ركــــنـي الهــــــــــآدي *ـ*

قصيدة جرح المشاعر ما تشافيه الاعذار

-------------------------____________-----------------
قصيدة جرح المشاعر ما تشافيه الاعذار


بداية القصة معك وانت تدري
اهديت لك كلي وقلبي لك اختار
جيتك محبة , شوق , والهام فكري
قصة , رواية , خاطرة , نثر , واشعار
ضمك غلا مكنون في جوف صدري
والقلب حبّك ماتردد ولا احتار
لكن صدِّك حطّ من جل قدري
شكواي لله خلها تحل باقدار
لا تعتذر يازين ( ماعاد بدري )
جرحن بقلبي يشتعل كن به نار
الحب ما هو بالعدد كسر عشري
لاما نهاية مابه اخماس واعشار
( أدري وتدري والمخاليق تدري )
جرح المشاعر ما تشافيه الاعذار
حتى لو ان البلسم اسلوب عصري
وش فايدة بلسمْك والجرح قد غار
الله يعين ويجبره ضيم كسري
نهاية القصة نقط حبك اصفار