التسجيل في دارة الرجز المباشرالاربعاء القادم 21/4/1433

اخوي سلمان الندوي الله يحييك

اذا ً الدارة الثانية بيني وبين سلمان الندوي وبانتظار تسجيل شعراء الدارة الثالثة

وشكرا جزيلا ً لتفاعلكم المبكر مع الدارة والتسجيل المهم

بالتوفيق للجميع

الله يحييك ويسلمك ويبارك فيك

الدارة الاولى

بن مغبش وهذلي حزين

الدارة الثانية

شباب وسلمان الندوي

بانتظار تسجيل الشعراء لاحياء الموقع الهذلي بالتراث الهذلي الاصيل والموروث الشعبي

مشكور يا شباب

وبيض الله وجهك على هذا المجهود والفكرة الرائعة

وأنت مكسب للمنتدى طال عمركـ


ودّنا بالمشاركة لكن الوقت هو المشكلة ما نضمن تواجدنا


وأرى أخي شباب لو كل شاعرين يتفقان على موعد محدد يتناسب معهما ويشعران الإدارة أو المشرف يكون أفضل ( مجرّد رأي )
الف شكر لك يا شباب

مساء الخير انا سجلني متااابع لأني معرف ايش شعر الرجز ولاكن اذا تقدر تعطيني نبذه او مثال مثلا


والله لا يهينك عطنا التاريخ بالميلادي اذا ممكن علشان نعرف متي بضبط

وتقبلوا تحياتي

الله يحييك ياعابد الهذلي الموعد مناسب للجميع لان الاربعاء نهاية الاعمال واللي يبى يقدم يكلمنا ويبلغنا

وحياك الله شاعر ومتابع ومشرف الله يبارك فيك

سنجار المري الله يحييك الرجز بحور عديدة واليك الامثلة

اولا ً

القصير ( أ)

يامرحبا بالمري الشجاع

ترحيبة ً بين العرب مرسومة

والله ربي عالم الاوضاع

وكل رجل نعامله بسلومه



ثانيا ً القصير (ب)

يامرحبا يالمري اللي جيت ساري

ترحيب في سطح القمر نكتب حروفه

وان جات حزات الشدايد والطواري

عدونا طول الدهر يشكي ظروفه

ثالثا ً القصير (ج )

يامرحبا يالشاعر المري تراحيب ً كثيرة

ترحيب نو ً فالسما يرعد وبرقه في مزونه

يالعزوة اللي تحتمي المضهود فأيام ً خطيرة

واحنا رياجيل الوفا والراس عزه من متونه

رابعا ً المثولث (أ )

يامرحبا يالوحة التميّز

يالوحة ً ماجالها تحيّز

وكل رجلا ً ماجهل مقداره

واللي شغل بين الاوادم حيّز

لاجات قالات الهجوس يميّز

من حاضر الميقاف تقدح ناره

خامسا ً المثولث (ب) مثولث الوزن مروبع الابيات

يامرحبا حيالله الضيفاني

ترحيبة ً لهل الوفا عنواني

الله يحييكم عدد ماحامت

حامت طيور الجو بالجنحاني


حنا لنا يهل الشعر ديواني

والله مكرمنا على العرباني

وانتم رجال ً باللوازم قامت

وانا اعرف الرابح من الخسراني


سادسا ً المروبع

اهلين ياسنجار وارحب

واحنا معك نقرا ونكتب

لكن دوّر للسلامة

خصيمكم فاللعب مرعب

حنا لنا مذهب ومنسب

واليا بلغنا كل مطلب

ماعاد تلحقنا ملامة

واللي يجي بالشر يتعب


سابعا ً المخومس

سنجار سجل واعتمدها

ترى العرب داخل بلدها

واصل الرجز فيني طبيعة

واصل مقامي للطليعة

واخذ السواليف ورددها


الطيبة نرفع عمدها

واللي يبى الزينة وجدها

والشاعر اللي سد ريعه

وش عاد لوقفى ربيعه

واللي زرع بذرة حصدها


ثامنا ً المعوشر



سلام واردد وانادي

ياصحابنا حضر وبوادي

جينا كما نو ً تحمى

بسم الله الرحمن سمى

هكب على كل العبادي


برقه لمع في كل وادي

قبل المطر والجو هادي

وطم موج البحر طما

صواقعه سيف ً تدما

سوات جيش وله عتادي


واللي على ظهور الجيادي

ترميه واسمع ياحمادي

اللي سواته مايذما

لكن رميك لايزما

واحذر صنايد العنادي


جينا ونور الشمس بادي

حتى خبرنا فالروادي

وزاح ربي كل غما

واليا اجتمعنا في ملما

كما شياهين الهدادي




هذه تقريبا ً اوزان الرجز المعروفة عند شعراء هذيل وقد تزيد حسب اجتهاد الشاعر وتجديده

	المشاركة الأصلية كتبت بواسطة شباب

	سنجار المري الله يحييك الرجز بحور عديدة واليك الامثلة اولا ً القصير ( أ) يامرحبا بالمري الشجاع ترحيبة ً بين العرب مرسومة والله ربي عالم الاوضاع وكل رجل نعامله بسلومه ثانيا ً القصير (ب) يامرحبا يالمري اللي جيت ساري ترحيب في سطح القمر نكتب حروفه وان جات حزات الشدايد والطواري عدونا طول الدهر يشكي ظروفه ثالثا ً القصير (ج ) يامرحبا يالشاعر المري تراحيب ً كثيرة ترحيب نو ً فالسما يرعد وبرقه في مزونه يالعزوة اللي تحتمي المضهود فأيام ً خطيرة واحنا رياجيل الوفا والراس عزه من متونه رابعا ً المثولث (أ ) يامرحبا يالوحة التميّز يالوحة ً ماجالها تحيّز وكل رجلا ً ماجهل مقداره واللي شغل بين الاوادم حيّز لاجات قالات الهجوس يميّز من حاضر الميقاف تقدح ناره خامسا ً المثولث (ب) مثولث الوزن مروبع الابيات يامرحبا حيالله الضيفاني ترحيبة ً لهل الوفا عنواني الله يحييكم عدد ماحامت حامت طيور الجو بالجنحاني حنا لنا يهل الشعر ديواني والله مكرمنا على العرباني وانتم رجال ً باللوازم قامت وانا اعرف الرابح من الخسراني سادسا ً المروبع اهلين ياسنجار وارحب واحنا معك نقرا ونكتب لكن دوّر للسلامة خصيمكم فاللعب مرعب حنا لنا مذهب ومنسب واليا بلغنا كل مطلب ماعاد تلحقنا ملامة واللي يجي بالشر يتعب سابعا ً المخومس سنجار سجل واعتمدها ترى العرب داخل بلدها واصل الرجز فيني طبيعة واصل مقامي للطليعة واخذ السواليف ورددها الطيبة نرفع عمدها واللي يبى الزينة وجدها والشاعر اللي سد ريعه وش عاد لوقفى ربيعه واللي زرع بذرة حصدها ثامنا ً المعوشر سلام واردد وانادي ياصحابنا حضر وبوادي جينا كما نو ً تحمى بسم الله الرحمن سمى هكب على كل العبادي برقه لمع في كل وادي قبل المطر والجو هادي وطم موج البحر طما صواقعه سيف ً تدما سوات جيش وله عتادي واللي على ظهور الجيادي ترميه واسمع ياحمادي اللي سواته مايذما لكن رميك لايزما واحذر صنايد العنادي جينا ونور الشمس بادي حتى خبرنا فالروادي وزاح ربي كل غما واليا اجتمعنا في ملما كما شياهين الهدادي هذه تقريبا ً اوزان الرجز المعروفة عند شعراء هذيل وقد تزيد حسب اجتهاد الشاعر وتجديده

اخي المشرف شباب..
.
.
اولا أُحيي فيكـ هذه الفكره..
وأشكرك على مجهوداتك الواضحه في المنتدى..
التي لاينكرها الا انسان غير منصف..
.
.
ثانيا..
بالنسبه لاوزان الرجز..
وبعد اذنك طال عمرك..
عندي اضافه بسيطه ..
مع ذكر أمثله اجتهاديه منّي للتوضيح لا أكثر..

1- اقصر اوزان الرجز على الاطلاق

يامرحبا ترحيب وافي ** في حلةً زايد كرمها
الصف مافيه اختلافي ** والوافيه نرفع علمها

مع ملاحظه أن هذا الطرق هو نفس الطرق الذي ذكرته في تفصيلك "المروبع"
ولكنه عباره عن بيتين منفصلين ..
وكما يطلق عليها أقصر الرجز الحربي..

2-المروبع القصير "وهو وزن أقصرمن الوزن الذي ذكرت في الفقره السادسه من ناحية التفعيلهة"



ومن ذلك رجزه للشاعر الكبير هويشم الندوي

أذكر منها:

يامرحبا رحب المطر
ترحيب كله في قطر
وضيوفنا من دونها
من دونها رفع الخطر
ا

.
.

اخي شبّاب..
أشكرك مرةً اخرى ..
.
.
احترامي لكـ ولكل من يمر من هنا

بن مساعد حياك الله

بالنسبة ليامرحبا رحب المطر مثلها

سلام للحصن وحصاه
والحصن عزه من حصاه

للحبكلي واعرف الوزن واعتبره نفس المروبع لكن على لحن بني فهم ويقال انه لحن من مسقط

يامرحبا ترحيب وافي في حلة ٍ زايد كرمها

اقصر الاوزان هو مروبع مفصول واعرفه لكن هذا تجديد كما ذكرت والابتكار بسيط في الاوزان

الله يحييك ويبارك فيك

	المشاركة الأصلية كتبت بواسطة شباب

	بن مساعد حياك الله بالنسبة ليامرحبا رحب المطر مثلها سلام للحصن وحصاه والحصن عزه من حصاه للحبكلي واعرف الوزن واعتبره نفس المروبع لكن على لحن بني فهم ويقال انه لحن من مسقط يامرحبا ترحيب وافي في حلة ٍ زايد كرمها اقصر الاوزان هو مروبع مفصول واعرفه لكن هذا تجديد كما ذكرت والابتكار بسيط في الاوزان الله يحييك ويبارك فيك

طال عمرك اعرف انك تعرف..
واعرف ان الاوزان مقتبسه من بعضها..
ولكن كتبت هذه الملاحظات للناس الذين لايعرفون ويريدون المزيد من المعرفه في فن الرجز..
ومنهم الأخ سنجار..
.
.
دمت ياغالي..
وكانت عودتي لتوضيح هدفي من الرد الاول..
.
.
احترامي

الله يحييك يالغالي ذكرتني بالاخفش حين تدارك البحر المتدارك على الخليل بن احمد صاحب علم العروض

وهو عبارة عن عكس الدائرة العروضية لأحد البحور وشكرا ً جزيلا ً لك ولكل حرف سطرته في قصائدك وردودك

ايضا من القصير قول معطي السالمي في عام الفين

يامرحبا بالشاعر الجديد

اللي معه شلة تطيره

انصحك لاتقرب من الحديد

ساير زمانك يامسيره

اولا
والبقك البقا من شاعرا ماضاع
واللي تقدم يستلم مقسومه
خابرك سبع من وراه اسباع
والذيب واقف ماتضيع اعلومه
ثانيا
وبقك البقا ياللي تشلون الشباري
ترحبتا تقنعك والقوم امعروفه
صاحبك حاضر فاللوازم وانت ضاري
والوقت ماتامنه لا جاتك صدوفه
ثالثا
وبقك البقا من هاجسا حضر وحضر من ظميرة
والبحر محداريقدره وانتم من اللي يسبحونه
يالعزوة اللي تحتمي المظهود بسوفا شطيرة
حنا الرجال اللي لهم تاريخ ياللي تعرفونه
ربعا وخامسا
هذي نفس البحر المثلوثه بجيب وحده
يامرحبا بأشاعر المتحدي
وشفيك مسرع يازميلي هدي
السالفة ماهي كذا والقصه
جيتك معى العالم وانا المتبدي
اركد شويه ياولد وتعدي
اضاهر انك سايرا لي قصه
سادسا
ياصاحبي قرب ونقرب
والبير توك قوم وشرب
ترا الرجل يحفض كلامه
يامرعب العالم بتنشب
ماني بلاقي منك مكسب
والذيب لا شاف له مضرب
يقدم ولا ترعد عظامه
قصبا علي العدوان يغلب

سابعا والثامن مثل البحر ما يحتاج أجيب عليه

الحمد لله ماعليه
شاعر و عندي مقدريه
وربي ترا افجوجه وسيعه
وانته تدور للقطيعة
وقف مثل هضبت طميه

حاسب علي شد المطيه
تراك جيت المهمهيه
اسورنا دايم منيعه
وسيوفنا موت وسريعه
حاسب ترا رجلك جريه

وعتذر اذا خليت بي شي من الأوزان لأني سراحه ماني متااكد

والشباب قلت لك الرجز تعطيني قصايد الله يهديك



وتقبلوا تحياتي المهم اذا حد بلعب بالرجز قبل يلعب يجيب الرابط. لان الكتابه تختلف بسبب اللهجات