قصص وطرائف من الموروث الشعبي

حياك الله يابن ثمير

دامه جت للسوالف . خذ هالسالفه على السريع

عاد إستلموا هالسالفه الي فيها مطبات لمن تُقراء عليه

هذا يقلكم سلمكم الله جميع إنه في رجال حلف ( أي أقسم ) إنه يسمي عياله على الفال وهالقسم يمشي على عياله جميع . وكانت مرته حامل وولدت وجابت ولد خرج الرجال من باب بيته وأول كلمه يتفاول بها كلمة ( راحة البال ) سمى ولده راحة البال وحملت الحرمه مره ثانيه وجابت ولد وأول كلمه يسمعها ( مصيبه ) وسمى الولد مصيبه وحملت الحرمه مره ثالثه وجابت ولد وأول كلمه يسمعها ( نكد ) وهو يسمي الولد نكد
المهم كبروا هالعيال الثلاث وصاروا رجاجيل لهم قيمتهم في بلدهم أما مصيبه فصار من أخويا الملك وجلسائه من فين مايروح الملك وهو معه وأما نكد وراحة البال إشتغلوا بالتجاره وصاروا من أعيان البلد ووجهائه . في يوم راح الملك يقنص وراح معه أصحابه ومنهم ( مصيبه ) وأثناء غيابه توفي راحة البال وفتح ابوهم بيته للمعزين وصاروا يعزونه ويقولون له معوض خير في راحة البال والله يخلي لك نكد ويجبلك مصيبه من عند الملك

وسلامتكم جميع