خلط ديوان مطلق الثبيتي بديوان ابراهيم الشيخي

مـن بعيـد أجمـل )) .. لابراهيم الشيخي

ـــــــــــــــــــــــــ ــــــــــــــ



شهرين .. مشغول عن غيرك وفاضي لك

احاول افهمـك .. بالتفصيـل والمجمـل

وارسمك واتفنّن برسمـك .. وتشكيلـك

واعتّقك في زوايـا الذاكـرة .. واثمـل

واحيا معك وقتي الحاضر واضحـي لـك

بالقـادم المنتظـر والماضـي المهـمـل

ماودي اطفي وهج صوتك بشوفـي لـك

وارجع بحلـمٍ كسيـر وجـرح مايدمـل

اتركنـي اعـذب اسورتـك ومنديـلـك

والعقـد الالمـاس والبرفـان والمخمـل

واعوّذك بامّهـات الحـرز وادعـي لـك

من باسمه البرق سبّح والرعـد بسمـل

صحيح زينك يشكّل فـرق عـن جيلـك

وان ما كملت انت عمر الزين ما يكمـل

لكن ظلمتك وعيـن العقـل ظلمـي لـك

لو كـان فسرتهـا علـى كـذا محمـل

جوري عليك انتصف لك مـن مقاتيلـك

يوم احصروك بنطاق العين وانت اشمـل

واللي منعني لـ.. اجي واقرا تفاصيلـك

احساسي اني .. اشوفك من بعيد اجمل!!!