ابو ملاذ او من يسد مكانه ..

برق الحيا :

مافيه احد يا اصحابنا ياطول ليـل المحتـري
ماغير انا وحدي ونـادي والمعانـي جايعـه
وين الزمان اللي مضي اقفي وهو يجري جري
والحين ملت ساعتي وهـي تشيـر التاسعـه

حماس :
ما فيه حاجة غامضة في الشعر عند البحتري
سر المعاني سرها فوق النجوم اللامعة
لو كنت يا برق الحيا رشيد والا الهاجري
ما كان ضيقت الدروب اللي من أول واسعة

برق الحيا :
يامرحبا واهلا هلا ماكل خط ٍ ينقري
لاون زولك سرني واحترت معّه آتابعه
ثنتين تثبت ماقفك ياراعي العظم الطري
لن طالت الطرقه معي واقفت عيونك دامعه

حماس :
إن طحت في سوق الرخا بياع والا مشتري
يشرّ لك الدلال في السومة بروس أصابعه
يا راعي الموتر لزوم انك تمر البنشري
وحدة بوحدة وانتبه لاخطاء هذي الطابعة

برق الحيا :
الصقر لولا مخلبه ماصاد شئ المنقري
وانت علي كبر اللقم مافيك عين ٍ شابعه
امشي الهوينا ياحماس اياك رفع المنخري
واترك لجمهور الشعر حكم الهروج الضايعه

حماس :
يا الله دخيلك ويش اسوي في العميل المفتري
يزعل ليا جيناه في بعض الامور نراجعه
الشاافعي والحنبلي والمالكي والجعفري
كل المذاهب طيبة كل المقاصد رايعة

برق الحيا :
لاضاق صدر العارفه يدري ولا كنه دري
والا الجهاله ياعميل الخير ماهي نافعه
راعي الجمال يحبها لو انها ضمر وهري
وانا لك الله لو زعلت اقلبك زبده مايعه ههه

حماس :
هذي السنة كلش غلي حتى الطليّ البربري
وانا ما افك الدعوجي حتى يبيِّن دافعه
الظاهر إنك ما تشوف النور والنور أزهري
وش عاد أترجم في الكلام اللي من أول رافع