ركــــنـي الهــــــــــآدي *ـ*

فقدت من مثل لي الحب في ادوار

واضفى على قلبي حجاب وستاره

رحل وهو للبعد راضي ومختار

قرر ونفذ بعد قرر قراره

مشتاق انا له شوق الاغراب للدار

شوق الغريب الي تذكر دياره

من كثر شوقي له تعديت الاخطار

وشوقي بقا ليله وعدا نهاره

والشوق حاملني على كف الاقدار

والوجد حطمني وشبيت ناره

عنه سألت الطير ماجاني اخبار

والريح عيت لاتجيب البشاره

واسأل نجوم الليل واوراق الاشجار

وباقي سؤالي عم حتى الحجاره

يامن يخبرني هو بيات الاقطار

عل وعسى باالعين انا اشوف داره

واودع احزاني ولا اعيش محتار

واحقق الاحلام واسير جاره

بقلم ........
الحميا