قبر جدي

[poem=font=",7,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يالله طلبتك يا مجازي بالإحسان = ياعالم ( ن ) بأسرار قلبي ويدي

إنك تسوق الخير لديار نعمان = تسقى ثرى غطا على قبر جدي

بأمرك تسوق الريح براق وأمزان = وبأمرك يطير الطير ولا يهدي

يالله تجزي راعي العرف بجنان = وتروي عضامه تحت ضل ( ن ) مندي

شيخ ( ن ) من الطيبه دحم كل ميدان = ونال الجزيله وأنتصر في التحدي

أبن عليوي سيرتة كان ما كان = تسمع صدها في حدايا المحدي

شيبه حليق الراس مفتول الأمتان = طويل قامه في اللوازم يسدي

مع ربعه الهذلان لا قلت هذلان = تلقاه شايش بينهم مستعدي

متحزم الخنجر ويرمي بنيشان = ولاكل صيدن لا تعدى يعدي

شديد في طبعه ولو جانبه لآن = راعي نصيحه فالمشوره يقدي

له في الكرم صوله وجوله وعنوان = مع كل وادي له طريق ( ن ) يودي

يالله ترحم راعي الطيب والشان = وتسقي سحابه عابره قبر جدي [/poem]

رحمة الله عليه وصح لسانك

الله يرحم الشيخ حماد العلياني

وصح لسانك ياماهر على القصيده الجميله

ومشكور على طرحها هنا يعطيك العافيه

تحياتي وتقديري يالقرم

مشكور اخوي راك يعطيك العافيه على التواصل الجميل

تسلم اخوي نادر النادر متابعه رائعه الله يعطيك العافيه مشكور وماقصرت