نخوة العز

[poem=font=",6,black,bold,normal" bkcolor="transparent" bkimage="http://www.hothle.com/vb/mwaextraedit4/backgrounds/23.gif" border="none,4," type=3 line=0 align=center use=ex num="0,black""]
يا هاجسي حلق على روس الجبال أم الهضاب = اللي القدم لي هاز مرقاها حسب منزالها
روس الجبال اللي سواميها مغطيها السـحاب = يضيع فيها الشوف وطيور السما وجوالها
حوّل عـلى الـقـمة وصيدك لايـجـي صيد الـغـراب = خـل الـنـوادر من نصيبك والسمان إجزالها
لا تاخـذ الا الـواردة و الـصادرة حـظ الـذيــاب = و اللي تحّول عـن طـريقك سدها محوالهـا
اقطف ثمر روس القوافي من خزام و من شذاب = و اتــرك هـزيـلات الـمـعـانـي دقّهـا و جلالـهـا
حـتـى لـيـا مرت على اهل الذوق كالشهد المـذاب = وازكـى من العنبر وريح المسـك لـلـي شالـهـا
شـاعرك شـاعـر مـا يجيب الهـيـنـات مع الـطيـاب = مـن لابةٍ لاكبـرت القـالة وصـل مــن جـا لـهـا
فضلي من الهذلان لي حار الخبر والا استناب = روس الرجال اللي تحب الطايـلة و تـنـالها
من بعدهـا قـم يارسيلـي واركب الـلـي ما تـُعاب = مـنـجـوبـة الألـمـان زانــوا حلّها وارحالها
مرسـدس مـن نـوع البنوراما فـ حلّة وانسياب = والمصـنـع اللـي ضامن الـجودة على تمثـالهـا
تـفـنـنـوا فـيـهـا طـغـاة الكـفـر بـعـد الـجـو طـاب = لـيـن اتـقـنوها بي وصايف عن جميع أشكالها
خرايط العالم علـى الشـاشـة بـدقة في الحساب = تعـطيـك عـن كـل الـمـواقع طـقسها واحـوالها
رادارها يـرشـدك فـي المشوار عن زاد وحزاب = حـتـى عـراقـيـل الخطوط اقصارهـا واطـوالـهـا
اعـجوبـة العالـم فـ وقـفتها ومـشـيـتـهـا عـجـاب = قـمـة مـن الابـداع في تصميمها واخـصـالـهـا
أسـرع من البـراق والغيمة ومن ضـوح السراب = واسـرع من البارود في تشغـيـلهـا ويـصـالـهـا
تخطـف نظـر من شافها في دربها مثل الشهـاب = تـقـدح شرار من الهـبـوب يمينها وشـمالهـا
صنعـة كـلاب الغـرب عـباد الوثـن مـان الذهـاب = حـطـوا سـحـر هـاروت بـيـن اقفايها واقبالهـا
منصـاك ابـو راكـان لـي بـان القمر والنجم غاب = واحتارو اهل العرف فـي حيله صُعـب حلالـهـا
تـلـقـاه راعـي الأولـه بـيـن الـجـزالـة والرحــاب = ووفـود قُصّـاده مـن اهـل الـوافـيـة وارجـالـهـا
غـني عـن التعريف راس هذيل موفي كل بـــاب = واللي قـصد بابه وقـف تحـت النجوم وطالـهــا
ولـيـا وصـلـته بالسلامه بلغـه عـذب الـخـطـــاب = بـلــغ ســلام هـذيــل شيخ هذيل يا مـرسالها
قـلـه أنا مـرســول والمرســول مـا يبغي جـواب = والـحـر يفهــم بالإشـــارة كــلـمـته ودلالـــهــــا
يـاراس قـومـاً في النوايب مـا تــذل ولا تــهــاب = يـشهـد لـهـا الـتاريخ عند اقوالها وافـعـالـهـا
هـم عسكـر البـارود لـي قل الحضور من الغياب = واهـل الـفـصـاحة والبلاغة والكرم فـ إحلالـهـا
وأنـت الأمـل وهـذيـل فـي الواجب تغلق كل باب = أهل السيوف اللي عـلى الاعدا تـسـل سـلالـهـا
من دون قاصر في القبايل والخطا توم الصواب = زلـة لـسـان وتحسب الكـلمة عـلـي مـن قالـهـا
وان كنت مخطي يا وجيه الخير شـياب وشبـاب = نـرجو السموحـة من سباعـاً وافية واشبالـهــا
يا شيـخـنـا يا راعـي الجزلـة نحمـلـك الصعــاب = مـا للحـمـول الـلـي تهد الحيل غير اجمالها
ونـتـه جملـهـا يـا وسـيع الـمعـرفه للخصم هاب = ونـتـه دلـيـلـتـهــا تــقــدي صــحـهـا وعـلالـهـا
ونته لهـا قـدوه وبـاب الـوافـيـه وامـرك مهـاب = ونـتـه يـبـو راكـان مـكـسبهـا وروس اموالـهـا
فـيـك الشجاعـه والفـراسـه والثقافه والخطــاب = فـيـك العـلـوم الـي تـنـومس مـانـقـص مكيالهـا
كـل القـبـايـل فـي جـزيرتـنا لـهـا بـاب وجــواب = الا هـذيــل الــمــجــد والـتـاريـخ طـال جدالهــا
وحنا نحملـك الامانـه يالـوفـي وامـرك مــجــاب = لـبـس هـذيـل اهـل الـفـعـايل بشتها وعقالهـا
نبغـى لـنا شيـخاً مع اهل العرف محفين الركاب = وانته لسـان اهذيـل وردهــا عـلى مـنـهـالـهـا
وانـت الـمـبـدا والـمـقـدم مـع رفيـعـيـن الجنـاب = واخـوان نـورة محـتـمـيـن الـقافلة وادوالـهــا
مـلـوكـنـا الـلـي تـلـطـم العايل بجنحـان الـعـقـاب = متسلسلة من طيب مجـنـاها وصـيـت اخوالـهـا
أولاد مـن وحـد بـلاد العـز مـن فـوق الـنـجــاب = حـتـى تـسـاوت روس اعـاليهـا بعز اسـهـالـهـا
عـبـد العزيز اللي له التاريخ عـنـوان الـكـتــاب = صـقـر الجزيرة راعي البيضا فـ روس اجبالهـا
العاهـل الـلي سـطـوتـه تـخـضـع لـهـا كل الرقاب = نـهـار فـيه اهــل النـعـارة تــدرق فـ اعـيـالـهـا
عـسـاه لـلـجـنـة ورب الـعـفـو يـجـزاه الـثـــواب = فـي جنة الفـردوس بـيـن اثمارها وزلالـهـا
وحـد قـبـأيـل بعد مـا كـانـت فـ فـرقة واغـتـراب = والمملكة جدد معالمها وعز اطــلا لــهـــا
رسّــى قـواعدهـا وسلمهـا رفيـعـيـن الـجــنــاب = حـكـامـنـا الـلي تـدبـل الـكـيـلـة على كـيـالـهـا
دامـوا لـنا فـي العـز والـحـساد فـي فمهـا تراب = وضعـوف الانـفـس ما نواطنها كفى الله حالها
ياخـادم البيتين يـاراعــي المـواقـيـف الصــلاب = واخـوانـك اللـي ردت الحـيلـة على محتالها
واحـنـا حـزامـك يامـلـكـنـا لـي انـفتـح باباً لباب = واهـل الحسد قامت تجر اذيال غير اذيـالـهـا
اضـرب بنـا هـام الـعـدا ياسـيفـنا واحنا النصاب = سهامك اللي مرسلة ضد الـعـدا و اذلالـهـا
حـسادنـا قــامـت ثعـالـبـهــا تــغــرر بالـــكـــلاب = ما همنا نبحت ضواريها و غـدر اثـعــالــهــا
الـلـي يـوافـيـنـا نـبـادلـه الـــوفـا والاحــتـســاب = و الـلـي يـعـاديـنــا نــشــده حــمـلــةٍ ماشالـهـا
طـاعـة ولـي الأمـر واجــب والنـقـا بيـض الثياب = واللـي بلا بيعة ولاء في حالةٍ يرثى لــهـا
ياراية التوحيد مـن فـوق الـدول وامـرك مُهـاب = الله يـوفـقـنـا شـهـادة عــز تـحـت اضــلالــهـا
رايـة هل العـوجا لـيـا سـار الـملـح مثل الضباب = في ساعةٍ قشرا يشيـب الطفل من أهوالــهـا
[/poem] تم التنسيق من قبل الشاعر علي ماطر الهذلي