خالد الهذيلي أذا متواجد

ابو محمد أختم المحاوره وعن أذنك أنا أنشغلت شوي

هههههههههه

الله الله


المقبره غبرا وهي تدفن قتيلاً مع قتيل /// والناس ماتقنع ولاترضى بطول اكفانها
انته حصان الشرق وانا سيف له حداً صقيل /// اثنين في الميدان يوم القوم في ميدانها

	المشاركة الأصلية كتبت بواسطة مبارك العتيبي

	ابو محمد أختم المحاوره وعن أذنك أنا أنشغلت شوي

مرحبا والله ومسهلا يابو ممدوح شكرا لك لاتاحة هذه الفرصه لمجارات شاعر علم وبحر من بحور الشعر

ويعلم الله اني استفدت من مجارااتك كثير شكرا لك والى لقاء اخر تحياتي وتقديري

مبارك العتيبي

أبا تحكم ف المعاني والقليل أسمه قليل /// وأهـــــل الحسا ما تاكل التمره براس لسانها
وهذيل ترعى با المواشي من سطاع الى طفيل /// لاكن لو تخطي خطا ها ما وصل جيرانها

خالدالهذلي

يلي تحكم فالمعاني وش نصيبك مع هذيل /// الي تقرر وزنة الطرقي على ميزانها
ياجارنا الي لامشى يمشي وهو في عرض فيل /// واليا لقى له نيرتاً زود على نيرانها


مبارك العتيبي

هذيل تاخذ حقها والرزق من عند الفضيل /// لاكن لاتخـــطي ولا تطمع بحق خوانها
والساس قبل الراس والبراق في عرض المخيل /// واللي يبي يدخل بيوت الناس مع بيبانها


خالدالهذلي

حنا بغينا نجمع الاجواد فالضل الضليل /// قدام بقعا لاتحط القوم تحت اسنانها
راحو ثلاثه واربعه واثنين في درب المسيل /// واطيبهم الي لايدينها ولايدانها

مبارك العتيبي

ياجارنا وش لون تخطي والخطا ماله دليل /// وأن شفت صيده حايزه يمي وقفت وزانها
أكلت من مال اليتيم وجزت من مال البخيل /// تبغا تغني لي بيوت ن ما عرفت الحانها

خالدالهذلي

اكبر عيال العود لازم مايصير الهم وكيل /// هذي تراها هقوة الاخوان يم اخوانها
اليوم انا عيني على كنزاً من الوزن الثقيل /// واشوف بقعا جات شعلتها على دخانها

مبارك العتيبي

الحنضله لو تنعصر ماجات ورد وسنسبيل /// يا اللي تقول الميته تاقف على كرعانها
أنته عيونك ماتشوف من الحلال إلا قليل /// والناس يامال الغنيمه فتحت عميانها

خالدالهذلي

ان كان لابدك عشا خلك عشا سبع الطويل /// اخير من بعض الحصاني الي ترف اذانها
ياعنك وش حصلت من دلتك غير الجنزبيل /// وام الهنود الي عليكم كبرت ورعانها

مبارك العتيبي

تبغا تشب النار وأنته لازناد ولا فتيل /// تسرح بخــــيلك عـــش وش ولا شريت أرســــانها
تزرع على صم الصفا وتقول أنا عابر سبيل ///وأنا حصان الشرق وأهل الغرب وين حصانها


خالدالهذلي

المقبره غبرا وهي تدفن قتيلاً مع قتيل /// والناس ماتقنع ولاترضى بطول اكفانها
انته حصان الشرق وانا سيف له حداً صقيل /// اثنين في الميدان يوم القوم في ميدانها

صحت الألسن شعراءنا الأكارم

محاورة قوية وإبداع مامثله

تقبلوا تحياتي وتقديري وشكري

ههههههههه قاف ممتع وبيض الله وجيهكم وصحت الالسن