلبٍ (يميل) وينتزع لك داخـل الوجـدان
تمثناه الرمـاح النافـذه فالصـدر ... (وتلـده)

,
أبعاد التركي