سد اللزوم

[align=center]قصيدة اعجبتني واحببت ان انقلها لكم[/align]


[align=center] اللزوم


يالله انـك تجنبـنـي دروب الـحـرام

ياكريـمٍ لمرضاتـه نـحـج ونـصـوم



يا عظيمٍ دعيتـه تحـت ستـر الظـلام

افرج الضيق والكربات وأجـل الهمـوم



طالـت السالفـه والعيـن عيّـت تنـام

والرجاء والامـل بيديـن ربٍ رحـوم



رحت شرق وجنوب ورحت غربٍ وشام

مالقيـت الوجيـه اللـي تسـد اللـزوم



كل مأنصى حدٍ كنـه يغصـب المقـام

عاقدٍ حاجبـه ضـارٍ بحـب الخشـوم



غرته ضحكـة الدنيـا وجمـع الحطـام

غافـلٍ مـادرى ان الآدمـي مـايـدوم



لين صـرت اتعداهـم بـدون احتـرام

لو عليهم بشـوت وفـي يديهـم ختـوم



ليه اسلـم علـى مـن لايـرد السـلام

ليه اجامل حيا وأرفـع مقـام الرخـوم



علمتني سنينـي طـول عشريـن عـام

وأتعلـم مـن الايـام فـي كـل يـوم



وكـل درسٍ بنـى بيـن الحنايـا خيـام

ثابتٍ فالضميـر وفـي خيالـي يحـوم



واطرد الغيب ماأمـل التعـب والهيـام

ولو تقـل المـوارد ماتمـوت العـزوم



والـردي ماجعلتـه فالشدايـد حــزام

اعـرف اللـي ليامنـي نصيتـه يقـوم



وانـت يالايمـي ماعـاد فيهـا مــلام

نعنبوهاحـيـاه ليانسـيـت الـسـلـوم



ايه بعض الكـلام يمـر بـرد وسـلام

مير بعض العلوم يصيـر فيهـا علـوم[/align]

قصيدة رائعة وجميلة وهي من قصائد الشاعر الكبير والمعروف (( تركي 2000 ))
من قصائده التي ألقاها في برنامج شاعر المليون وهي أطول من كذا .

يعطيك العافية

أخوي فايز الهذلي

قصيدة جزلة ومعانيها قيّمة

أحسنت الإختيار


( ينقل إلى مجلس المحاولات والمنقولات )

مشكور اخوي فايز الهذلي
قصيده رائعه
الله يعطيك العافيه .

الله يعطيك العافيه اخووووووي فايز
والى التقدم ====================,

[align=center]أشكركم جميعاً على مروركم الكريم[/align]

مشكور اخوي فايز