.. الــغــايــه ..

	المشاركة الأصلية كتبت بواسطة فارس الصحـراء

	بسم الله الرحمن الرحيم اعضاء مجالس هذيل الكرام السلام عليكم ورحمة الله وبركاته .. اهدي لكم هذه القصيده على اعتبار إنها مصافحة بعد غياب [poem=font=",6,black,bold,normal" bkcolor="white" bkimage="" border="none,4," type=2 line=1 align=center use=ex num="0,black""] الا ياوجودي وجد منهو طريح فراش = مقرَ اليدين ودمعة العين جهَاشه حذفَ باللبوس الفاخره من زري وقماش = واخذ له مثل غيره جوارب ودشَداشه إله فوق عشر سنين في غرفة الانعاش = وضايق من لحافه وضايق من فراشه وعقب الونس وملاقف الصيد والمطراش = على موتر ٍ ينهض بصدره ليا ناشه ورى النافذه يخيل له بارق ٍ رهَاش = ولا شاف تفصيل الخبر غير فـــ الشَاشه واخذ يستعيد اللي مضى له ومات وعاش = زمان ٍ لهوَمات الصبا فيه نشَناشه تذكَر نهار انه ليا زعلوه وهاش = يحط َ الثنينه والثلاثه تحت جاشه ووجودي وجود اللي سمع بالجهاد وشاش = محرَق فــ قلبه وضع الامه بعد عاشه قطع له دول لاهوب سايح ولا معتاش = معه مصحفه ومذكراته ورشَاشه قضى نصَ عمره في ملاجي تحت .. وعشاش = مع الروس .. يوم الله كتب والقدر حاشه يحبَ المواجه وان لقى الصرَب ماينحاش = يطقـَه ليا سمع البوازيك شوَباشه مشكِل خطر فــ مواجهاته مع الاوباش = واسرَ له جينيرالات من عسكر الباشه واخذ ينصبون الِه الكماين فـــ وسط احراش = من اللغام .. وهجوم ٍ مفاجي .. وكمَاشه وحوَل مثل ذيب الخلا اللي يبا الادباش = وحسَ الخطر قبل اخوياه وعصب شاشه وصكَوا عليه الدرب .. ثم ردَ للرشاش = اصاب اربعه .. بعد اكثر الرمي قد غاشه فــ رجله شضيَه .. واسَفل الصدر فيه كلاش = وفـــ الراس من كثر العباريد خرَاشه بكوه اخوياه .. ودوَروه .. ولقوه عراش = واثر باقي ٍ فـــ مذكراته من قشاشه مطالع قصيد .. وذكريات .. وسيرَ .. ونقاش = وجودي وجوده .. والمقادير نهَاشه على غاية ٍ عاصب عليها فـــ قلبي شاش = جريحة وفاء .. ومراية العين غشَاشه مداها فرج .. واول رسول السحاب رشاش = ومشاعر اللي يتبع البرق جيَاشه تشقــَحت عنها النذل .. والصاحب الغشاش = وراس ٍ يذل اليا لقى الروس شوَاشه وعن رفقة اللي دس َ راسه فــــ شمر اللاش = وعن منـــَة اللي معه الادباش معَـتاشه وعن مدَحــة اللي مرهي ٍ فيه واثره ماش = تشقـَحتهم .. ومدوَر السوق يحَتاشه ابا اقف لغاية خاطري .. كودها تنـَاش = وما راااح جعله قولت سبيع في خاشه[/poem]

والله يا ابو دخيل الله كل ما قصيت بيت اقوم اخذ اللي بعده

بيض الله وجهك وعز الله انك شاعري الاول في النظم