ديوان الشاعر قشيمع سالم الندوي الهذلي

ديوان الشاعر
قشيمع سالم قشيمع الندوي:

يامرحبا والضيف له منا تحيه وإحترام
نمد لي الضيف الوفاء وبعدها ناخذ علومه
واليوم حكم السيف والاسلام تمشي بالنظام
واللي يزوف عملته في المملكه ضاعت لزومه

يامرحبا ترحيبة السفطان في الحله الشهيره
تمرق حلال الربعه اللي ضيفها يلقى مداه
جيتم لنا واحنا لكم مرسين ديره سد ديره
ماينقص المغراف موج البحر يرعب من يراه

يارجل عبر عن شعورك واطلب الله واستخير
الضيف ما نرضى له الهزمه وضغط إحراجها
فرعون قبلك قال للعالم انا الرب الكبير
وهزه الرحمن هزه ماعرف مخراجها

سلمان ربعك عبت التكميل والواجب يمدا
معاد شئ صبره ترى الطلبه قرب ميحالها
ياولد قوماً تنذكر لقواتها في كل معدا
ابوك والجدان يوم الريع يبدي فالها

يامرحبا وانتم ثقات هذيل تقضون الشفوف
يشهد لكم تاريخكم ماهي هروج الوجهنه
اليوم صار الاعمى فتح والمفتح مايشوف
تقصر حياته عن نواته واليدين مكرتنه

وداع صحي يالصحيه
عسى تداويها الطريحه
اللي لها ذاوه وريحه
خاست كبدها والكلاوي
الليله شديت القريحه
على الجميلات القبيحه
من طاح يقعد في مطيحه
واللي سرا فوقه العلاوي

وداعة الله لاندمتم
في الاوله كنا وكنتم
واليوم لاحنا ولاانتم
نروز للعليا ونهجع
النفش من كثره فحمتم
تحمدوا الله ليسلمتم
كنتم في هاك الحيد صمتم
الدار لهل الدار مرجع

رحبت والكاين يكونا
بلابه جيناهم وجونا
لو هي مخافه مااحتسبنا
نرسي علي راحه وهونا
لاتظلون وتظلمونا
ما احنا قريب وتعرفونا
واللي عمركم من نسبنا
في الثابته لا تجحدونا

وداع من قدوه وقادي
يا ارحامنا يانور بادي
ابطال في وقت المعادي
ماقط يقفى بطلبها
الطيبه غاية مرادي
والي حدا في الامر حادي
من دون وزعتكم نفادي
النص منا من حسبها

يامرحبا من قول حرا
بالهينه ماهو مضرا
مطلع الشكات برا
متلبس الشاشه النظيفه
عزي لمن هو تحرا
يبغى غنايم في المسرا
هذاك من ربعه معرا
وإيديه للسفلا خفيفه

الليله في اول علم اشوفك
لازم تبين لي كشفك
وانكان ماهي من نهيله
ما سير لك في الامر حيله
رد العرايض في زروفك
صفت صفوفي مع صفوفك
لحظات ثبت لي وقوفك
بعض القبايل مستحيله
وبعضها روزه ثقيله
حلفت لاصنفر بلوفك

اهلين باللابه المخيفه
صلبه وسمعتها شريفه
كم ورعة من راس قاسي
ترسي كما ترسي الرواسي
عقولها ماهي خفيفه
معذار مانبغي الطريفه
نمشي على الجابه النظيفه
يوم الهجر فيها احتماسي
منا ومنكم صار باسي
واليوم تسعفنا السعيفه

اليله نو البحر مظلم
والرعد في منشاه يرزم
في اول خياله جاء عسامه
كسر شفاها مع تهامه
واللي سمع برعب يعلم
مااحسبك يالقفران تظلم
لكن تالي الليل تحلم
وقع تتلاك السلامه
ولانلحقكم ملامه
كافر وتالي الليل تسلم

يامرحبا عدد شجرها
وإعداد ما نور قمرها
بشراف مانبغي كدرها
لو جاتنا منها خطيه
هذيل رست في ديرها
ماغيرة مبنى حجرها
والعامره للي عمرها
والحق لي راعي المطيه

رحبت عايد مانسكر بابه
لكن تحداني كثير اسبابه
وجهتا للجامعه السريه
مايطلعها إبلس ولا احزابه
دار الفلك بين الزمن واصحابه
وعامر الوزعه ثنوا مشعابه
تلعب بهم الكوره الارضيه
واحد يودي العلم واحد جابه

تــــــــــــابـــــــــع

موادعه يأهل القرى واحنا مشينا
نطلب من الخلاق قصران القبيح
وإن كان جاء منكم وجاكم من حدينا
مسامحه ولزمة الله ماتطيح


دام البقا يالشاعر المتعافي
عساك تسلم حذفت الحذافي
تقعد على طول الزمن مستور
من بين ربعك ما عليك خلافي
وإن طول الميقاف يصفي الصافي
والناس تعرف حالة المعسور

يامرحبا واجب عليه
مدام في الحفله حضرنا
لو كان ما صافي قمرنا
بكوزها كوز المطيه
لضيوفنا نثني التحيه
ولا يكدرها كدرنا
من دونها نبذل خطرنا
بأرواح واقوالاً وفيه

يامرحبا والعود غنا
في ماقفه مايستكنا
عاده وجددها زمنا
والضيف مانرخي وجوبه
بلابه واجبهم وصلنا
ساير وفا منهم ومنا
ساير علي مذهب وقنا
سفيان سيسان العروبه


يامرحبا في ابعد مسافه
ترحيبه مافيها اختلافه
مجنبه عن الكسافه
والرب غفار الذنوب
بنت العرب تبغي ريافه
حيث ان داخلها مخافه
من دونها حافه وزافه
يارصاد هبي بالهبوب


يامرحبا باللي لفونا
جاهم وفاء وهم وفونا
بالشاتله ما تعبونا
وصول تمشي في عدلها
لهم شرف سابق وعونا
واحنا شجاع وشجعونا
واللي يريده الله يكونا
ما حد يمثل بمثلها


يا مرحبا من مختبر واخبار
وازهم شعب وابغي اكبر الشعار
عبدالعزيز اللي يردها
نبغي نسريها مع الاقمار
ناخذ بها دوره برمز افكار
سريةً خطط عقيدها

يا مرحبا باللي تمد وفاها
ضوت بعزه ووفانا جاها
تقدر على الطولات واحنا نقدر
من دور العليا لقي مبناها
والكلمه ما تقبل بلا معناها
واللي يقدم وافيه مايخسر

الليله جينا في الوعيده
والله يدبر مايريده
قصدي حجيج بالوكيده
اما حكم والا حكمها
عسا ليالينا مفيده
نسجل اخباراًجديده
واعلان ينشر في الجريده
والجايزه نرفع علمها

سلام جينا بوفاكم
وزعه ولا نبغي جفاكم
عشتم وحنا في حداكم
ولزمة الله في ذراها
في الماقف الحاكم قفاكم
والبيض كسوه لي قداكم
قدامكم ما احنا وراكم
وكل يسره في مداها

تــــــــــــابــــــــع

يامرحبا والزعم مايطريني
مع العوارف فكريه يكفيني
والضيف له حسن المعامله
اعمى البصر ما اقول له ياعيني
لا هي من حقه ولاتشفيني
لكن نبغيها مجامله

يامرحبا من سيرة المحراف
ناخذ ونعطي بي علوم خفاف
صحيحه ماتاكل عضودها
مانحسب الهذلان منها اطراف
والليله هذي سالفه تنعاف
هماج ماتسقي ورودها

عبدالله خبط والحراره زادة
لو يضربونه بلإبر مافادة
يسعاف الانفس ودها التلاجه
الرعد هزه وعضامه بادة
يكم نفوساً عن قشيمع حادة
واللي زقلها ما عرف مخراجه

الليله نو الشام كسر
على اليمن جرح وخسر
من ابصره بالرعب خبر
واغرق حجيج بعباته
يذكر في ذاك الوقت يذكر
لكن جاه الليله عنتر
يبقطعه بالسيف الابتر
يشهد حتيرش بوفاته

يامرحبا ما ابدا بزله
وعلم زايد نبنحله
نقضي علي كثره وقله
لو كانت الطرقه بعيده
في اول زمن مرجعك هله
قبل النجوم الي مطله
ساس الغلا تعرف محله
وقع رضى والامكيده

وداعة الله يالذي بالوافيه تاخذ مداها
عسى والوفا واهل الوفا متقفل بيبانها
انتم رجال الطايله والارض تغطاها سماها
وكلمة العاقل يمثلها علي ميزانها

يامبرحبا بالجحدلي اللي محتمي الركن الجنوبي
سرت وراء المضهود وجوبي الربطه سوقها
اولاد حجاج الذي فجت عسيرات الدروبي
لجت غطاريف العجب يوم استردة نوقها

الليله ابوسالم مهاجم ياصفوف وشجعيه
اما كسب والا اكتسب والله يدبر مايريد
من عادته يحكم على الشعار ماتحكم عليه
واللي يبي سطح القمر لازم يرده للصعيد

يامرحبا علي فراش اللي يغلق كل باب
ارسى وباشر بالوفا وعزوته تحمي جنوبه
وضيفنا عن سلكة الزلات نحسب له حساب
نكمله حسب الطلب ولا تكلفنا وجوبه

يامرحبا في حلة اللي رايها ماهو عديم
مباشره بعلم وافي والمنافذ واسعه
مدة فرشها للكرم برادة الرب الكريم
ضيوفنا تاخذ مداها ما تجيها الباشعه

تــــــــــابــــــــع

سلام جينا بوفا العليان والساير يسير
ما نبتدي بالشاتله والله يغلق بابها
انتم بحوراً مغرقه واحنا كما السامي العسير
واللي تهقوى في الحيود العسر مايرقابها


يا مرحبا ترحيب وافي
بميرنا حامي القوافي
مرسي لباديها وخافي
مامون ما خان الرعيه
انتم حما الركن المكافي
واحنا كما جيش المطافي
وإن صار في الهجره اختلافي
تحت الطلب والنارحيه



سلام من هاجس مغيب ساسه
ماينحوي للي تنوى قاسه
من قابله يهزه الوسواس
الحر حر وينعرف مغراسه
الماس اللي ولع حرق لماسه
سبحان من قسم عقول الناس



قفران ما يبغي العرب يوحونه
يعطف الدمرانه في ماعونه
تقعد لعنصرهم مورخه
لقمه لجت بين الجما وسنونه
واللي بلعها تبتطير عيونه
تحت الخطر ما هي مصرحه



سلام ياجيشاً مومن حده
وإن شبت النيران ماحد قده
انظار تكفي عن شهودها
ثبت حصصنا جدنا مع جده
والكل منا ماتجي من سده
حيود ما هزت حيودها



يامرحبا والهينه تنعاف
والوافيه بين العرب تنشاف
يذكر بها في وبعد
اسمع خبر وايد الاشراف
حكام كرسي ماتسوي خلاف
زال الرباعي والله الاحد


يا مرحبا ترحيباً بأشراف ما نبغي كدرها
وقتاً لفانا بسعيّد نبصره ليلاً سعيد
نبصر مخايل خيلت واليوم ننشد عن مطرها
نبغي العلوم الطيبه والله يدبر مايريد



رحبت بأشراف المكابه
تاريخها ورث مهابه
من قاسها يحسب حسابه
يرجع عن السامي العسير
واللي يريد الله نوابه
واللي تنوا العلم جابه
ممدوح ما سوّد كتابه
مومن الخرم الخطير


سلام من هاجس حلي افساره
والي دعي يرد من محضاره
ماهي التماثيل الملفقه
جينا بواجب ما فرق مخصاره
نزاور العاني وناصل داره
لو كانت ابوابه مغلقه



سلام فز القلب فزا
ماهمني منهو تعزا
احسب حساب اهل العنيه
اللي تباشر بالتحيه
عسا فرحها مستعزا
ربعي تهز الخصم هزا
عدوها ملزوز لزا
يوم العصور الجاهليه
واليوم سرنا بالسويه
والشر مع وقته توزا


تـــــــــــابع

ماطر لك انساباً نقيه
واعزاك ياذيب السريه
تحمي علوم المنقديه
عن شامتاً يسمع خبرها
لم القرا من كل نيه
واهتمة الروح الشقيه
معاد شئ صبره بطيه
والظلمه يجلاها قمرها


يامرحبا عبر دليلك
والمختبر بيني وبينك
حريب ناظر لي حريبه
جاك النذر وشد حيلك
عسى الليالي ماتزيلك
في اول زمن وين كنت وينك
الليله وقفتها صعيبه
على الثقال الله يعينك


يامرحبا واحكم ومدي
قنعه لمن هو قام ضدي
وإن كان معطي ما تراجع
بغي نشد الحبل شدي
ياصفوف ابوسالم تحدي
بدبرة الرب المقدي
والمختبر عند المنازع
ودي الخبر ياعلام ودي


يامرحبا والرب يعلم
بالاخره واللي تقدم
فزنا بها سنيناً مديه
بالنور وبالليل الاظلم
هبوب ربي ماتقسم
واهل المعارك كيف تسلم
واما الذي باع الحميه
كما الذي يمرض ويسقم



الليله احجيج سريبه
في حالته ماحد مثيبه
لامن بعيد ولاقريبه
غلطان في عقله يزول
اقول قولي واكتفي به
مكان ودي اقطع نصبه
بعد التوى ذيبي بذيبه
ذيبي يشق النحر الاول


يامرحبا هل الهلال وهلوا ياحاضرين
حيث إن جن الارض عادتها مع التهليل تذهب
إنتم ضيوف الله وحنا بوفاكم قادرين
لكن نبغي الطيبه والطيبه للناس مكسب


مرزوق دوبه جهز القوه وانا مقبل عليه
واهل مثل قالوا المثل والحيد مايهز حيد
هات القلم يابوعلم وسجل المحضر عليه
اما تراجع في الغلط والا بدا العلم الشديد


يامرحبا حياكم الله يالضيوف الغانمين
والضيف في دبرة معازيبه ويعرف ماينوبه
ترى الاخيره ياحجيج عند رب العالمين
تمشي الحساني بالحساني والحذر ياخذ وجوبه



يافهم شيلوا شيخكم طاحت عضامه مع يديه
من عقب هذا الليل للاهو مستفيد ولا مفيد
هزه الرعد عند الوعد واللي حضر يشهد عليه
يأهل الخبر ودوا الخبر معاد شئ زايد وزيد


وداع والاحرار تدري بالحلال من الحرام
لكن بعض الناس تمشي في طبايع عنتريه
الي نويناها دهكناها وصرمنا العظام
واظن فيها لوم يرفع كوم السيره مديه


تــــــــــــــــــابــــ ــع

سلام يالحله الكريمه
اللي على مذهب وقيمه
ما غيروا العاده القديمه
من شافها هلل وكبر
جينا ولا منا زعيمه
نمشي على الجابه السليمه
نمشي على ساقة عزيمه
لو كان سد البحر الاحمر


يا مرحبا بالصدق اخرّج
بالقارحي النور المسرّج
يوم الزمن رحاه تدرج
صدام لثقال الشدايد
..............
غطرف لها القايد مفرّج
واصحابنا بحراً مخرّج
حروب ما راحوا بزايد


علي توحينا خبركم
واليوم صادمنا خطركم
سيف ابوزيد للحرب حده
وإن كان سله مايرده
اما اعدلوا والا دمركم
زادة صورنا عن صوركم
وبحرنا نرشف بحركم
واللي غلط في انساب جده
وقت التسلسل ما يعده
لا عاد ينزل في ديركم

يا مرحبا من طيب نيه
باشراف سلطتها قويه
في ما سبق لنا حميه
وان ضيعوا الماقف فداها
اسمع علوم الجاهليه
وإن قلتها قالوا شنيه
والله يعلم بالخفيه
اللي خلق ارض وسماها


سلام للعاني ضوينا
لو كان عن دربه حدينا
لزيم له حقاَ علينا
بالوافيه ندق بابه
ما قط سارت من حدينا
ولا عن اللزمه انثنينا
نمشي على متعة يدينا
مالودنا يحسب حسابه


اسمع خبر وموجبه ابعطيه
عساه من حض الذي يرجيه
عبدالمجيد اللي يمجد قومه
ولد رجالاً ذكرها تحميه
فازت نهار اللاش ما يمديه
كم ماقفاً محرج تبعد لومه

سلام في الحفله اجتمعنا
دبرة كريم ارضه تسعنا
كلاً من افكاره تمعنا
والناس الي زادة تراجع
الي مشينا الله معنا
والله عن الباطل منعنا
مانرفق الشيطان معنا
يدخل بيوت اهل المنازع

تـــــــــــــــابـــــــ ـع

ياحامد اعطني علومك واستمع علمي يجيك
نبغي نسريها على وضح النقا باحسن وسيله
سبحان منهو خرج الاحرار من عصعوص ديك
واستذكرة باخبارها وقالوا هذي احرار اصيله

يا مرحبا ترحيبتاً مازلت
ماشي غليبه إن كثرت وإن قلّت
ضيوفنا نطلق سراحها
لك واحده وإن ردة عنكم ولت
ما ينفع العطشان الي ما علت
واظن في العله مراحها

سلام يا انواراً سناها
منوره للي يراها
والضيف ما يوحي جفاها
يباشرونه بالتحيه
وصول نرفع مستواها
اوجب علينا الله وفاها
............
............

سلام تكسيكم ثياب البيض حاضركم وغايب
يالاد سالم مزبن المضهود لي الحادي حداه
جينا بواجب لزمة الله مانبي زعم وطلايب
نبغي لزوم الله على مقداركم دله مداه

الليله ابني في المعاني بنيا
واهل العداوه من ضماها طنيا
واعرف عريفه قالته مفلوته
حنا هل الطولات واهل العليا
وانته حقاوي صافقتك الدنيا
والي جحدت انسابكم مثبوته

الليله حرف القاف فوق العاء
يحكم بحكمه بين ذاك وذاء
حكم المعلم لي تولى الطالب
بعض العرب مايقبل الرعواء
يمشي في درق الحجه العمياء
والي بدت له ما يحل الواجب

يامرحبا لاخاب وعدك
قفران خلك دون حدك
مبغي العلوم اللي تضدك
خاطر وتتلاك السلامه
حكمتها قبلك وبعدك
ماهمني لو دن رعدك
وان قلت لك جهدي وجهدك
الناس تلحقني ملامه

سلام جيناكم في اخوه
يا اهل الشجاعه والمروه
واللي دعانا في وجوبه
نزيد دعم القوه قوه
عسا الفرح مبروك ضوه
وابليس يكفي الله سوه
كلاً يوثّق ماينوبه
رعداً زهم وانهل نوه


تــــــــــــــــــــابــ ــــــــــع

يازايد اول ليله اشوفك
طلعت لك صورة وصوفك
اثرك كما الصقر العشاري
بصوتك ومشجع صفوفك
ماهمني في الوقت خوفك
نبغي نغطيكم بصوفك
يا لابس البشت التجاري
نهمتك ماتقضى شفوفك

موادعه واحنا خبرنا مرك
يوم المخايل وخطرها برك
سفتها برا وداخل سوقك
ياليت لك كمّال فيك تدرك
يامعطي لا تسمع لمن لا سرك
وين الراحمه الله يكافي شرك
ابليس يجري في مجاري عروقك
لا بالله الا بالمشاكل ضرك

يا مرحبا يا شاعراً منته ذليل ولا كليل
لكن عبر عن شعورك قبل تتعبني وتتعب
ترى الذي قبلك عصوا عن ملة الهادي الخليل
ما حصلوا غير الخساره والخساره ماهي مكسب

الليله نبغى مفاهمه مني ومن شاعر عبير
نبنطلق الفرسان في الغاره وتاخذ حدها
حاكم علينا الله وحكمي تحت حكم الله يسير
واحكم على سفيان وابهدي النصايح بعدها

صح لسان الشاعر الكبير قشيمع بن سالم الندوي الهذلي

ولا زلت اعيد واكرر ليت معنى فالمنتدى اكثر من سلمان

توثيق اكثر من رااااااااااااااائع



لا هنت يالذيب وبيض الله وجهك



اطيب التحايا

شاعر كبير ورجز جزل يستحق التوثيق

بيض الله وجهك يا سلمان


تحياتي

توثيق رااائع ياسلماان وبيض الله وجهك

وشكراً لك على جهــودك الراائعه

	المشاركة الأصلية كتبت بواسطة بن عادي

	صح لسان الشاعر الكبير قشيمع بن سالم الندوي الهذلي ولا زلت اعيد واكرر ليت معنى فالمنتدى اكثر من سلمان توثيق اكثر من رااااااااااااااائع لا هنت يالذيب وبيض الله وجهك اطيب التحايا

صح بدنك

الله يعطيك العافيه

يابن عادي

شرفت بمرورك الرائع

	المشاركة الأصلية كتبت بواسطة قرناس بني ياس

	شاعر كبير ورجز جزل يستحق التوثيق بيض الله وجهك يا سلمان تحياتي

وجهك ابيض ياقرناس


شرفت بمرورك

الراقي

	المشاركة الأصلية كتبت بواسطة مساعد الهذلي

	توثيق رااائع ياسلماان وبيض الله وجهك وشكراً لك على جهــودك الراائعه

وجهك ابيض يامساعد

والاروع مرورك

المشرّف

قشيمع الندوي..

.
علم من اعلام هذيل..
.
.
امتعتنا ياسلمان بهذا الرجز..
.
.
احتراامي