سلام الله عليكم ياهذيل اهل الوفي والطيب

سنجار المري

سلام الله عليكم ياهذيل اهل الوفي والطيب@@ سلاما وافيا لأهل الوفي والطيب عنوانه

توكلنا على الله والحقيقة مانعرف الغيب@@ ومركبنا رسى وسط البحر والعز ربانه

خالد الهذلي

هلا يا مرحبا ياضيف نثني لجله الترحيـب !!!تراحيب الهذيلي من ضميره قالهـا لسانـه

عيون الذيب فالمرقاب ترقب خطوتك ياذيب !!!تريضها شوي وثم بعدها جـات عجلانـه

سنجار المري

يامرحبا بك يالمرحب جعل شمسك ما تغيب @@ يقولها مري ودار اهذيل سارت اوطانه

سمعنا صايح الشله ولا له يا ولد امجيب @@ وجيرانه يقولون العرب ماحن بجيرانه

خالد الهذلي

تبى تسري معي فالطرقه الي مالحقها العيب !!!تحزم بالحـزام وثبـت البنـدق ونيشانه

اذاعه والاذاعه ياجماعه قد ويـش تجيـب !!!عسى الهدهد يجيب العلم ثم يجيب برهانـه

سنجار المري

على وضح النقى نمشي ولا يدخلك شك وريب @@بنادقنا معانا صاحبك مغواه شيطانه

ابوعمار ثروت بندقه جاتك على التصويب @@ توقع غارته وقبله تراها غارت اخوانه

خالد الهذلي

عساك اليا رميت من السواري ياعميلي تصيب !!!ترا فـي ديارنـا ذيبـا تبـا تاكلـك نيبانـه

تقوله والبلا جساس بـن مـره غـدر بكليـب!!!!ولكـن المهلهـل قــرب الـديـان ديـانـه

سنجار المري

انا ماني بهايب واحمدالله ماعلى اصعيب @@ وذيب القوم لامن شافني بيحط كرعانه

يقلون العرب اكليب مخطي وانت قلت امصيب@@ ولاكن المهلهل طاح وشاف الموت بعيانه

خالد الهذلي

هوايل شوف راس الورع منها مشتعل بالشيب!!ولانجهلك ياعود احتـرق ثـم فـاح دخانـه

من اول سد مارب طاح والسبه من التخريب!!!نبى نقضي على التخريب قبل تزيـد فيرانـه