البارحة سجيت والنور مافج

[poem=font="times new roman,6,black,normal,normal" bkcolor="transparent" bkimage="http://www.hothle.com/vb/mwaextraedit4/backgrounds/10.gif" border="none,4," type=2 line=0 align=center use=ex num="0,black""]
البارحة سجيت والنور مافج=والليل ماطرى للاصباح فجة
من واقع الايام وظروفها اسج =والناس تضحكبي على كل سجة
وهموم وقتي تزدحم كنها الحج =ولا خذيت مع المطاليق حجة
والزين عن ميعادنا الاولي هج=واقفى ولا بين وش اسباب هجه
واصبح طريق الوصل مابيننا عج=والبعد زود بين الاحباب عجه
وعرش المحبه بعد ماغاب يرتج=حتى كيان الشوق صابه برجه
والدمع من عيني على الخد يندج=باسباب غرو دمع الاعيان دجه
غره زمانه مع هل الكاب والرنج=وانا حياتي بين كابه ورنجه
ولو عندنا لجنة محبين لاحتج=واقدم جروحي دلايل وحجة
لكن قاضينا الهوى والهوى دج = قاضي وحكمه بين الاحباب دجه
واليوم ابى اخيرك وابعد عن اللج=نفسي عزيزة ماتضرت بلجه
القلب داوه بالمواصيل وانهج=قبل الغرق في بحر الاوهام نجه
ولا على الانعاش بابرة يبنج =مادام وصلك حلم خله ببنجه [/poem]

تقبل مروري وتحياتي
علي ماطر عطالله الفضلي الهذلي